الموضوع: مشكله فى كاسيت بيونيير محتاج نصائح المحترفين

مساء الخير يا رجاله
عندى مشكله فى الكاسيت محيرانى بقالها فتره كبيره و مش عارف حلها ايه بالظبط
موديل الكاسيت :pioneer 6450bt
المشكله ومافيها ان الكاسيت مره واحده القوائم اختفت
يعنى عندنا Menu رئيسيه دى مش موجوده ودى اللى بتنقى منها تشغل الكاسيت على انهى Input زى...
CD-USB-Radio-BT Audio
كده يعنى - دى اختفت تماما
لكن الشاشه و الـ Background شغاله عادى
اسم الاغنيه ظاهر عادى
فمش عارف ده ايه بالظبط
واللى جد بقى انى لما اجى اعلى او اوطى يحصل حاجة تانيه خالص بقى
ركزو معايا:
عندنا البكره اللى بتعلى منها الصوت لما تلفها تحس ان فى زى ترس باسنان بتبيت فى مكانها بتحس بيه فى كل درجه صوت - تمام ؟
السنون او الدرجات دى او ايا يكن تسميتها - فى حاله لو انا بارفع الصوت :درجه منهم ترفع الصوت و درجه اللى بعدها تجيب اعلى حاجة فى الصوت و اللى بعدها درجه ترفع الصوت اعلى من الدرجه اللى قبل قبلها و الدرجه الرابعه تجيب اعلى درجه فى الصوت بردو
هاعيد شرحها بطريقه تانيه
عندنا 20 درجه للصوت مثلا
اول درجه= 1
تانى درجه= 20
تالت درجه= 2
رابع درجه = 20
خامس درجه =3
سادس درجه =20
وهكذا
ونفس الموضوع لما اجى اوطى الصوت بردو
ملحوظه بردو
انا جربت اعلى و اوطى بالريموت وعمل معايا نفس الموضوع
جربت غيرت الوش الخارجى بوش تانى - وكل حاجة رجعت تمام التمام
وبكده يبقى العيب فى الوش - بس مازلت مش عارف تصليحه ازاى بالظبط ؟
لو حد ليه فى الموضوع ده ياريت يدلنى اعمل ايه
وشكرا لطول بالكم و وسع صدركم

طيب دلنى على عنوانه