عايزأركب طارة الدريكسون القابلة للتعديل في اللانوس أعمل ايه

**waleedrahmy** · 22-10-2008 09:51 AM

عايزأركب طارة الدريكسون القابلة للتعديل في اللانوس أعمل ايه؟؟؟؟؟؟؟؟؟؟؟؟ الصراحة بعد تركيبي العدادات الاستيراد بتوجيهات الاستاذ/ محمد ممدوح نفسي أتفتحت أني كمل باقي الكماليات خصوصا أني مركب شوية منهم(الفوج لايت والسنتر وبطانة الكبوت ولمبة الستوب الخلفية والايريال الكهرباء وساعة التابلوه) كده يبقي فاضل الزجاج الكهرباء وتلوين التابلوه وطارة الدريكسيون القابلة للتعديل........... تلوين التابلوه أتعلمناه من موضوع الاستاذ/ محمد ممدوح عايز بقي أعرف أزاي نعدل الدركسيون للقابل للتعديل؟؟؟؟؟؟؟؟؟؟

**limo** · 22-10-2008 10:12 AM

غير عمود الدكسيون بواحد متحرك وهتحتاج الفبره الى تحت الدكسيون (علشان يخرج منها الزرار الى بتعدل منه
العامود هيعمل فى حدود 200 جنيه استراد الفبره مش عارف تعمل كام
ممكن تجيب الطاره وبالعامود المتحرك والكونتاك بدارعات الاشاره والفبره كله فى حدود 450 جنيه استراد

**waleedrahmy** · 22-10-2008 10:39 AM

صباح الخيرأستاذ/limo يعني بتوع الاستيراد يرضو يببعوا العمود المتحرك والفبرة لوحدهم ولا يشترطوا أنهم يتباعوا علي بعض(الطاره وبالعامود المتحرك والكونتاك بدارعات الاشاره والفبره كله فى حدود 450 جنيه استيراد) ولوسمحت أشرحلي طريقة الفك والتركيب

**limo** · 22-10-2008 11:01 AM

المشاركة الأصلية كتبت بواسطة waleedrahmy

صباح الخيرأستاذ/limo يعني بتوع الاستيراد يرضو يببعوا العمود المتحرك والفبرة لوحدهم ولا يشترطوا أنهم يتباعوا علي بعض(الطاره وبالعامود المتحرك والكونتاك بدارعات الاشاره والفبره كله فى حدود 450 جنيه استيراد) ولوسمحت أشرحلي طريقة الفك والتركيب

فى ناس بتبيع العامود لواحده ودول كتير لاكن الفبره معتقدش ان فى حد بيبها لواحدها ولو بتاعها لواحدها هيطب فيها مش اقل من 50 جنيه فعلى ايه انت هات المجوعه كامله (طاره ودرعات وكونتاك والعامود والفبره ) وخد الى انت عايزه وسيب الباقى هينفعك بعد كده
انت ممكن كمان تجيب الطاره بتاعه الانوس الى فيها اير باج شكلها عامل زى طاره النوبيرا شكلها احلى من الطاره الى نازله مع العربيه
طريقه التركيب الحقيقه انا مش فاكرها اوى
بس هيه تقريبا
هتحل الفبره وبعد كده الطاره وهتحل دراعات الاشاره (دول مش بمسامسر ليهم مجرى ) وبعد كده هتحل العامود من تحت وقبل ما تشيل العامود من العربيه هتحل الكونتاك
وهتركب العامود الجديد وتركب كل حاجه مكانها بنفس الترتيب بس من الاخر للاول

يا ريت حد يعلق او يقولك برضو على طريقه التركيب لانى مش فاكرها كويس

**waleedrahmy** · 22-10-2008 11:28 AM

طريقه التركيب الحقيقه انا مش فاكرها اوى

الله ينور عليك أنت الشرح المستفيض ده ومش فاكر أمال لوفاكر كنت عملت أيه أنا بشكرك علي الشرح المختصر الواضح و تسلم أيديك.....

فعلى ايه انت هات المجوعه كامله (طاره ودرعات وكونتاك والعامود والفبره ) وخد الى انت عايزه

يعني انا كنت عايز أخفض المصروفات لاكن أدم ده الحل الاسهل في الفك والتركيب يبقي أعمله أن شاء الله

**waleedrahmy** · 27-10-2008 10:04 AM

في حد من الاخوة الاعضاء جرب تغيير العمود بالمتحرك

**M.Elhamy** · 27-10-2008 01:35 PM

أستاذ وليد أنا بصراحة شايف إن ملوش لازمة خالص ، ممكن بالفلوس دي تعمل حجات أحسن بكتير ، تعديل فرامل مثلاً

**waleedrahmy** · 27-10-2008 04:40 PM

أستاذ وليد أنا بصراحة شايف إن ملوش لازمة خالص ، ممكن بالفلوس دي تعمل حجات أحسن بكتير ، تعديل فرامل مثلاً

شكر لارأيك يا استاذ/ الهامي.....بس أحب ألفت نظر سيادتك أن موضوع تعديل فرامل اللانوس بيتكلف حوالي 3000جم لانك حاتغير الكاوتش والجنوط الي مقاس 14 بوصة غير الطنابير والتيل والكالبرات.........أنما موضوع عمود الدريكسون المتحرك بيتكلف من 250جم الي450جم هنااك فرق جامد في التكلفة