الموضوع: اعتذار واجب...وحشتوني

اصدقائي الاعزاء... اعتذر بشده لتغيبي عن المنتدي كل هذه الفتره الطويله..من إبريل تقريباً.. فلقد منَّ اللّه عليّ بالسفر خارج البلاد للعمل و الحمد لله الاحوال كانت تمام بس سيبت الشغل و دلوقتي Self Employed و بدور على حاجه احسن فا إدعولي...طبعاً إتطريت أسفاً ابيع الإميجراند و البريليانس كمان لأنهم كانوا هايتركنوا فترة طويله و انا لسه مش عارف انا راجع امتى...بس لازم اعترف ان الإميجراند قعدت ٥ شهور عملت بيها ١٠ الاف كيلو و كانت زى الفل الحمد لله....و المشاكل إلي قابلتني ما كانتش حاجات تُذكر..جلدة مساحات مش عاجباني او فيوز عايز يتغير او نور الــ Stop كان بينور متأخر..فا الحمد لله العربية كانت تمام...فالأخر بس الإيموبيليزر علق مرّتيين و كنت حاجز صيانة الــ ١٠ الاف و اكيد كنت هاقولهم و اكيد كانوا هايعملوه مع الضمان و الحمد لله مشكلة الصدأ ما ظهرتش معايا.... و دلوقتى رجعت ابص عالعربيات و السوق و كده و برضه الإيميجراند لسه التوب فالشكل و السعر و الكماليات و بالنسبالي كانت موفره بنزين كمان..فا اعتقد انها فعلاً صفقه رابحه...مع إني كنت معجب جداً باللوجان الجديده..بس بعد ما عرفت انها نازله بنفس الموتور و الفتيس القدام و كمان بعد ما شفت اسعار قطع الغيار...انا آسف جداً لمحبي اللوجان...بس بالنسبالي الإيميجراند تكسب بتفوق...، بعد ده كله احب اعتذر لعدم تواجدي الفتره إلي فاتت و انا تحت امركم لو اي حد عايز يسأل على اى حاجه فالعربية عشان انا فصصتها فالــ ٥ شهور فعلاً... اشكركم لمساعدتي و اتمني اساعد او افيد اي حد.