الموضوع: أيهما أفضل ريو هاى لاين أم بروتون جين 2

المشاركة الأصلية كتبت بواسطة 2code

مش عارف ازاي بروتون متفوقه في كل ده !!!!! قربنا على مرسيدس كده :) :)

البروتون تتفوق في الثبات بس انما ولا خامات ولا تقفيل ولا عزل زي الريو وده متفق عليه وكفاية شكل العربية القديم !!!!!!!

يعني انا اقولك على حاجة انزل بنفسك وشوف على الطبيعة دي ودي وقارن الخامات وقارن الشكل والدهان ... الخ واحكم بنفسك هتعرف الفرق وانت واقف :)

خامات الكوري قريبه جدا جدا من البروتون
اصل الريو مش تقفيل ألماني يعني
دهان الجين ممتاز و معمر جدا جدا

المشاركة الأصلية كتبت بواسطة adnfalcon

خامات الكوري قريبه جدا جدا من البروتون
اصل الريو مش تقفيل ألماني يعني
دهان الجين ممتاز و معمر جدا جدا

معلش بختلف معاك .. خامات البروتون اقل فعلا من الريو بكتير اقل حاجة ممكن تتلاحظ اوكرة الباب
الدهان في الجين 2 مش تمام .. خدت بالي من عربيات جين 2 كتير الدهان فيها زي ما تقول مفقع
والريو تقفيلها مش ألماني طبعا العين ما تعلاش عن الحاجب بس ممكن اللي بيقارن بينهم يركب دي ويركب دي ويلاحظ .. بس مش اكتر :)

المشاركة الأصلية كتبت بواسطة ahmed.essam

معلش بختلف معاك .. خامات البروتون اقل فعلا من الريو بكتير اقل حاجة ممكن تتلاحظ اوكرة الباب
الدهان في الجين 2 مش تمام .. خدت بالي من عربيات جين 2 كتير الدهان فيها زي ما تقول مفقع
والريو تقفيلها مش ألماني طبعا العين ما تعلاش عن الحاجب بس ممكن اللي بيقارن بينهم يركب دي ويركب دي ويلاحظ .. بس مش اكتر :)

فالشارع اللي جنبي فيه عربيتين جين 2 موديلات قديمه و الشمس ملسوعه فالدهان معظم اليوم وشمس الأقصر مشهوره طبعا هههه
والدهان 100 %
بالنسبه للخامات انا شايف انها قريبه جدا جدا بلاستيكات مش فارقه أوي
عيب جين 2 صوت الموتور عالي وتوكيلها وحش جدا و قطع غيار غاليه بس ثبات عالي ودي ميزه رهيبه

المشاركة الأصلية كتبت بواسطة 2code

ده على اساس ان البروتون الدهان الالماني ؟؟؟؟؟؟؟؟ !!!!!!!!!

مش عارف محسسني ليه ان البروتون دي bmw او mercedes ومتخفيه في علامة جديدة

بروتون ثبات أعلي يعني مش مراجيح زي الكوري وتستاهل فلوسها بعكس سعر الريو المبالغ فيه وبالنسبه للدهان أنا قلت ان مفيش أحر من هنا وعمري ماشفت جين 2 دهانها حالته وحشه

المشاركة الأصلية كتبت بواسطة 2code

مش عارف ازاي بروتون متفوقه في كل ده !!!!! قربنا على مرسيدس كده :) :)

البروتون تتفوق في الثبات بس انما ولا خامات ولا تقفيل ولا عزل زي الريو وده متفق عليه وكفاية شكل العربية القديم !!!!!!!

يعني انا اقولك على حاجة انزل بنفسك وشوف على الطبيعة دي ودي وقارن الخامات وقارن الشكل والدهان ... الخ واحكم بنفسك هتعرف الفرق وانت واقف :)

حضرتك حسستني إن الريو دي بي ام دبليو 750 وانا مش واخد بالي
علي فكرة انا قعدت شهرين بدرس كل حاجة عن الريو لاني كنت هجيبها و شوفتها كتير لحد ما حفظتها و هي عربية ممتازة
و فعلا التقفيل و الخامات قلت لصالح الريو
الشكل اذواق و شكل الريو حلو
و حتي لو التفوق في الثبات بس،الثبات مش كماليات نقدر نشيلها و نحطها في اي وقت
العزل مش هتكلم عنه
الدهان لو علي انه بينقر،الاوبل البوية بتنقر و بتجرب

المشاركة الأصلية كتبت بواسطة 2code

حسستك ازاي يعني وفين ؟؟؟؟ انت شوفت ردي كويس ؟؟؟؟



هههههههههههههه انا بقولكم انتوا اللي بتفخروا في العربية علشان ملاكها وبتحيز كمان !!!

وحسستني بالثبات اني راكب bmw او mercedes وانا مش واخد بالي !!!!!!!!!!

وده الكلام اللي انا قولته فوق !!!!! شوف كويس ومتكررش كلام انا بقوله

عارف انك لازم تدافع عن عربيتك وده الطبيعي بتاع الشعب المصري لكن مش بالعافية

للمره المليون هقول تاني

البروتون تتفوق ثبات لكن ولا كماليات ولا خامات ولا تقفيل ولا عزل ولا شكل ولا تصميم احسن من الريو - الريو تتفوق في النقاط دي

وربنا يباركلك في عربيتك

انا قولت هي فعلا تتفوق في التقفيل و الخامات و اكيد هتتفوق في الكماليات و انتشار قطع غيار و إعادة البيع
و انا لو كنت بدافع بالعافية و متحيز ليها كان زمان النقط اللي قولتها كلها لصالح البروتون
و ثبات البروتون مش رهيب يعني لكن كان قصدي احسن من الريو بس مكانش قصدي حاجة تانية