الموضوع: لحد امتى هانفضل عايشين المسرحية المجتمعية الاجتماعية الهزلية دى !!

الحقيقه المره
بعد فشل 25 يناير الشعب المصرى ليس من حقه الشكوه
دى فرصه بعتها رربنا عشان ننظف بس احنا مقدرناش نفهمها او تقدرها

شعار المرحله "دع الايام تمر حتى الموت "

المشاركة الأصلية كتبت بواسطة islam_lee

بص يا ريس ..
أنا ليا في حياتي سكه .. مريحانى على الاخر ,,
و يا حبذا لو تطبقها ,,
"خلي حقيقتك واحده و وشوشك 6 " ,,
لو جبنا مكعب من الدهب و دهنا وشوسه السته كل وش بلون ..
يظل الذهب ذهب .. و يظل لكل وجه لون ..

النفوس أنواع :
1- نفس كريمه يفسد تعاملك معاها و يفسدها أن تعاملها بغير الكرم - ده تحطو في عينك ,,
2- و نفس لئيمه يزيد مرضها أنك تعاملها بالحسنى - ده بالجزمه,,
3- نفس خبيثه .. "إن أمنت العقوبه أسائت الأدب" - تدقق معاه في اتافهه و كلامك معاه في حدود جداً,,
4- نفس لا يداويها إلا القرع بالعصا .. دور على دراعه الي بيجعه ,,
و القاعده العامه للتعامل مع رقم 4 يزع الله بالسلطان مالا يزع بالقرأن ,,

فأنته إجمع مبدئك و إالي أنته ترتضه و إيه أنته شايفه لا يليق ..
و إسبح بيها و لو عكس التيار ..
و لو في مره صغرت قدام نفسك مش هتعرف تكبر في عين حد ..
المحترم تديله "قدره" و لا يزيد عن قدره في الاحترام و عامله ببشاشه ,,
المهزء .. وشك الجبس الكميل و لسانك السليط و تدقق معاه في ابسط الامور ,,
النفس المتمرد .. "لو انته مسؤل عن فريق عمل زي الجيش" .. شوف ايدها الي توجعها فين ..
و اكسرها مش إلويها ,,
"إلي أنته مالكش كلمه عليه مش باقي عليه" ,,
و أعرف الي ليك و إلي عليك .. "عشان ما تتعبش" ,,
و صاحب واحد "صااااحب" بـ 1*10^90 أصحاب نص نص ,,

""و عمرك عمر عمرك ما تعمل حاجه عشـــــاااان [ العرف أو الروتين أو العادات و التقليد ] بيقولو كده"" ,,
إلي مش طالع من قلبك ما تقلوش و لا تعملوش ..
يكش يكون عزا عمك ..
و بدل ما يكون ليك 100 دركسيون "كلام الناس" و "الاصول" و "العرف" و "الهري"..
خلي ليك دركسيون واحد بس "لله" ,,

تلزم القريب قبل البعيد بحدوده .. "ما تبقاش كيانك و حياتك و فكرك موضع نقاش ,,
و أفضل طريقه للتعامل مع الأخرين .. أن يظلو أخرين ..
و لا تتكلف مطلقاً ..
إلي عاجبه عاجبه .. و إلي مش عاجبه ما يرميش عليك السلام ,,
هتمشي كده الناس هتفهمك صح .. فا مش هيصاحبك إلا الصاحب صاحب صاحبه ,,
و ولاد الكذا .. هيفكوهم منك لان كده سكتك بالنسبالهم وحل ,,

أنا عامل كده يا ريس و عايش ملك ,,
مش في يوم و ليله .. لأنه ما حدش بيتعلم (ببلاش) ,,
تحياتي ,,

كلامك من احلى ما قرأت
و هابدأ فعلا اعمل بيه ، هاخـبـّـط شوية لحد ما اتعود عليه
لإنى قبل كدا كنت ماشى بالمثل : " عامل الناس بما تحب ان يعاملوك "
لحد ما عرفت من حوالى سنة انه مثل فاااشل ... و من ساعتها و انا حددت كتير من معارفى
شكـــرا لمشاركتك المثمرة (y)

المشاركة الأصلية كتبت بواسطة ياسر مصطفي

للاسف تعاملنا بقي زفت
واسف ان الواحد بيقول كدا
تعامل الناس في المصالح الحكومية في كل بلد ومدينة وقرية قرف ومصالح ورشوة وتلبيس في الحيط
تعامل الناس مع بعضها في الشوارع بقي فعلا ناشف انا كنت في القاهرة امبارح وانا اصلا من الفيوم
لو سألت حد عن مكان بيتكلم وهوا عايز يخلص شفت مواقف كتير من تعامل الناس وبستغرب ليه كدا يمكن عندنا ومش شكر ولا حاجة في بلدي مش بلاقي الكلام ده يمكن بيبقي اقل بلاقي ناس عايزة تساعد وكلامها لطيف معاك . لكن في القاهرة والمدن الكبيرة الموضوع بيبقي مختلف . حتي في العادات بتحس القري والمحافظات لسه محتفظة بيها ,

فيه قرى و ارياف لسه ببركتها نوعا ما
و لو انك بالليل ماتعرفش ايه اللى بيحصل فيها ... مع احتلال التكاتك و الاغانى الشعبى و المخدرات لكل حتة ، ماتأمنش ايه اللى بيحصل فى اى حتة :(

بالمناسبة ، مش كانوا قالوا هايعملوا ترخيصات للتكاتك ، الكلام دا من ايام هشام قنديل ! ولا فيه جديد
و المخدرات ،، عندنا فى المحافظة ظابط من مكافحة المخدرات هو اللى بيبيع المخدرات للتجار :) ، و علشان عمل الحركة دى من وراء المسئول الكبير فى الادارة ، لبس القضية و اتسجن

احنا اللى كسرنا المنطق !!

المشاركة الأصلية كتبت بواسطة a_taamer

الحقيقه المره
بعد فشل 25 يناير الشعب المصرى ليس من حقه الشكوه
دى فرصه بعتها رربنا عشان ننظف بس احنا مقدرناش نفهمها او تقدرها

شعار المرحله "دع الايام تمر حتى الموت "

ثورة يناير اثبتت ان اقوى منظومة موجودة فى بلدنا هى منظومة المنتفعين من الفساد
بيرضع منها اكبر منظومة تعدادا : الجهلة و اللى بيجروا قوت اليوم بيومه

و دولمنظومتين مش هاتقدر تزحزحهم إلا بالنووى

الدعوة السلفية قبل ما تكبر و تبقى حزب نور ، و قبل الثورة و الدوشة دى كلها كانت على اختلاف مسلكى مع الاخوان
كانوا شايفين ان الاصلاح لازم يبقى من تحت لفوق ، من الشعب نفسه ثم اصلاح الحكام
و الاخوان شايفين العكس ،، وقتها انا كانت عاجبانى فكرة الاخوان اكتر ،، " طالما انا اللى فى ايدى مقاليد الحكم هايبقى اسهل عليا الاصلاح "
و بعد تطبيق الفكرة لقيت انى كنت غلطان .

و الاكثر عجبا ، ان النور دلوقتى تخلوا عن فكرتهم و تبنوا فكرة الاخوان الفاشلة ، و راحت فكرة الاصلاح من تحت

اعتبرونى حالم شوية ،، و امشوا مع اقتراحى للآخر

احنا نعمل قسم ،يبقى اسمه بنك الافكار


كل واحد يعمل فيه مواضيع بالافكار اللى فى باله و ممكت يتم دراستها و رفعها للمختصين ،،
و نفضل شهر ، نتناقش فى كل الافكار المطروحة داخل مواضيعها ...
و بعدها نعمل استفتاء للفكرة اللى هايتم تبنيها و نفضل شهر بعدها نتناقش الفكرة دى كلنا . ( يكون القسم فيها مغلق لتلقى افكار جديدة )

فى الشهر دا نكون توصلنا للشكل النهائى ليها ،،
مع العلم بإننا هانحتاج نعمل استفتاءات ميدانية ، و الاستعانة بناس فى المجال .. خبراء ... كل ما تحتاجه الفكرة للنجاح

بعدها نتقدم بالفكرة دى للجهة المسئولة ،، و نتكاتف لحد ما نوصل فيها لنتيجة

الافكار اللى فى بالى مثلا زى :

- وضع مادة فى منهج الثانوية لمساعدة على اختيار الكلية و التعريف بالكليات و الارشاد التنموى عامتا
- تخفيض سن المعاش إلى 55 سنة ، الصحة عند المصريين عموما فى النازل ، و الناس الكبيرة فى المناصب الحكومية بتضر اكتر من الافادة
- وقف توظيف البنات فى الوظائف الحكومية إلا إذا كان المنصب متطلب سيدة و ليس رجل فيه
- اعادة هيكلة كاملة للكليات فى مصر ، مش معقول اللى مايلحقش هندسة يدخل تجارة ، و اللى مايلحقش السن يدخل تجارة ، و اللى مالوش هدف يدخل تجارة ، و اللى معدى من قدام تجارة يدخل تجارة ... الخ !

دى افكار سريعة ، مجرد بذرة للفكرة ، مع المناقشة و السؤال نطلع منها مشروع مكتمل ، أو ممكن نكتشف انها لا تصلح و نلغيها .

و فىه فى بالى برضه افكار اكتر مخصص برضه خاصة بالشغل اللى انا فيه ، برضه هابقى اطرحها باستفاضة فى حالة اعتماد الفكرة .

رأيكم ايه ؟؟

والله كل كلامك بيلامس الواقع المرير اللى بنعيشة
وللاسف كلنا يقينا كدة وبنضحك على نفسنا
اتمنى يكون فى حل لمسألة الاخلاق

فى اوروبا بيحطوا قوانين لتعامل البشر مع الحيوان
لكن احنا بنعامل بعض بمنتهى القسوة وبنشتكى

ياريت يحطوا فى مناهج الدراسة الاساسية شيئ لتعليم الاخلاق

المشاركة الأصلية كتبت بواسطة drcobra

والله كل كلامك بيلامس الواقع المرير اللى بنعيشة
وللاسف كلنا يقينا كدة وبنضحك على نفسنا
اتمنى يكون فى حل لمسألة الاخلاق

فى اوروبا بيحطوا قوانين لتعامل البشر مع الحيوان
لكن احنا بنعامل بعض بمنتهى القسوة وبنشتكى

ياريت يحطوا فى مناهج الدراسة الاساسية شيئ لتعليم الاخلاق

شاركنا بأفكارك يمكن نقدر نكون فكرة متكاملة و نقدمها للتطبيق

على فكرة انا عاوز اعمل اللى عليا تجاه البلد ، مش عاوز ابقى سلبى ،
بإنى اطرح فكرة تطويرية للبلد ، و اجرى على اكتمالها بعد اخذ اللازم من اختبارات .. الخ ، اكون عملت اللى عليا
عملت كل ده ، و ماحصلش جديد .. كدا يبقى اسب و العن فى البلد بضمير مستريح

بس مش هاعمل كدا غير لما اعمل اللى عليا

بقالنا 7000 سنة عايشين المسرحية الهزلية دى و حنفضل كدة زيهم أو لغاية ما تقوم القيامة .

ياريت محدش يفتكر إن الحياة زمان كانت مثالية و فيها ضمير و أخلاق . الحال كما هو مع إختلاف الأشخاص و يمكن أفلام زمان تعطى إنطباع عن وجود الفساد و الإنحطاط الأخلاقى و المجتمعى و كل اللى بنشوفه دلوقتى و مش عاجبنا . كل ده كان موجود و ماتغيرش فى الشعب المصرى .

إمتى حيتغير كل ده : عندما يتم إرسال ال 87 مليون إنسان الموجودين على أرض مصر إلى الهند و بنجلاديش و إعطاءهم جنسية هذه البلاد ثم إستبدالهم ب 80 مليون يابانى على صينى و نطلق عليهم المصريين الجدد . حينئذ سيكون الشعب المصرى هو أفضل شعوب الأرض و يتفوق على الهنود المتخلفين

المشكلة الرئيسية في رأيي هي فساد التعليم
وده في حد ذاته مصيبة لأن التعليم ده هو اول إحتكاك للطفل او الشاب مع الدولة، الطفل الصغير يبقي اهله مربيينه علي قيم ومبادئ معينه، يدخل المدرسة الإعدادي او الثانوي يقابل المدرش اللي بيسب الدين او بيتحرش والمدرسة اللي بتزوغ و الطلبة المدمنين.
التعليم ده لو انصلح يبقي توقع خير في الأجيال الجايه، غير كدة ماهما تعمل من اصلاحات، يبقي احنا كدة بنلف في دائرة مغلقة!