اقتراح لحل ازمة المواصلات

**DODGE2013** · 26-08-2014 08:37 AM

صباح الخير اقتراح بسيط وبفكر اروح اعرضه على وزارة النقل معرفش حيتعاملوا مع الموضوع بجديه

ولا ان شاء الله والف الف مبروك

الاقتراح ان كل شوارع (خلينا نبتدي بالقاهره) كل الشوارع يكون المسار الايمن للمواصلات فقط

يمشي فيه يحمل على السريع ينزل الخ الخ زي ماهيا معموله في اكتر من بلد

وطبعا لا يخلو الموضوع اننا نخلص من الميكروباصات ( خصوصا المتهالكه ) والحكومه

تشغل الناس الي كانت عليها على باصات او اتوبيسات بس معرفش المفروض المرتب يكون كام

لان هما بيطلعوا كتير من الميكروباص ده اكيد

وبكده نحل ازمه كبيره منها المواصلات الي بتقف في نص الشارع ولا الي بياخد غرزه ولا يقف مره واحده

لا ليه لاين مخصص ليه وخلاص ايه رايكم في الكلام ده ؟؟؟ وممكن نضيف الموتوسيكلات والعجل للخط ده

وطبعا لا يخلو الموضوع ان اي سياره تمشي في الخط ده تاخد مخالف محترمه

وطبعا حتوجهنا كام مشكله منهم ان واحد عايز ينزل حد حينزله فين ؟؟؟؟ ولا يتعمل اماكن معينه لنزول

الركاب من السيارات ويمشي على طول ؟؟ طيب بعض الشوارع الي الباركن فيه ملازق للرصيف اساسا الحل معاها ايه؟؟؟

والميني باص والميكروباصات الي ممكن تقف نص ساعه عشان تحمل ركاب حيبقى حلها ايه

content/uploads/2010/02/01/potential_nostrand_sbs.jpg[/IMG]

**amr011111** · 26-08-2014 08:40 AM

مفيش اكتر من القوانين بس اهم حاجه اللى يطبقها
يعنى لو فيه عسكرى مرور واقف هيدى مخالفه لاى ميكروباص يقف فى وسط الطريق

**محمد عز** · 26-08-2014 08:50 AM

الاقتراح اللى بتقول عليه اسمه BUS Lane

مسرب الحافلات زى ما بيقولوا عليه بالعربي

الفكرة ان فى المدن المزدحمة ، تخلى حارة مخصصة لحافلات النقل العام علشان تميز حافلات النقل العام وتشجع الركاب انهم يتخلو عن سياراتهم الخاصة ويركبوا وسائل النقل العام

الميزة ان مسرب الحافلات هيكون مخصص للاتوبيات بس اللى عددها قليل بالنسبة للسيارات الخاصة وبالتالى زمن الرحلة هيقل نتيجة انك هتعدى الاشارة الضوئية من اول مرة مش هتضطر انك تقعد فى الاشارة عدة مرات علشان تعديها نتيجة الزحام

نجى للوضع فى مصر

هل يوجد حارات مرورية فى الشارع من الاساس

هل السائقين ملتزمين بالمشى فى الخارة المرورية ولا الشارع 3 خارات تلاقى 5 عربيات ماشيين جنب بعض

هل المركبات الخاصة هتلتزم ومتمشيش فى الحارة المخصصة للاتوبيسات؟

الفكرة ان مافيش اى فكرة او حل مروري يصلح لمصر

لان مافيش نظام مرروى واضح علشان تعدل فيه علشان تطوره

مصر محتاجة منظومة شاملة

بداية من نظام منح رخص القيادة والتعليم

وترخيص السيارات ومنع السيارات المتهالكة

إعادة تصميم الطرق والتقاطعات ونشيل بلوة اليوتيرن اللى ابتلينا بيها

وضع أجهزة تحكم مرورى صح زى الإشارات الضوئية والعلامات المرورية

منع اشغال الشوارع والتوقف وتعطيل الطريق

ازالة كافة الكمائن المرروية ونقط التفتيش والاستعاضة عنها بكاميرات المراقبة ودوريات الشرطة والدوريات السرية

عمل ساحات مواقف تستوعب أعداد السيارات والطلب على المواقف المتزايد وحل تلك الأزمة والتوسع فى موضوع المواقف مدفوعة الأجر

بعد ما ننبى النظام ده اللى مش موجود

نجى به نطبق ال BUS Lane والحاجات التانية اللى الناس بتعملها فى البلاد الأخرى

**#MAAM#** · 26-08-2014 09:00 AM

مصر مش محتاجة اختراعات محتاجة تطبيق للقانون بس والدنيا هتبقى حلوة

**DreAmO** · 26-08-2014 09:40 AM

هو فين الشوارع اللي ممكن يتنفذ فيها الكلام ده !

الكلام ده ممكن يتنفذ في بعض الشوارع الموجوده في المناطق الغير عشوائيه

وهي مش بتعاني من تكدس مروري اصلاً

وبعدين ما في مخالفه محترمه للمشي عكس .. ومع ذلك الناس بتمشي عكس ومش بتاخد مخالفه

بس فكرة حضرتك اديتني إنطباع انك عايز تتخلص من كل ما يزعجك بالطريق وترميه في حاره لوحده وخلاص

حضرتك ده مش إقتراح .. دي تعتبر فضفضه وسؤال

ابقى انزل كده لف شويه في شوارع امبابه وما حولها .. او روض الفرج و شبرا والساحل واحياء الهرم واحياء عين شمس والوايلي والمطريه .. الخ

وشوف ممكن يتاخد جزء من الطريق نرمي فيه ( الميكروباص والاتوبيس والتوك توك والتاكسي ) ويتبقى جزء للملاكي تجري فيه براحتها .. ولا ماينفعش