تصحيح موتور الكورولا 1zr-fe و صورة الكتالوج دي مظبوطة بتاعت 1zr-fe
بعد اذن الاعضاء الافاضل انا حابب اقول رأي :
1. انا مش بحط زيت معدني في عربيتي و لكن تويوتا ايجيبت بتخيرك في صيانة ال 5000 تحط 5000 او 10000 انا مش بحس ان شئ مظبوط فحط ال 10000 علي طول
2. كود المحرك بتاع الكورولا 1ZR-FE
3. العربية بتاخد 4.2 لتر مع الفلتر
4. العربية بتاخد 3.9 لتر بدون الفلتر
5. تويوتا بتنصح بزيوت Mobil 1
6. مش متأكد اللزوجة كام بس اعتقد هما في التوكيل بيحطو 15W-40 و مش هيقلو باي حال من الاحوال عن 10W-30
7. انصح صاحب الموضوع ينزل الزيت و يغير الفلتر و يحط 4.2 لتر موبيل وان 15W-40
8. عشان تقيس الزيت لازم تدور العربية و تسخن دقيقتين و بعدين تبطل العربية لمدة 5 دقايق و تبقي واقف علي سطح مستوي .
ريح دماغك وارجع للتوكيل ومتحكيش على حاجة وقولهم عايز زيت 10000 كم علشان الضمان ميروحش عليك ، ومتعملش حاجة برا التوكيل
يعني حضرتك شايف ان الزيت التخليقي بس اتعمل عشان مشاغل الحياه؟؟!!!
اسمحلي اقولك ان طبعا كلامك غلط
المواتير الجديده كلها تختلف تماما عن المواتير القديمه
تكنولوجيا الصناعه تطورت واصبحت خلوصات المواتير ضيقه جدا وده من متطلبات جودة الكبس في المواتير دي وبالتالي محتاجه زيوت انسيابيتها عاليه وده لا يتوفر الا في الزيوت التخليقيه
كمان علميا اسوأ لحظات تشغيلية على الماتور هو اول التشغيل لان الزيت بيكون تحت في الكارتيره وعشان كده لازم انسيابية الزيت تكون اعلى عشان يقلل التآكل الاحتكاكي...
لما نحط فعربية جديده زيت معدني تقيل ونوسع بيه خلوصات الماتور ونقلل كبسه ونقول الماتور مش هيفوت اه هو مش هيفوت بس حتقل كفاءته
ولما نحط زيت تقيل ونتضايق ان الماتور تعب على 100 الف كيلو متستغربش ولا تتضايق لان انت اللي حطيت زيت غير مناسب للماتور
اخيرا
ياريت بلاش نرمي حد بوصف انه بيفتي
كلنا بنتعلم وبنستفيد ومش عيب ولا غلط اننا نغلط...
بالمناسبة زيت ال20/50 ممتاز ومحدش قال انه وحش بس مش فعربيه جديده...
واخيرا جدول ملاءمة الزيوت للماتور اتفرج عليه وشوف مين الزيت صاحب اكبر رينج حراره يشتغل فيها هتعرف ان انسب حاجه عالاقل
10\30
والافضل لمصر 5/30 والاحسن 5/40
تحياتي
Sent from my mobile using Forum Runner
اولا انا بعتذر علي استخدام كلمة "فتي"...
موضوع ال 20w-50 انتشر اوي و كل حد يدخل يقول دا زيت زبالة و تقيل و هيبوظ الموتور و الكلام دا...
مفيش حرف هيكتب في كتالوج العربية الا اما تكون الشركة المصنعة اجرت جميع الاختبرات عليه و واثقة مليون فالمية انه مش هيضر المنتج بتعها.. دي اختبرات قياسية بيعملها مهندسين مدربين علي اعلي مستوي ,, مش تسويق من شركات زيوت..
تويوتا نفسها بتنزل زيت باسمها 20w-50 معدني و بتوصي باستخدامه في جميع سيارتها ازي توفر قبل استعمال البدائل من الزيوت التانية.. "TOYOTA GENUINE MOTOR OIL"
http://www.pakwheels.com/forums/atta...n-untitled.jpg
اه الكتالوج بينصح كمان تغير الزيت التويوتا الاصلي "المعدني" كل 10000كم كمان,,,,
و دا يثبت اكتر ان فيه حساسية غير مبررة من موضوع الزيوت المعدنية و خصوصا الزيت ال 20w-50
كلامك مظبوط تماما . 5w30 هو الانسب لانه 10w30 ده مش موجود فى مصر . 5w30 هايلاقيه فى الاختيارات فى الكتالوج و ده مناسب شتا و صيف و مناسب للمواتير الحديثه و خلوصاتها الضيقه و اتقل من كده هايوسع الخلوص مع الوقت و الاستخدام لانه مش بيدخل للاماكن الضيقه فى الموتور بسهوله و بالتالى الاحتكاك بين المعدن هايكون اعلى
انا جايب زيت من براه mobil1 gold ايه رايكم احطه للعربيه ولا ايه
http://im64.gulfup.com/aMycOm.jpghttp://im64.gulfup.com/5D7p8K.jpg
انا رايح التوكيل بكره عاوز اعرف احط الزيت ولا ايه. فى الخلف ييقولى بيحافظ على الموتور فى الحرارة العالية
زيت ال 50 و ال xhp و زيوت الجرارات دى ارميها في البلاعة
حبيبي دى زيوت مواتير ديزل واسعة او متعمرة
موتورك الزيرو حطلة 5w30 او 5w40 وياريت متحوطوش
غير كدة
انت بتقصف بعمر موتورك