عداد الحراره بيخرف - ابيزا 94

**amrmostafa44** · 23-08-2014 03:39 AM

السلام عليكم ازيكم يا ابيزاويه
انا عندي مشكله اتمني ان حلها يكون بسيط عداد الحراره حاسس انه مش تمام مؤشر الحراره مش بيطلع اكتر من الجزء الابيض الصغير الي في اول العداد و لو طلع بيطلع حاجه بسيطه اوي فاعتقد ان ده مش طبيعي ايه رايكم ممكن المشكله تكون في ايه مع العلم ان المروحه بتشتغل تمام

**Mecha** · 23-08-2014 07:43 AM

may be the temperature sender is faulty

**amrmostafa44** · 27-08-2014 03:32 AM

طيب مش ممكن يكون من العداد نفسه

**egman** · 01-09-2014 12:29 PM

حضرتك المشكلة ده بيكون السبب فيها ثرموستات الكوعة وهو موجود داخل شجرة المية والمسئول عن الفتح والغلق للحفاظ على درجة حرارة الموتور وعلى وصف حضرتك كده هو مش بيقفل علشان يفضل محافط على حرارة الموتور الى هى 90 درجه هو سعره رخيص وتغييرة ما بياخدش وقت خالص .

اما لو كان حساس الحرارة هو المشكله الى بيركب خارجيا فى شجرة المية فهتلاقى المؤشر الحرارة مش ثابت وهتلاقيه بيخرف جدا يوصل للاخر والعربية اصلا مش سخنه .

بالتوفيق ان شاء الله ،،

**amrmostafa44** · 02-09-2014 05:44 AM

المشاركة الأصلية كتبت بواسطة egman

حضرتك المشكلة ده بيكون السبب فيها ثرموستات الكوعة وهو موجود داخل شجرة المية والمسئول عن الفتح والغلق للحفاظ على درجة حرارة الموتور وعلى وصف حضرتك كده هو مش بيقفل علشان يفضل محافط على حرارة الموتور الى هى 90 درجه هو سعره رخيص وتغييرة ما بياخدش وقت خالص .

اما لو كان حساس الحرارة هو المشكله الى بيركب خارجيا فى شجرة المية فهتلاقى المؤشر الحرارة مش ثابت وهتلاقيه بيخرف جدا يوصل للاخر والعربية اصلا مش سخنه .

بالتوفيق ان شاء الله ،،

طيب انا ممكن اتاكد ازاي العيب من ثرموستات الكوعة ولا حساس الحرارة ولا العداد نفسه علشان مغيرش حاجه و تطلع المشكله مش منها

**egman** · 02-09-2014 10:15 AM

والله يا باشا فى تجربه كان نزلها حد فى القسم علشان تجربه ثرومستات الكوعه تقريبا الاستاذ / محمد السيد على ما افتكر والله اعلم اساله او دور فى القسم عليها ياما تروح لحد كويس وهو هيظبطلك الدنيا لو مش عايز تفك بنفسك وهيعرف اية الى محتاج يتغير وعلى كلأ كل الحاجات المحتمله ده سعرها رخيص .

**amrmostafa44** · 03-09-2014 03:21 PM

المشاركة الأصلية كتبت بواسطة egman

والله يا باشا فى تجربه كان نزلها حد فى القسم علشان تجربه ثرومستات الكوعه تقريبا الاستاذ / محمد السيد على ما افتكر والله اعلم اساله او دور فى القسم عليها ياما تروح لحد كويس وهو هيظبطلك الدنيا لو مش عايز تفك بنفسك وهيعرف اية الى محتاج يتغير وعلى كلأ كل الحاجات المحتمله ده سعرها رخيص .

شكرا يا كبير ان شاء الله هروح ل اسطي عصام يكشف عليها لو لقيت العيب من ثرومستات الكوعه هروح لبتاع الردياتير اغسل الردياتير و احط مياه مقطره قبل مغير الثرموستات

**SYD** · 05-09-2014 03:06 AM

اعتقد والله اعلي واعلم انها ممكن تكون من ثرموستات الريدياتير
احتمال يكون راكب عندك ثرموستات واطي
الثرموستات بتاعنا بيشغل المروحة علي 92 وبيفصل علي 87

علشان تختبر الثرموستات وتتأكد ان المشكلة منه
سخن العربية وانت واقف بدون حركة وراقب المروحة هتشتغل وقراءة المؤشر فين
لو اشتغلت بعد الأبيض مباشرةً يبقي ثرموستات
لو اشتغلت عند منتصف المؤشر يبقي ثرموستات كوعة زي ما قال الأخ حسين الصواف

تحياتي