الموضوع: مشكله و محتاج مساعدتكم و نصائحكم

انا جبت موبايل سامسونج note 3 امبارح من شركه رايه عن طريق الاتصال بالكول سنتر
و شحنولي الجهاز على البيت من خلال شركه ارامكس و تم الدفع عند الاستلام


المهم لما استلمت العلبه لقيت العلبه مش متبرشمه و لزقات الشاشه و الظهر مش متماسكين و خصوصا الظهر اللزقه كانت متشاله

و كمان مفيش فاتوره ضريبيه ..الفاتوره اللي جايه هي فاتوره توصيل شركه ارامكس و بدون ختم ضريبي !!
هل دي بتعتبر فاتوره ضريبيه يعتد بيها ؟؟؟؟؟


و الضمان ..ضمان يونيون جروب و تاريخ الضمان عليه من بدايه شهر 3 !!! يعني كده الضمان فاضله 6 شهور و ينتهي ....

و لما سالت خدمه العملاء قالولي الضمان ساري من تاريخ استلام الشحن مع ان مفيش فاتوره ضريبيه !!!


انا مش عارف يعني الواحد يشتري من شركه كبيره ومضمونه يحصله كده عشان طلب توصيل للمنزل..ده احترام العميل يا جماعه هم فاكرين العميل مغفل للدرجه دي تجيلي علبه مش متبرشمه و من غير فاتوره ضريبيه



الواحد اشترى من محلات عاديه محصلوش الكلام ده قبل كده

و كلمت الكول سنتر و مدنيش حل مرضى و بيسلموني لبعض الفروع و الكول سنتر ومش عارف هترسى على ايه !!!


حد عنده حل للمشكله دي و طريقه اخد بيها حقي منهم ؟


او طريقه اتاكد بيها اذا كان الموبايل ده مستعمل او جديد؟

و كمان مش هعرف اغير الموبايل لان مفيش فاتوره ضريبيبه و كمان مفيش دليل مادي ان الموبايل مستعمل :(

و جهاز حمايه المستهلك بيشترط الفاتوره الضريبيه كمان للاسف


بالله عليكم ساعدوني فلوسي اترمت في الارض ..



قدر الله و ما شاء فعل