عمل وصله بطاريه

**sigma** · 22-08-2014 01:40 PM

عربيتي اوتوماتيك و موصل ليها بطاريه 65 امبير

و المؤشر الاخضر اللي فيها خدعني و البطاريه نامت مني

عايز اقوم العربيه بوصله بس الوصلات اللي في السوق كلها تعبانه فكنت عايز افصل وصله ..

سؤالي : ايه نوع الكابل اللي اجيبه و تخانته اد ايه و ليه مواصفات معينه عشان ميسخنش و ميسحش و يستحمل؟

ارجو الرد السريع ...

**Land_Cruiser** · 22-08-2014 02:08 PM

البنزينات الكبيره او بتوع الاكسسوار المعروفين بيبقي عندهم انواع كويسه . عامه لو مش مطمن لو في بتاع بطاريات قريب فك البطاريه ووديهالو يشحنها و بالمره يكشف عليها و بعد كده ركبها او لو قالك بايظه اشتري واحده جديده و ارجع ركبها

**khsalama** · 22-08-2014 06:22 PM

سلك من 6 الى 10 مم شعر، يعني السلك عبارة عن 6 مم شعيرات نحاس رفيعة. الطول حسب منتا عايز بس مش اقل من 3 متر للفردة الواحدة (فردة للموجب وفردة سالب). الكلابات مش عارف ممكن تشتريها منين. بس ممكن تشتري كابل شحن بطارية من الانواع الرخيصة وتاخد الكلابات بتعته وتركبها على سلكك.
خد بالك ان السلك بالمواصفات دي مش رخيص المتر من زمان كان ب 15 جنيه