أعضاء المنتدى المحترمين انا اشتريت سيراتو ستاندر او اقل فئة اتوماتيك من شهر تقريبا من وكيل كيافى السعودية الجبر وليا بعض الاستفسارات ياريت حضراتكم تجاوبونى عليها :
1-لما بحط الفتيس على D وبعدين اشيل رجلى وانا واقف بسمع صوت طقة كده من التيل ولما سألت فى التوكيل قالولى ده فى كل العربيات الجديدة وهتروح مع التليين ده صح لا غلط
عادى جداً انا كانت عندى و راحت بعد حوالى 250 كيلو أو حسب الاستعمال
2- لما بضغط على الكاسيت او التابلوه بايدى بسمع صوت طقطقة خفيفة ولما بكون ماشى بحس بطققة من التابلوه بس بتقل شوية مع المشى عن لما بتكون العربية واقفة الصوت كانه زى لما بتضغط على اى حاجة بلاستيك هل ده عيب فى تقفيل الديكورات الداخلية ولا ايه ؟
مش عندى الحكاية دى بصراحة
3-امبارح لما احد الاعضاء اتكلم عل موضوع على حرارة الكونسول نزلت شيكت بنفسى ومشيت بالعربية شوية بس طبعا مقدرتش مشغلش التكييف لاننا فى الدمام والجو حر جدا عشان كده جربت بالتكييف بس محستش بسخونية فى رجلى لكن لما تبعت المكان تحت حسيت بالحرارة بايدى من ورا الحتة الفيبر
طبيعى انك متحسش بسخونة مع تشغيل التكييف لأن فيه فتحة تكييف فى منطقة القدم
4- وانا بشيك فى الدواسة تحت لقيت ان عامود الدركسيون باين قدمى ومش متقفل عليه موكيت زى ارضية العربية ولما لفيت الدركسيون شفته وهو بيتحرك هل ده فى كل لسيراتو ولا عندى بس
عندى نفس الكلام مفيش مشاكل
معلش انا كتبت استفسارات كتير بس ده لانى متابع الموقع الجميل ده من زمان وشايف مدى تعاون اعضاؤه المحترمين وعشان كده انا طمعان فى مساعدتكم بعد ربنا . وشكرا مقدما لحضراتكم
أى استفسار احنا بإذن الله فى خدمتك
المفضلات