موضوع خاص لاعضاء مالكي سيارات فولكس بفتيس ال dsg

**Ahmed Saad** · 27-08-2014 12:26 AM

الموضوع ده خاص لمالكي سيارات مجموعه فولكس فاجن (فولكس-اسكودا-سيات) اللي نازله بفتيس ال dsg كل واحد معاه العربيه يخش يكتب تجربته مع الفتيس والمشاكل اللي قابلها مع الفتيس ونوع المشكله وحصلت بعد كام كيلومتر ونوع السياره وموديلها والكيلومترات اللي عاملاها السياره

**aymanshebl** · 27-08-2014 12:46 AM

متابع

**ahmed.Elashy** · 27-08-2014 04:39 AM

اتمني منلاقيش حد بيشتكي

**Mecha** · 27-08-2014 05:05 AM

there is many around

**Mohamedjetta** · 27-08-2014 01:25 PM

تجربتنا مع فتيس dsg
بيانات العربيه : فولكس واجن جيتا 2011 خليجي جير بوكس dsg7 ماشيه 109 الف
خلال تجربتنا لفتيس ده : لما بتعمل كيك داون من الطلوع لحد سرعه 80 وتيجي تفرمل وتوقف العربيه تحصل نتشه وهي بتظهر في النقله الاولي او التانيه ( نتشه مش بتظهر دايما )
اصوات شخلله ودي معروف عنها فتيس dsg وبيظهر لما تكون ماشي براحه وبتفرمل عشان مطب ولا حاجه ..... ( الصوت ده بيظهر في سرعه الاول والتاني وساعات التالت)
تغير الكلتشات علي 60 االف ( مش فاكر الرقم بالظبط)

**Ahmed Saad** · 30-08-2014 11:57 PM

ايه يا اعضاء القسم مافيش حد معاه عربيه بفتيس dsg عايزين نعمل استطلاع راي مظبوط ويشارك فيه اكبر نسبه من مالكي العربيات اللي فتيسها dsg علشان نعرف نقيم الفتيس ومشاكله وهل قلت ولا لسه زي ما هي علشان لما حد يسال علي العربيه يبقي عارف الفتيس ومشاكله وهل قلت ولا لسه ارجوا من المالكين التفاعل مع الموضوع

**akrumcs** · 31-08-2014 03:50 PM

العربية جولف 6 موديل 2010 غيرت الكلاتشات على 30 الف تقريبا وعلى ال 58 الف العربية فصلت خالص مابقتش بتجيب نقلات وديتها على كساحه للتوكيل استلموا العربية وكانت بره الضمان استلموها الأربعاء المهندس كلمني الجمعة تعالي استلم عربيتك غيرنا الميكاترونيكس والزيت بتاعها والا الأن الحمد لله الدنيا تمام مافيش اي حاجه بالعكس العربيه نعمت اكتر وبقيت اذكي بكتير في النقل بمعني لو اكتر من بتنقل من اول تاني وتقف اول تاني وتقف بعد كام مره بتبدا تعلي نقل الأربي ام بتاعها من الأول للتاني بحيث انها ماتنقلش بسرعه وده لوحداها وبمجرد ماتمشي طبيعي بترجع عادي ودي حاجه كويسه جدا
انا بس ليا سؤال بالنسبه للملاك هل في اي مالك دفع اي تكلفة للفتيس وكانت قد ايه وفين وليه
بمعنى انا العربية غيرولي ميكاترونكس مانغير مافتح بوقي بكلمة والعربيه برة الضمان من سنتين تقريبا

**Ahmed Saad** · 31-08-2014 04:01 PM

المشاركة الأصلية كتبت بواسطة akrumcs

العربية جولف 6 موديل 2010 غيرت الكلاتشات على 30 الف تقريبا وعلى ال 58 الف العربية فصلت خالص مابقتش بتجيب نقلات وديتها على كساحه للتوكيل استلموا العربية وكانت بره الضمان استلموها الأربعاء المهندس كلمني الجمعة تعالي استلم عربيتك غيرنا الميكاترونيكس والزيت بتاعها والا الأن الحمد لله الدنيا تمام مافيش اي حاجه بالعكس العربيه نعمت اكتر وبقيت اذكي بكتير في النقل بمعني لو اكتر من بتنقل من اول تاني وتقف اول تاني وتقف بعد كام مره بتبدا تعلي نقل الأربي ام بتاعها من الأول للتاني بحيث انها ماتنقلش بسرعه وده لوحداها وبمجرد ماتمشي طبيعي بترجع عادي ودي حاجه كويسه جدا
انا بس ليا سؤال بالنسبه للملاك هل في اي مالك دفع اي تكلفة للفتيس وكانت قد ايه وفين وليه
بمعنى انا العربية غيرولي ميكاترونكس مانغير مافتح بوقي بكلمة والعربيه برة الضمان من سنتين تقريبا

ربنا يباركلك فيها ياباشا ويارب تكون آخر الأعطال وشكرا على المشاركه

**mshamy** · 31-08-2014 11:42 PM

السلام عليكم و رحمة الله و بركاته
تجربتي الشخصية مع العربية من الزيرو( باسات 2010)
1- العربية جابت اول طقم دبرياج يمكن بعد 15 الف كيلو و عقبال ما رحت التوكيل و كشف و تحديث و المانيا و قرايات و اللازم منه تم تغيير الطقم على 25 الف
2- بعد 20 الف كيلو حصل نفس الكلام برضه رعشة و رجه ما بين الغيار الأول والثاني ..اعراض تلف اسطوانة الدبرياج للمرة الثانية و تم التغيير على 45 الف كيلو
3- سألت المهندس عن سبب تكرر تلف طقم الدبرياج الراجل مشكورا شرح لي باستفاضه طريقة عمل الفتيس و سفف تآكل الطقم بسرعة ...و من ساعتها قررت اني استخدم الستيبترونيك في الزحمة و المطبات الصناعية و الطبيعية و عند التوقف في الإشارات لمدد طويلة اقوم بوضع الفتيس في n
4- مع صيانة ال 95 الف كان حصل رعشة جامدة في الفتيس في وضع ال N و قمت بإبلاغ المهندس و قالي لي انهم حا يغيرو الكلاتش للمرة الثالثة و طبعا السيارة كانت خارج الضمان و لكن بما اني باعمل الصيانات بانتظام مع التوكيل فلم ادفع مليم و هم بصراحة ناس محترمة

**Mohamedjetta** · 31-08-2014 11:57 PM

المشاركة الأصلية كتبت بواسطة mshamy

السلام عليكم و رحمة الله و بركاته
تجربتي الشخصية مع العربية من الزيرو( باسات 2010)
1- العربية جابت اول طقم دبرياج يمكن بعد 15 الف كيلو و عقبال ما رحت التوكيل و كشف و تحديث و المانيا و قرايات و اللازم منه تم تغيير الطقم على 25 الف
2- بعد 20 الف كيلو حصل نفس الكلام برضه رعشة و رجه ما بين الغيار الأول والثاني ..اعراض تلف اسطوانة الدبرياج للمرة الثانية و تم التغيير على 45 الف كيلو
3- سألت المهندس عن سبب تكرر تلف طقم الدبرياج الراجل مشكورا شرح لي باستفاضه طريقة عمل الفتيس و سفف تآكل الطقم بسرعة ...و من ساعتها قررت اني استخدم الستيبترونيك في الزحمة و المطبات الصناعية و الطبيعية و عند التوقف في الإشارات لمدد طويلة اقوم بوضع الفتيس في n
4- مع صيانة ال 95 الف كان حصل رعشة جامدة في الفتيس في وضع ال n و قمت بإبلاغ المهندس و قالي لي انهم حا يغيرو الكلاتش للمرة الثالثة و طبعا السيارة كانت خارج الضمان و لكن بما اني باعمل الصيانات بانتظام مع التوكيل فلم ادفع مليم و هم بصراحة ناس محترمة

ربنا يبارلك في العربيه وانا برضو مغير الكلتشات علي 60 الف عشان في الخليج الطرق فاضيه.... فتيس رائع بس عيبه الكلتشات كل شويه عاوزه تتغير

الموضوع: موضوع خاص لاعضاء مالكي سيارات فولكس بفتيس ال dsg

LinkBack

أدوات الموضوع

عرض

موضوع خاص لاعضاء مالكي سيارات فولكس بفتيس ال dsg - انشر الموضوع فى :

-

-

-

-

-

-

المواضيع المتشابهه

فكرة موضوع مهم لاعضاء قسم ( سكودا )

استطلاع رأي لاعضاء المنتدي ل 3 سيارات مستعملة

محتاج مساعده حتى انضم لاعضاء فولكس

موضوع مهم جدا لكل مالكي سيارات بروتون

موضوع عام لاعضاء شيفورلية

الكلمات الدلالية لهذا الموضوع

المفضلات

المفضلات

ضوابط المشاركة