@~@~ ايهم تثق فيها ثقة اعلى فى السيارات اليابانى ~@~@

**D . a .\ AYMAN** · 26-10-2008 12:47 AM

المشاركة الأصلية كتبت بواسطة فادى

السيارات اليابانية تفتقد للتميز, و تعتمد فى معظمها على تكنولوجيا متخلفة, فمثلا لم نرى سيارات يابانية مزودة بنظام حقن الكترونى الا فى بداية الألفية الثالثة, (الكورولا لحد 2001 كانت كاربيراتير), بينما بدأ الأوروبيون يضعون نظم حقن الوقود من سبعينات القرن الماضى حتى الماركات الاقتصادية مثل فيات و بيجو.
- هذه التكنولوجيا المتخلفة تفسر سر اعتمادية السيارات اليابانية فى السنوات الأولى من الاستخدام فقط, فهى أسهل فى الصيانة, و مجربة بشكل أكبر, كما أن مراكز الخدمة لمعظم السيارات اليابانية تعمل بشكل جيد, بعكس السيارات الأوروبية مثلا المعقدة تكنولوجيا و التى لا تستطيع الكثير من مراكز الخدمة صيانتها بشكل جيد.

برغم اني متفق مع كل الردود اللى اتقالت من الإخوة الأعضاء المبجلين على المشاركة بتاعت الأخ فادي المحترم وفي كمان غير الكلام اللى اتقال عن اليابانيين كلام تاني كتيير ممكن يتقال ... مش تهيؤات ولا نثر وخلاص ... لأ دي حقائق تاريخية بالورقة والقلم عن الشعب الياباني سواء قبل الحرب العالمية أو بعدها ومش مجاله هنا ...

وكل ده بغض النظر عن رأيي الشخصي إنهم شعب قاسي لا دين له ولا أخلاق (طب ماهي أمريكا كده وأوروبا كده وجنوب شرق أسيا كده ده حتى العرب بقى في كتير منهم كده بدون ذكر دول معيينة أحسن حد يزعل) لكنه شعب -الشعب الياباني - عنده إحترام للقواعد وعنده ... ضمير

لكن عموما انا مش هارد غير على نقطة واحدة بس اللى انا مقتبسها فوق عشان انا عشتها بنفسي 100% لا قريتها ولا درستها

انا عربيتي في السعودية كانت HONDA ACCORD MODEL 1980

- العربية دي كانت انجكشن
- كان فيها أقوى باورستيرنج مسكته في حياتي ( بالمقارنة بالأوروبي والأمريكي كله اللى ركبته في السعودية على إختلاف الماركات هناك ... الكلام ده كان سنة 1994 ...) وهية موديل 80 والباور بتاعها كان كهرباء
- كان فيها شاشة (3 بوصه) كمبيوتر أعطال للسيارة ومتابعة بالأقمار الصناعية (GPS) مدمجة في التابلوه بتاعها فوق الكاسيت اللى كان تحفة طبعا
- مش هاكللم طبعا عن التكييف الجبار بتاعها اللى ولا كان موجود لا في بي إم ولا مرسيدس ولا أمريكاني حتى .. عدا أنواع معينة في الأمريكاني
- فتيس اتوماتيك
- أربعة زجاج كهرباء
- فتحة سقف بانوراما مكونة من زجاج غير قابل للخدش داكن في نور الشمس شفاف صافي جدا ليلا
- سنترلوك أصلي بتاعها مش متركب وكان إستحالة تشتغل من غير المفتاح بتاعها
- العربية دي قعدت معانا حوالي 6 أو 7 سنين عمرها ما راحت لورشة إصلاح أو ميكانيكي عشان عملت حاجة مع العلم إحنا أصلا مشتريينها مستعملة

المشاركة الأصلية كتبت بواسطة iunknown

Whenever you put your keys in a Honda and start the engine, It starts! it always start

**محمد عز** · 26-10-2008 07:07 AM

[quoteاليابانيون مسوخ بشرية, لهم شكل غريب][/quote]

يا أخ فادى أتعيب الخلقه ام تعيب الخالق
اليابانيون دول من خلق الله وهم بشر مثلنا
لا حول ولا قوة الا بالله
استغفر ربك

رُُب كلمة لا يُلقي لها بالاً تهوي به في النار سبعين خريفاً

**د-احمد عبد اللطيف** · 26-10-2008 07:32 AM

[/quote] يا أخ فادى أتعيب الخلقه ام تعيب الخالق
اليابانيون دول من خلق الله وهم بشر مثلنا
لا حول ولا قوة الا بالله
استغفر ربك

رُُب كلمة لا يُلقي لها بالاً تهوي به في النار سبعين خريفاً [/quote]

تصويب بسيط يا اخي لان هذا حديث شريف
ان العبد ليتكلم بالكلمة لا يلقي لها بالا يهوي بها في جهنم سبعين خريفا. صدق رسول الله

**أبو عبدالله** · 26-10-2008 11:31 AM

المشاركة الأصلية كتبت بواسطة NYSMA

برغم اني متفق مع كل الردود اللى اتقالت من الإخوة الأعضاء المبجلين على المشاركة بتاعت الأخ فادي المحترم وفي كمان غير الكلام اللى اتقال عن اليابانيين كلام تاني كتيير ممكن يتقال ... مش تهيؤات ولا نثر وخلاص ... لأ دي حقائق تاريخية بالورقة والقلم عن الشعب الياباني سواء قبل الحرب العالمية أو بعدها ومش مجاله هنا ...

وكل ده بغض النظر عن رأيي الشخصي إنهم شعب قاسي لا دين له ولا أخلاق (طب ماهي أمريكا كده وأوروبا كده وجنوب شرق أسيا كده ده حتى العرب بقى في كتير منهم كده بدون ذكر دول معيينة أحسن حد يزعل) لكنه شعب -الشعب الياباني - عنده إحترام للقواعد وعنده ... ضمير

لكن عموما انا مش هارد غير على نقطة واحدة بس اللى انا مقتبسها فوق عشان انا عشتها بنفسي 100% لا قريتها ولا درستها

انا عربيتي في السعودية كانت HONDA ACCORD MODEL 1980

- العربية دي كانت انجكشن
- كان فيها أقوى باورستيرنج مسكته في حياتي ( بالمقارنة بالأوروبي والأمريكي كله اللى ركبته في السعودية على إختلاف الماركات هناك ... الكلام ده كان سنة 1994 ...) وهية موديل 80 والباور بتاعها كان كهرباء
- كان فيها شاشة (3 بوصه) كمبيوتر أعطال للسيارة ومتابعة بالأقمار الصناعية (GPS) مدمجة في التابلوه بتاعها فوق الكاسيت اللى كان تحفة طبعا
- مش هاكللم طبعا عن التكييف الجبار بتاعها اللى ولا كان موجود لا في بي إم ولا مرسيدس ولا أمريكاني حتى .. عدا أنواع معينة في الأمريكاني
- فتيس اتوماتيك
- أربعة زجاج كهرباء
- فتحة سقف بانوراما مكونة من زجاج غير قابل للخدش داكن في نور الشمس شفاف صافي جدا ليلا
- سنترلوك أصلي بتاعها مش متركب وكان إستحالة تشتغل من غير المفتاح بتاعها
- العربية دي قعدت معانا حوالي 6 أو 7 سنين عمرها ما راحت لورشة إصلاح أو ميكانيكي عشان عملت حاجة مع العلم إحنا أصلا مشتريينها مستعملة

لا بجد الكلام ده
يعني العربية كانت فيها تكنولوجيا وهيا موديل 1980
وعربيه ياباني
ايه ده
هما اليابانيين بيعرفوا يعملو تكنولوجيا يالا الهول

غريبه جدا
اذا كان الأخوة لسه لحد الأن بيقولوا ان الأوروبي متقدم على الاياباني بالتكنولوجيا اللي هيا ايه مش عارف برضه بس متقدم وخلاص

ما يمكن الباور والشاشة دول كانوا لعب بس علشان المنظر ولا ايه .....؟؟؟

عالعموم فعلا اللي مجربشي منقدرش نلومه ولكن لا يفتي بس مش اكتر

**Sharky** · 26-10-2008 12:05 PM

حضرتك عايز تقول إن العربية دى كان فيها كمبيوتر اعطال و GPS

على العموم العربية كان فيها شاشة توضح إن أبواب السيارة مفتوحة و لمبه تحذيرية لتغيير الزيت فقط و لم يكن بها كمبيوتر أعطال أو GPS و دا مش كلامى دا كلام المواقع الخارجية

Equally unusual for an economy compact were the Accord's many no-cost features. These included AM/FM radio, trip odometer, tachometer, rear window wiper/washer, defroster vents for the front-door glass, intermittent wipers, day/night interior mirror, and a folding rear seatback. Also included were a handy dashboard coin box, a graphic display showing when doors and hatchback were ajar, and maintenance reminder lights for tire rotation and oil/oil-filter changes.

مبدئيا يا أبو عبدالله أكيد السيارات الأوربى إللى فى فئتها كانت أعلى منها كالعادة
و حنروح بعيد ليه فين العربيات اليابانى إللى فى فئة العائلية الصغيرة إللى فيها نفس الأوبشن الموجود فى السيارات الأروبية ما عاد الكرولا الحالية إللى نازلتها متأخر

فعلا اللي مجربشي منقدرش نلومه ولكن لا يفتي بس مش اكتر

**D . a .\ AYMAN** · 26-10-2008 01:18 PM

المشاركة الأصلية كتبت بواسطة sharky

حضرتك عايز تقول إن العربية دى كان فيها كمبيوتر اعطال و GPS

على العموم العربية كان فيها شاشة توضح إن أبواب السيارة مفتوحة و لمبه تحذيرية لتغيير الزيت فقط و لم يكن بها كمبيوتر أعطال أو GPS و دا مش كلامى دا كلام المواقع الخارجية

مبدئيا يا أبو عبدالله أكيد السيارات الأوربى إللى فى فئتها كانت أعلى منها كالعادة
و حنروح بعيد ليه فين العربيات اليابانى إللى فى فئة العائلية الصغيرة إللى فيها نفس الأوبشن الموجود فى السيارات الأروبية ما عاد الكرولا الحالية إللى نازلتها متأخر

فعلا اللي مجربشي منقدرش نلومه ولكن لا يفتي بس مش اكتر

ياباشا العربية اللى انت حاطط صورتها دي مش هية الـ أكورد 1980خالص ... انا ماعرفش دي صورة إيه عموما

بس الـ أكورد كانت معانا وشكلها غير كده خالص وكان فيها الحاجات دي كلها وكنا بنستخدمها كتير
كمبيوتر الأعطال ماكانش زي دلوقتي طبعا متصل بكل وحدات السيارة بس كان كمبيوتر بيقدر يجيب بيان حالة عن حاجات كتير في السيارة

اللى عايز يعرف الفرق دلوقتي بين العربيات في العصر الحديث لازم يركب كل موديل شركة من نفس الفئة ماينفعش يبقى كلام وخلاص وانا ماركبتش الأكورد الجديدة عشان أعرف الفرق بس أشكالها أصلا تحفة

عموما من ناحية الإحصائيات الهوندا أكورد هية أكتر عربية اتباعت في الولايات المتحدة وكندا على مدى العشر سنين اللى فاتوا بالكامل وبين مختلف انواع وماركات وجنسيات العربيات (وطبعا انا مش محتاج أفكر الناس ان الهوندا أكورد اللى انا بتكلم عنها دي الفئة السيدان المتوسطة الى هوندا بتعملها ... مش فئة عالية ولا متطورة ولا حاجة) ...

وعموما تاني شركة هوندا هية أكتر شركة في الخارج مشهورة بسمعتها انها التكنولوجي بتاعها دايما معقد وسابق الشركات التانية على مدى الثلاثة عقود المنصرمة غير حتى بقيت الياباني كله والسمعة دي منتشرة أكتر في دول الخليج وأمريكا بالذات دول اللى انا شوفتهم

ايه ده انا سرحت وكتبت كلام كتير برة الموضوع بس مستخسر أعمل ديليت ياللا مش مهم send بقى

**Sharky** · 26-10-2008 01:34 PM

يا أيمن باشا هى دى صورة الأكورد موديل 1980 و لو مش نصدق ممكن حضرتك تعمل Search فى النت عليها و حتلاقيها هى دى صورتها

و لو متأكد إن دى مش صورتها يبقى أكيد كانت موديل غير 1980

على فكرة الموديل دا بدأ 1977 و إنتهى 1982

**D . a .\ AYMAN** · 26-10-2008 01:41 PM

ياباشا معلش في خطأ مطبعي في الموضوع عربيتنا كانت موديل 1983 وليس 1980

ونأسف على هذا الخطأ وجاري تفادي حدوثه مستقبلا

**Sharky** · 26-10-2008 01:53 PM

قصدك الموديل دا

**D . a .\ AYMAN** · 26-10-2008 02:06 PM

بالضبط هوة ده

مشاهدة نتائج الإستطلاع: أى السيارات اليابنية الأفضل فى الإعتمادية

الموضوع: @~@~ ايهم تثق فيها ثقة اعلى فى السيارات اليابانى ~@~@

LinkBack

أدوات الموضوع

عرض

-

-

-

-

-

المواضيع المتشابهه

ايهما اعلى فى الاعتماديه والعمر الافتراضى اليابانى ام الالمانى

ايهم اعلى فى الكماليات ؟؟؟؟؟

@~@~ ايهم تثق فيها ثقة اعلى ~@~@

الكلمات الدلالية لهذا الموضوع

المفضلات

المفضلات

ضوابط المشاركة