الموضوع: سبب التتليتة ده ايه

السلام عليكم
انا عربيتى سيفيك موديل 84 كانت سخنت فى رمضان جامد وجابت جوان وشد سلندر وغيرت الجوان والميكانيكى ودىا الوش للخراط مسحه والسخونية الحمد لله راحت من اسبوعين بقى عملت صيانة للعربية سيور وبوجيهات ومشيت من عند الميكانيكى والعربية زى الفل من تانى يوم بقه حسيت ان العربية مش مظبوطة وريحة العادم ني المهم رجعت للميكانيكى فكشف على البوجيهات وسلك البوجيه لقى اول بوجيه هو اللى فاصل فكه لاقه نضيف ركبه تانى وشال السلم من عليه لقى السلك بيشرز فقالى كدة السلك والبوجيه زى الفل كشف على التاكيهات لاقاها مظبوطة قالى كدة احتمال من اتنين اما ان جوان وش السلندر بينفس او بيسرب او قاعدة الصباب مرحلة وعايزة تتفك وتتفرز ...... ارجوا الافادة من اهل الخبرة

المشاركة الأصلية كتبت بواسطة mecha

اي افاده؟؟؟
الميكانيكي اللي حل الوش بيستعبط
لما الوش يتحل ويروح للخراط قشط و تشييك قواعد صباباب وصبابات ودلايل واي شروخ وجلد جديد
والبلوك يتقاس ويسنفر
ماشفش فيه نفخ ف الميه او غطا التاكيهات
شغل ايه دا بس

طيب انا عاوز اعرف المشكلة ايه وحلها ايه وهل الميكانيكى اللى عمل الجوان هو المسؤول لان فيه ناس قالتلى خلى الميكانيكى اللى غيرلك سير الكاتينة يظبط التقسيمة