عرض للطباعة
الموضوع ده خاص لمالكي سيارات مجموعه فولكس فاجن (فولكس-اسكودا-سيات) اللي نازله بفتيس ال dsg كل واحد معاه العربيه يخش يكتب تجربته مع الفتيس والمشاكل اللي قابلها مع الفتيس ونوع المشكله وحصلت بعد كام كيلومتر ونوع السياره وموديلها والكيلومترات اللي عاملاها السياره
متابع
اتمني منلاقيش حد بيشتكي
there is many around
تجربتنا مع فتيس dsg
بيانات العربيه : فولكس واجن جيتا 2011 خليجي جير بوكس dsg7 ماشيه 109 الف
خلال تجربتنا لفتيس ده : لما بتعمل كيك داون من الطلوع لحد سرعه 80 وتيجي تفرمل وتوقف العربيه تحصل نتشه وهي بتظهر في النقله الاولي او التانيه ( نتشه مش بتظهر دايما )
اصوات شخلله ودي معروف عنها فتيس dsg وبيظهر لما تكون ماشي براحه وبتفرمل عشان مطب ولا حاجه ..... ( الصوت ده بيظهر في سرعه الاول والتاني وساعات التالت)
تغير الكلتشات علي 60 االف ( مش فاكر الرقم بالظبط)
ايه يا اعضاء القسم مافيش حد معاه عربيه بفتيس dsg عايزين نعمل استطلاع راي مظبوط ويشارك فيه اكبر نسبه من مالكي العربيات اللي فتيسها dsg علشان نعرف نقيم الفتيس ومشاكله وهل قلت ولا لسه زي ما هي علشان لما حد يسال علي العربيه يبقي عارف الفتيس ومشاكله وهل قلت ولا لسه ارجوا من المالكين التفاعل مع الموضوع
العربية جولف 6 موديل 2010 غيرت الكلاتشات على 30 الف تقريبا وعلى ال 58 الف العربية فصلت خالص مابقتش بتجيب نقلات وديتها على كساحه للتوكيل استلموا العربية وكانت بره الضمان استلموها الأربعاء المهندس كلمني الجمعة تعالي استلم عربيتك غيرنا الميكاترونيكس والزيت بتاعها والا الأن الحمد لله الدنيا تمام مافيش اي حاجه بالعكس العربيه نعمت اكتر وبقيت اذكي بكتير في النقل بمعني لو اكتر من بتنقل من اول تاني وتقف اول تاني وتقف بعد كام مره بتبدا تعلي نقل الأربي ام بتاعها من الأول للتاني بحيث انها ماتنقلش بسرعه وده لوحداها وبمجرد ماتمشي طبيعي بترجع عادي ودي حاجه كويسه جدا
انا بس ليا سؤال بالنسبه للملاك هل في اي مالك دفع اي تكلفة للفتيس وكانت قد ايه وفين وليه
بمعنى انا العربية غيرولي ميكاترونكس مانغير مافتح بوقي بكلمة والعربيه برة الضمان من سنتين تقريبا
ربنا يباركلك فيها ياباشا ويارب تكون آخر الأعطال وشكرا على المشاركهاقتباس:
المشاركة الأصلية كتبت بواسطة akrumcs
السلام عليكم و رحمة الله و بركاته
تجربتي الشخصية مع العربية من الزيرو( باسات 2010)
1- العربية جابت اول طقم دبرياج يمكن بعد 15 الف كيلو و عقبال ما رحت التوكيل و كشف و تحديث و المانيا و قرايات و اللازم منه تم تغيير الطقم على 25 الف
2- بعد 20 الف كيلو حصل نفس الكلام برضه رعشة و رجه ما بين الغيار الأول والثاني ..اعراض تلف اسطوانة الدبرياج للمرة الثانية و تم التغيير على 45 الف كيلو
3- سألت المهندس عن سبب تكرر تلف طقم الدبرياج الراجل مشكورا شرح لي باستفاضه طريقة عمل الفتيس و سفف تآكل الطقم بسرعة ...و من ساعتها قررت اني استخدم الستيبترونيك في الزحمة و المطبات الصناعية و الطبيعية و عند التوقف في الإشارات لمدد طويلة اقوم بوضع الفتيس في n
4- مع صيانة ال 95 الف كان حصل رعشة جامدة في الفتيس في وضع ال N و قمت بإبلاغ المهندس و قالي لي انهم حا يغيرو الكلاتش للمرة الثالثة و طبعا السيارة كانت خارج الضمان و لكن بما اني باعمل الصيانات بانتظام مع التوكيل فلم ادفع مليم و هم بصراحة ناس محترمة
ربنا يبارلك في العربيه وانا برضو مغير الكلتشات علي 60 الف عشان في الخليج الطرق فاضيه.... فتيس رائع بس عيبه الكلتشات كل شويه عاوزه تتغيراقتباس:
المشاركة الأصلية كتبت بواسطة mshamy
دلوقتي انا هشتري جتا ٢٠١١ و العربيه عمله ٣٠ألف كم و صيانتها منتظمه فلو حصل حاجه في الفتيس التوكيل الهيلبسه ولا انا الهلبسه
انا مش معايا فولكس بفتيس DSG بس عايز اشترى جولف 2014 وموضوع الفتيس دا مخلينى اروح ناحية الاسترا
اللى قريته حتى الآن ان فى آخر 2013 فولكس جروب عملت recall ل مليون ونص عربيه من الموديلات المختلفه اللى فيها DSG وانهم لقوا حل نهائى وهو تبديل زيت الفتيس من زيت تخليقى لزيت معدنى طبعاً مصر كالعاده مابتدخلش فى خطط اى شركه فى استدعاء العربيات
بس هل فى حد سمع عن موضوع تغيير نوع زيت الفتيس؟ خصوصا الناس اللى باظت عندهم وحدة الميكاترونيكس لإن دى بتبوظ بسبب الزيت التخليقى فى الاماكن الحاره ومع السواقه فى زحمه كتير
اما موضوع الكلتشات "طقم دبرياج" فا قريت ان ده مسألة استهلاك ترجع لطريقة عمل الفتيس
ياريت اصحاب التجارب يفيدونى هل شراء جولف7 دا قرار ممكن اندم عليه؟؟
معايا الجولف 7 ماشي دلوقت 25 الف وكانو غيرو زيت الفتيس على 5 الاف كيلو مع الصيانه مش عارف هل نوع تاني ولا لااقتباس:
المشاركة الأصلية كتبت بواسطة drmabdelkader
الجولف 7 لا تقارن باي عربيه موتورها na
لو سوقتها ماظنش انك ممكن تركب غيرها
موتور مختلف تماما اداء ممتع جدا تسارع لايوصف....
عيبها الوحيد العفشه ناشفه شويه..
ياباشا انا متفق تماما معك فى تقييمك للعربيه ودا سبب رغبتى فيها بس الخوف من الفتيس ومشاكله.اقتباس:
المشاركة الأصلية كتبت بواسطة corolladestroyer
هم غيروا زيت الفتيس من غير ماتشكى من اى حاجه؟؟
وسؤال تانى لو فيها غلاسه هى فيها بلوتوث ولا لا صفحة الفيس قالولى ان البلوتوث فى الهاى لاين وهل ال tinted windows بتعتبر فى جواب المرور زجاج ملون ولا زجاج عادى؟؟
اه غيرو الزيت بدون شكوى..اقتباس:
المشاركة الأصلية كتبت بواسطة DrMAbdelkader
لا مفيش بلوتوث وانا الزجاج عندي عادي مش عارف غيروه في الجديد ولا ايه..
بص هما زمان كان بينزلو الهاي لاين بنفس كاسيت البيز لاين لاين دلوقت غيروه في الهاي لاين وبقه افضل بكتيير من بتاع الهاي لاين..
1- شاشه اكبر 5.8 with better resolution
2-amplifier (better sound quality)
3-بلوتوث وكابل للتليفون و usb
4-capacitive touch screen not resistive
5-proximity sensor
غير ده كله الهاي لاين بتزيد مثبت سرعه وبانوراما وزينون عالي وواطي و LED DRL
والزياده 30 الف جنيه...