عايز اخش المجال دا يا جماعة اية رايكم
هل حد جرب يشتغل فية
بصراحة راس مالى مش كبير وخايف اخسرة كمان
ياريت الى لية تجربة او يقدر يساعد
يشارك فى الموضوع
عرض للطباعة
عايز اخش المجال دا يا جماعة اية رايكم
هل حد جرب يشتغل فية
بصراحة راس مالى مش كبير وخايف اخسرة كمان
ياريت الى لية تجربة او يقدر يساعد
يشارك فى الموضوع
انت مذهل يا أخ عبدالرازق
ازيك يا عبدالرزاق d: ههههههههههههههههه
منصحكش بالفوركس طالما خايف على الفلوس ومعندكش خبره
ممكن تجرب حساب ميكرو ب 100 دولار وقبلها طبعا اشتغل على الديمو سنه وافهم الموضوع وبعدها افتح حساب حقيقي الفوركس ممكن تدبل 1000 دولار في سنه تخليه 100 الف دولار واكتر وانت وشطارتك
طب مفيش شركة مفضلة لاغلب الناس الواحد يشتغل عليها ولا كلة زى بعضة
fxdd بحد ادنى 250 دولار
هقولك انا
اولا الفوركس ده بحر واسع ومش زى مالناس فاكرة و الاعلانات النصابة بتقول انك ممكن تحول 100 لالف فى ساعتين و الهجص ده كله
الفوركس سوق من الاسواق المالية زى البورصة
هتحتاج من سنة ونص لسنتين عشان تتعلم بس انك تعرف تحافظ على فلوسك وتكسب حاجة بسيطة
اما لو استعجلت فتوقع الخسارة
الفوركس ملهوش قواعد ابدا القواعد هى اللى انتا بس ممكن تحطها وده بيجى من الخبرة و الوقت
عشان كده عمرك ماهتلاقى كتاب يقولك اعمل 1 و 2 و3 لان الفوركس مفيهوش 1+1 =2
الفوركس ممكن تلاقى 1+1=2 او 3-1=2 او 2*1=2
لازم هتلف وسورى فى اللفظ هتنضرب على قفاك كتير وهتتعب جامد فى الاول لانك هتلف وتجرب حاجات كتير جدا وهتلاقى حاجات كتير بتفشل وهتاخد وقت عشان تبنى قوانينك وتعرف امتى تشترى وامتى تبيع
الفوركس مفيهوش ثوابت يعنى على سبيل المثال فى اكتر من طريقة لتحليل السوق وفوق كده انتا ممكن تخترع طريقة تحليل خاصة بيك
نتكلم على الارباح و الفلوس:
1- لو انتا داخل الفوركس عشان تعمل المليون فى شهر او سنة يبقى منصحكش تدخل لانك هتخسر فلوسك
وعلى سبيل المثال:
انا مرة دخلت ب2 دولار كنت بجرب حاجة دبلتهم فى يوم ل4 دولار وتانى يوم خسرتهم
فى ناس كتير بتعمل كده فاكرين الفوركس مطبعة فلوس يدخل ب100 دولار يحولها ل3000 فى صفقة وهوب يخسرها فى تانى صفقة
الفوركس لو عايز تدخله يبقى تدخله استثمار وترضى بالربح البسيط المستمر المتراكم ومتستعجلش فيه لان مصيرك تحترف واحدة واحدة فيه
منكرش ان فيه صفقات بتبقى روعة وممكن تدبل حسابك فيها بس برضه لازم تبقى حذر ومصيرك توصل لدرجة الاحتراف اللى تخليك قادر تدبل فلوسك وتختار الصفقات الصح
-
بالنسبة للفلوس مجال الفوركس انتا ممكن تدخله من اول دولار واحد وانتا طالع بقى
انا شخصيا اثناء الفترة اللى كنت بتمرن فيها اما كنت بطمع واستعجل على فتح حساب حقيقى كنت بروح افتح حساب بدولار او اتنين واجرب فيه وطبعا اما كنت بخسر كنت برجع لقواعدى واتمرن وابحث واجرب تانى
اتمنى اكون افادتك
وبما انك جديد وخايف على راس مالك يبقى انصحك متفكرش فى فتح حساب حقيقى افتح حساب ديمو وخد وقتك وابدء رحلة الكفاح لان المشوار امامك طويل وفى حاجات كتير لازم تفهمها وتعرف انتا هتشتغل ازاى اصلا وفيه حاجات كتير لازم تفهمها فى عمل شركات الفوركس زى الاسبريد والانزلاقات السعرية وغيره
منصحهوش بfxdd الكلام عليها كتر وناس شخصيا اعرفهم الشركة استهبلت عليهم وفيه خيارات كتير افضلاقتباس:
fxdd بحد ادنى 250 دولار
بس عموما هو لسة فى بداية الطريق واحسنله ميفكرش دلوقتى فى حسابات حقيقية
متاااابع
بص يازعيم
الديمو تروح تفتحه فى اى شركة
انتا بتقول تكون مضمونة عشان لو فتحت حقيقى
اصل المشكلة انك انتا لسة مش عارف هتشتغل ازاى اصلا
فالمفروض تعرف هتشتغل ازاى عشان تختار شركة تناسب احتياجاتك
بس عموما عندك حاجات كتير
انضف شركة فوركس معروفة دوكاسكوبى وده اصلا بنك سويسرى واجراءات الفتح فيه معقدة بس ده انضف حاجة واحسن حاجة تضمن فلوسك فيها
Home :: Dukascopy Bank SA | Swiss Forex Bank | ECN Broker | Managed accounts | Swiss FX trading platform
دوكا سكوبى تحس انها مغسوله ميه و صابون
حاجه فخيمه
بس تفتح حساب كبير فيها تقريبا اقل حاجة 5000 دولار وانتا طالع
وفيه بنوك تانية نضيفة زى مثل بنك دوتشيه الألمانى
وفيه بقى الشركات زى FXCM فرع بريطانيا وغيرها كتير
بس زى ماقولتلك انضف حاجة لاصحاب المبالغ الكبيرة دوكاسكوبى
بص انا مش عايزك تفكر فى هتفتح حساب فين دى اصلا اخر مرحلة انتا هتوصلها وبعدين انتا اما هتتبهدل فى الديمو اخر حاجة هتفكر فيها الشركات :)
انا كدا الى فهمتة من كلامك ان الفروكس بيتفتح لاما فى شركة لاما فى بنك
والافضل البنك بس بيحتاج مبلغ اكبر لفتح اكونت علية
كدا انا فاهم صح
؟
بالضبط من الاخر البنوك افضل وفى الغالب بيفتح فيها اصحاب المبالغ الكبيرة عشان يضمنوا فلوسهم وارباحهم وميبقاش فيه تلاعب
اما الغلابة زييى كده بيقضوها شركات :)
-
بس صدقنى متعقدش نفسك بالمواضيع دى دلوقتى روح شوف اى حاجة افتح فيها حساب ديمو وابدء رحلة الكفاح للشهور القادمة وانتا مع الوقت هتفهم كل حاجة
استاذ زورج انا عايز اتعلم الفوركس
ومش عارف ابتدي منين وبكام فلوس وايه المطلوب مني ؟؟!
انا بقالي 3 سنين محترف فوركس
لا انا بكسب "وحاليا كش بخسر برضه" ولا شفت حد بيكسب
اللي بيقواك انك ممكن تدبل فلوسك ده بيهجس.. اتحداه ينشر حركات حسابه ي'رينا كسبان اصلا ولا خسران
بص طالما الموضوع شعشع ف دماغك فانا هقولك كلمه من الاخر..
لو عرفت ف الديمو تكسب شهرين ورا بعض اتفضل افتح حساب حقيقي والا تباه ناوي تضيع فلوسك زي 95%من المتداولين
احسن شركه هي fxdd
الاستعجال فحوارات زي كده يضيع كل فلوسك
علي قد المكسب فيه خساره
اولا فى كلام معين فى كلامك كويس جدا ونابع من شخص فاهم لاكن
انا هعلق على الكلام الملون
نفس السؤال اللى سالته قبل كده اشمعنا سنة واو سنة ونصف علشان تتعلم فقط ازاى تحافظ على فلوسك وتكسب حاجة بسيطة ؟؟؟؟؟ على اى اساس حضرتك حددت المده سواء انت او العضو السابق عايز حد يفهمنى
ثانيا لو انتا داخل الفوركس عشان تعمل المليون فى شهر او سنة يبقى منصحكش تدخل لانك هتخسر فلوسك ...
ممكن اعرف ايه العوائق اللى متخليش اللى داخل الفوركس يعمل المليون فى سنة ؟؟؟؟
ثالثا طيب وليه تتعب نفسك وتروح تفتح حساب بدولار ما عندك البونص اشتغل عليه
فى انتظار ردك
طيب ليه التخبيط ده يا باشا لو عايز تتكلم اتكلم على نفسك او تجربتك ده اولا
ثانيا انت بتقول بقالك 3 سنين وانك محترف فوركس ده حتى عيب عليك انك تقول انك مش بتكسب وانت بتقول انك محترف وحتى لو محترف ما ينفعش تقول كده ومش هقولك ليه
ثالثا اذا كنت ما شوفتش حد بيكسب فده مش معناه ان مفيش حد
رابعا اللي بيقواك انك ممكن تدبل فلوسك ده بيهجس. متهيالى اللى بيهجس اللى يقول انه محترف وفى الاخر يطلع مالوش فيها
ولو عايز تقارير عندى كتير بس انا خايف اصدمك
خامسا لو كسبت شهرين متتلين فى الديمو يبقى انت لسه بردوا بتتعلم
سادسا على اى اساس قولت ان fxdd احسن شركة ممكن افهم ؟
منتظر الرد الملىء بالعصبية
كلام مظبوط ولاكن الافضل انك ترشده لاكن انت كده سايبه عند نقطة الصفر
اتفضل حضرتك اقرى الكتاب ده على مهلك وركز اوى فيه ولو فى حاجة وقفت معاك ممكن تكتبها هنا
تعليم الفوركس للمبتدئين - تنزيل - 4shared
بالنسبة للمطلوب منك الارادة طبعا ودى اهم حاجة ثانيا تخصيص مش وقت يومى لاء معظم الوقت
ههههههههههه دوكاسكوبي ؟ الراجل لسه في اول الطريق
اذا كان احنا مش عارفين نفتح حساب فيها لقله راس المال اعتقد هو من الناس الغلابه زينا بردو ولا هه
انصحك باكسنس في الاول ولما يبقى مستواك متوسط انقل على اف اكس دي دي ولما تبقى محترف ومعاك سبوبه حلوة انقل على دوكاسكوبي بدون تردد
ههههههههه
دخلنا بقى فى الكلام اللى لا بيودى ولا بيجيب مجرد واحد عامل فيها محترف كتبله مقال فى المتداول العربى والناس قريته ومبسوطه منه طيب وفى النهاية ايه ؟؟؟؟
باشا انت ممكن تفكر فى الكلام ده
بجانب ان البنوك بتدخلك السوق الحقيقي عكس شركات الماركت ميكر اللي بتعقد الصفقات داخل غرف المقصه (الديلنج ديسك) فلازما تخسر علشان هي تكسب
حاول تفكر فيه كده وصدقنى التفكير حلو
ام عن انك تقرى مقال حلو زى ده فى منتدى كويس وتضيفه الى خبراتك صدقنى ده هيقلل من خبراتك مش هيزيدها علشان كده بقول فكر فيه شوية
انا فاهم دماغك وعايز اقولك ان فيه شركات كتير كويسه بل افضل من اف اكس دي دي وايه رايك بقى اني عمري ما تاجرت فيها lol
تعاملي كله كان مع اكسنس والبدايه كانت مع روبو فوركس وكلاهما جيدين لم اواجه اي مشكله معاهم
بس اف اكس دي دي مشهورة جدا في الوطن العربي وليها وكلاء كتير زي اف اكس ارابيا والمضارب العربي .... الخ
بجانب انها تخضع لهيئات رقابيه قويه ودا يخليك تبقى مطمن على فلوسك وهذا لا يمنع انها ممكن تتحايل عليك وتنصب لانها ماركت ميكر بس خبرتك تخليك تعرف تتعامل مع هكذا شركات زي انك تسحب اول باول ولو عملت ارباح كبيرة تسحبها على مرات وليس مرة واحده
شركه مشهورة زي دي تخليها تصمد في المجال اكبر فتره ممكنه لان عملائها كتير وبتكسب على طول الخط
اما بالنسبه لاكسنس فتخضع لهيئه الرقابه الروسيه ومعروف انها ليست جيده وكذالك باقي الشركات
على فكرة انت فهمت جزء صغير من دماغى
وعلى فكرة كمان انت عندك معلومات كتير عايزة تصحح او يمكن انت لسه جديد فى السوق وده باين من كلامك كلامك اللى قولته فوق ده كله هيخلنى بردوا اقولك ايه الميزة اللى فى اف اكس دى دى ده سؤالى للمرة الثالثة على فكرة
لو هتقولى قولتلك على مميزاتها يبقى فعلا كلامى صح انت لسه مادوستش كتير .....
بص هي بصراحه ملهاش مميزات فنيه زي الرافعه والاسبريد وطرق السحب والايداع بل على العكس فيها عيب خطير انك لما تعمل سحب المبلغ مش بيتخصم من الحساب الا وقت الدفع وده يخليك ما تقدرش تفتح صفقات الا لما السحب يوصل وده يضيع كتير من الفرص عكس اكسنس اللي السحب فيها فوري ودي ميزه جامده جدااا
بس الفكرة ان fxdd امريكيه وتخضع لهيئات رقابيه قويه وده يخليك تطمئن قليلا بجانب ان فيه ناس حصلت مشاكل معاهم وتم حلها عكس fxcm و fxsol اللي ناس كتير اشتكت منهم وفيه ناس معرفتش تحل مشكلتهم معاهم
ومن الاخر كده احنا عرب واي مشكله هتواجهنا مع اي حثاله من الحثالات دول مش هنعرف نحلها لانك محتاج فلوس كتيرة علشان قضيه تترفع عليهم ولو خسرتها وغالبا هتخسرها هيتم ادانتك من قبل الشركه برفع دعوى قضائيه عليك وبالسلامه عليك
بجانب ان معظم الشركات ماركت ميكر وكل شركه فيها مشاكل ومفيش شركه محدش اشتكى منها لازما كل شركه تلاقي فيها بصمات
احنا بنشتغل بالبركه ياعم الحاج وربنا يسترها علينا
وبعدين احنا ناس غلابه اخرنا ايداع 2000 دولار وده مبلغ مش يخوف مع اقل شركه لما نبقى ندخل بمليون دولار نبقى ساعتها ندرس الشركات كلها فتفوته فتفوته
في الوقت الحالي بالنسبالي مش فارق معايا اي شركه
الشركات الكويسه للايداعات الصغيرة كتيييرة
استاذ ناصر lolnk : احساسى بيقول ان عندك خبرة كويسه ومش من دلوقت من مشاركاتك فى موضوع سابق
فياريت تفيدنا بمعلومه وبلاش نضيع الحوار فى مين صح ومين غلط ومين محترف ومين هاوى .. تحياتى