لانسر بومة سوبر اكشن 2010 1600

**Samooh_2003** · 26-08-2014 08:50 AM

السلام عليكم

لو سمحتم انا من عشاق الميتسوبيشي بشكل عام واللانسر بشكل خاص كان معايا ال 2007 ال سي في تي كانت تحفة ماشاء الله فالبيت حبوا يجددوا فجبنا ال 2010 سوبر اكشن زيرو وانا سافرت وهما بيستعملوها اخرهم فيها مشوار مايجيش 5 كيلو المهم جيت بشيك عليها ابص مالقيش زيت الجير ماتغيرش من ساعه ماطلعت من التوكيل من اخر 2010 المهم ربنا سهل وغيرته وربنا ستر وماشي عليه دلوقتي 250 كيلو المهم بشكل عام العربية ماشية 16 الف بس فجيت النهاردة اجرب التسارع حسيت انها بطة جنب ال سي في تي بس قلت اجرب جربت من 0-100 بالاتوماتيك العادي وجربتها بالستربترونك الاتنين نفس التوقيت واقل حاجة قدرت اجيبها كانت 13.7 أوقات بتوصل ل 14 وشوية مع العلم اني كنت لسة جاي من مشوار ومشغل التكيف طول الطريق عادي بس لما جيت اجرب التسارع قفلته ال 2007 كانت بتجيب في 12 و 11 ونص معايا اكيد ال 2010 مش هايكون اقل على الاسوء نفسه

لسة مغير زيت الموتور مع الجير من كام يوم ومشيت بعد التغير 250 كيلو فا ايه الحل في البطة ده متهيالي ده وقت ال 1300

**Mahmoud.hamedm** · 26-08-2014 01:42 PM

غير فلتر هواء المحرك وجرب تانى

**eng.m7md.ali** · 26-08-2014 01:46 PM

عادي .. العربية عايزة تفتيح وقرص كتير عشان الموتور مكتوم .. نضف بوابة كمان واعمل كل الصيانات اللازمة لانها بقالها 4 سنين

**Samooh_2003** · 26-08-2014 01:50 PM

شكرا لردودكم ... يعني المعدل ده مافيهوش قلق من حاجة معينه بس فلاتر ولا بوجيهات وتنظيف بوابة ؟

**eng.m7md.ali** · 26-08-2014 02:35 PM

دي صيانات ضرورية المفروض بتتغير الحاجات دي مع زيادة الكيلو مترات او الوقت

وفي حالة ان العربية عاملة 16 الف بس وبقالها 4 سنين لازم تغير الحاجات دي عشان العربية تفوق

**Samooh_2003** · 26-08-2014 02:57 PM

طيب ربنا يطمنكم وماتشوفوش شر ابدا وشكرا لجميع الردود بس معلش اخر طلب انا دورت كتير على مواصفات ال 2010 عشان اشوف مكتوب فيها كام ثانية من 0-100 بس مالقتش ممكن اللي يعرف يفيدني لو سمحتم

**Samooh_2003** · 26-08-2014 03:31 PM

ومعلش غير المواصفات والوقت لل 0-100 كام هو بعد تغير زيت الجير لازم فترة امشي اقل من 80 ولا عادي استعمال على طول علشان فرق لزوجة الزيت ؟ّ

**محمد البراوى** · 26-08-2014 10:09 PM

هو من 0-100 قريت مرة أنها 12.4 ثانية
أما بالنسبة لتغيير زيت الفتيس أظن مش محتاج تليين فى الأول و لا أعتقد أن فى فرق فى لزوجة الزيت لأن مكنة شفط الزيت بتشفط الزيت القديم تماما.
لكن لو عندك معلومة غير كده عن زيت الجير فممكن تقولنا مصدرها علشان تعم الفايدة على الجميع .

**Samooh_2003** · 30-08-2014 12:49 PM

شكرا لجميع الردود انا ماعرفش إجابة معينه او ليها مصدر عشان كدا بسال عليها شكرا لكم وهاجرب اللي قلتوا عليه انشالله واكتب ايه الاخبار بس لما ارجع من السفر بقى انشالله