ممكن تشوف السيراتو الجديدة مشاكل منعدمة تقريبا و كماليات كتيير جدا وسعرها الخليجي 157الف
حتعجبك جدا و سعر اعادة البيع ذى الفل ... توكل على الله
عرض للطباعة
ممكن تشوف السيراتو الجديدة مشاكل منعدمة تقريبا و كماليات كتيير جدا وسعرها الخليجي 157الف
حتعجبك جدا و سعر اعادة البيع ذى الفل ... توكل على الله
صيانات عادى جوة التوكيل
بس مفيش ضمان ... و متقلقش العربية دى بالذاااات منعدمة العيوب هى والكارينز و الريو
بص يا وليد دة لو اسمك :)
الشارك عربية تحفة
بس لزمانها
يعني 2008 و 2009
العربية عجوزة تصميم قديم يعني ختقول ما انت راكب كروز تصميم من 2010 بس شكلها شبابي و راكب العصر
سيبك من الكروز خلينا في الشارك
العربية عجوزة فعلا. تصميم و موتور
حتي خامات ال 2014 من جوة واقعة و رخيصة و بلاستيك رخيص قوي
حطين في العربية كاسيت احمر سي دي من ام 500 جنية مش حتي built in ذي اخواتها
مفيش برمجة لكنترول العربية مثلا من الكاسيت.
العربية علوها قوي عن بلدها شكلها مش مبلوع
العربية دوشة. مش راكب عربية silent ذي غالبية ال 2014 النضيف
غير كل دة ... مش عائلية ... مفيش عربية عائلة من غير شنطة. ما الكروز الكنبة الخلفية ضيقة و اخرها اتنين. بس فيها شنطة بحر تشيل و تكفي و تفيض.
نرجع للسيراتو ... عربية بتاعت زمانها فرامل كويسة و ايرباج
شكل حديث لسة نازل وملفتة و تحسسك ان راكب 2014
فيها دلع وواسعة و توكيلها حلو واعادة بيعها حلو قوي تتباع وانت بتدوس enter علي كونتاكت كارز!
عزلها معقول وثباتها حلو و تقعد بيها 3 سنين او 4 تحس انك راكب لسة حاجة جديدة
لكن الشارك عربية بقالها 7 سنين ومن جوة مملة و عجوزة قوي.
حجبلك صور ال 3 عربيات من جوة و شوف انت
والله دة رأيي ... ولو انا مكانك ومش فارق معايا قوي حتة القاعدة ااسبورت و العزل الصامت و الثبات اللي فوق المعقول اللي مش حتحتاجة يبقي حدوس في السيراتو من غير تفكير.
Sent from my SM-C115 using Forum Runner
دي الشارك وكمان اللي عندنا كاسيت عادي مش العريض
انا عن نفسي مش بالع اني في 2014 واقعد في عربية من جوة عاملة كدة
http://nileup.com/up/uploads/nilemotors_14091918091.jpg
شوف مثلا السيراتو صورة من غير تذويق و تجميل صورة للعربية من جوة كمثال
فرق السنين واضح
http://nileup.com/up/uploads/nilemotors_14091918092.jpg
و دي الكروز بتاعتنا علي الرغم من وجهة نظري ان التصميم دة من 2013 واتعدل تعديل بسيط عن 2010 لكن من جوة عصري و رياضي ومواكب العصر
http://nileup.com/up/uploads/nilemotors_14091918093.jpg
انا وضحت لك وجهة النظر وانت اللي حتركب.
الاسم صح يا استاذ احمد ... انا مقتنع جداً بكلام حضرتك ان شكلها من جوه قديم ... لكن بالنسبة للموتور المايفيك ده طبيعته ان صوته عالي عشان يدي احساس رياضي و انا اعرف ان سحبه اكتر من رائع ... و الشكل من بره بيختلف فيه الرأي من شخص للتاني و انا شايفها لما نزلت كانت سابقة منافسنها بمراحل لكن دلوقتي بعد ٦ سنين الشكل منقدرش نقول قديم و ممل لكن هو مقبول و يمكن اكتر من السيراتو، الكروز هي اللي شكلها شاددني بصراحة :) ... في الحقيقة كان نفسي مالاقيش و انا بدور على مشاكل فيها بس في حالات استرا و كروز فيهم نفس المشكلة ( رجة لما تهدي و تدوس فرامل و نفس الرجة لما تنقل من n ل r و تبدأ تشيل رجلك من على الفرامل ) و الجدير بالذكر ان في ناس راحوا التوكيل يصلحوها رجعوا و الحالة أسوأ من الأول و المهندسين حتى مش عارفين يرجعوها زي ما كانت بالرجة البسيطة اللي كانت في الأول ... طيب بالنسبة للشنطة انا مباسفرش كتير قد ما بيركب معايا ناس ورى داخل المدينة ... و الشارك بعد الخصومات الجديدة و ان البومة مابقتش تنزل ب abs و وسائل الأمان السوق في اتجاه ان سعر اعادة البيع بتاعها يعلى شوية لأن انا شايفها عاملة انتشار كويس في الفترة الأخيرة ... المشكلة بقى اني صعب اجمع كل حاجة في عربية واحدة و ده اللي ادركته بعد فترة من التدوير لذلك انا هقول لحضرتك تقييمي للتلات عربيات بخبرتي البسيطة و انت تصححلي بردو.
الشارك: شكل قديم من جوة و مقبول لحد كبير من بره ... قطع غيارها غالية شوية بس بحكم انها ياباني فهي معمرة ... علوها من على الأرض ممكن يكون عيب بره مصر لكن في مصر الوضع يختلف مع المطبات اللي عندنا و بيتحول لميزة (ده لو مبيأثرش على الثبات و ده اللي اعرفه عنها) ... صوت الموتور انا مجربتهاش بس انا مليش في الشد قوي فهعتبره عيب ... و بسمع ان العقشة رياضية و اكثر من رائعة.
الكروز: تحس انها عربية بمعنى الكلمة خصوصاً بعد اضافة ال esp ثباتها عالي و شكلاً من جوه و بره مرضي بالنسبالي جداً ... طبعاً عزلها لا غبار عليه ... و عرفت ان الموتور الجديد سحبه أحسن من القديم بكتير ... و تبقى علامة استفهام على الفتيس بالنسبة للعطل اللي ظهر و سوء التعامل من التوكيل سواء مع الأسترا او الكروز ... كذلك ضيق الكنبة الخلفية انا بعتبره عيب بالنسبالي ... بالنسبة لموضوع اعادة البيع فهو اكيد هيتأثر بالسلب لو أصبحت مشكلة الفتيس مشكلة عامة و انا عن نفسي اتمنى تكون حالات فردية لأن انا فعلاً حابب العربية دي ... بالنسبة لقطع الغيار يازيت حضرتك تفيدني بأسعارها.
السيراتو: معنديش معلومات كافية عنها بس واضح ان موتورها قوي جداً ... و زي ما حضرتك بتقول غرقانة أوبشنز ... و بما انها كوري فغالباً قطع غيارها في المتناول بس مش شرط خالص تكون معمرة ... شكلها الخارجي مش مقبول بالنسبالي من اول ما شفتها على الرغم من انها من جوه شيك جداً ،،، و طبعاً الكوري في مصر هو اللي واكل السوق بعد الكورولا بالتحديد ... بس فكرة اني اشتري عربية خليجي و اكتشف لا قدر الله ان فيها عيب صناعة كان المفروض يتحمله توكيلها و اتحمله انا مش مقتنع بيها و لو الاحتمال ١٪ معلش المهندسين بيحسبوا للاحتمالات البعيدة كتير :) ... و عفشتها مظنش انها تستحمل اللي هيستحمله سواء الشارك او الكروز.
كده انا سردت كل المعلومات اللي عندي على الترابيزة و في انتظار استكمال المناقشة القيمة دي مع حضرتك و باقي الأعضاء الكرام.
كروز اكيد افضل
مع احترامى لكلام حضرتك ازاى الشارك مش عائلية هى الشارك اللى حضرتك كانت هاتشباك ؟ حجم الشنطه متوسط وده راجع لكبر حجم الصالون والموضوع ده قتل بحثا فى ناس تفضل كبر الصالون وشنطه متوسطه وفى العكس حسب الاحتياج ثانيا العربية مش اعلى من اللى بتنزل بره ممكن حضرتك تشوف معايير اى بلد هتلاقيها نفس الارتفاع ولو كان الشكل عجوز مكانتش الايفو اتباعت بره بأسعار خرافيه مع الاسف مبتنزلش هنا انا معاك فى نقطه واحده وهى ان التابلوه عادى جدا وديه برده وجهات نظر ناس بيهمها التابلوه اكتر حاجة وناس بتهتم بالعربية من ناحية موتور وعفشة وميكانيكا ولو حضرتك شايف ان الموتور المايفك تكنولوجيا قديمة ممكن حضرتك تقرا عن الموتور المايفك والفى تك وهنا فى مواضيع كتير عن الكلام ده واختلاف الرأى لا يفسد من الود وشكرا
لولا اختلاف للاذواق لبارت السلع :)
وبالنسبة للكروز انا مسمعتش عن اي مشاكل في العربية من ايام موديلات 2010
يعني من 4 سنين لا في مصر او برة مصر
انا مشترك في منتديات اجنبية مقرتش مشكلة واحدة عن فتيس غير ملاك 2010 بس.
مواضيع الرعشة دي عيب بنزين .
غير كدة صل استخارة وروح للي قلبك يستريحلة
اتمني لك اختيار سعيد
وان شاء الله نقول مبروك قريب.
انا افضل الكروز علشان وجود tc,esp,abs,ebd في عربية بالسعر ده فيها كل ده؟؟؟
غير الموتور و الشاسيه و الفتيس
الشارك تقفيل ياباني %100 بس مش كويس عن تجربة و الخامات وحشة و دي حجات متفرقش معايا إنما الكروز كخامات و تقفيل بالنسبالي افضل
بالنسبة للفتيس انا اسمع إن موديل 2010 بس هو اللي فيه مشاكل
مكنتش معايا هي مع واحد صاحب اخويا بس مكنتش مقتنع شوفتها في معارض و لقيت الحكاية دي بس تقفيلها مش تقفيل 128 يعني كويس بردو.
الكروز انا سألت الsales man في 2013 و انا بتفرج عليها قولتله"انا سمعت إن العربية فيها مشكلة في الفتيس الكلام ده صحيح؟؟قاللي فعلا كان في مشكلة بسبب إن الموتور ال107 حصان كان قليل علي العربية فمع فتيس اوتوماتيك كان الفتيس بيتبهدل معرفش كان قصده علي إن الكيك داون كتير و لا حاجة تانية.بس عموما مسمعتش عن مشكلة فيه من وقت التغيير لموتور الاسترا j غير إن الفتيس ده هو بتاع الاسترا j.
التوكيل مش كويس اوي بصراحة.
أنا عن نفسي عايز أختار الشارك بس بصراحة فيها شوية منغّصات رخمة جدا في 2014 ( من وجهة نظري طبعا ):
1. فتيس عاااااااادي جدا 4 نقلات .. الناس النهارده بتتكلم عن cvt أو dsg أو حتى أوتو عادي بس 6 سرعات!
2. شكل داخلي تعباااااان خالص وخامات أي كلام وحاجات لا تليق ب 2014 ولا 2011 حتى!
3. شكل خارجي كان ثورة ف زمانه أما الآن فقد عفى عليه الزمن وخصوصا أن الكل يعلمون أنه من .2008!
4. توكيل لم يقدم جديدا للسيارة نهائيا، لا على مستوى فئات السيارة التي يطرحها ولا التسويق لها ولا خدمات ما بعد البيع لدرجة أنني أسأل نفسي أحيانا لماذا كلّف نفسه بنزع هذا التوكيل من الرواس طالما سيهمل السيارة بهذا الشكل؟!
5. العزل وصوت الكاوتش أصبحا من الأمور الأساسية جدا في هذه الأيام، ويكفي أن يعلم التوكيل أن هذه مشكلة نتحدث فيها جميعا ولا يحرّك ساكنا لمحاولة علاجها ولو حتى على حسابنا كمشترين وعملاء
انا معنديش مشكلة في انه فتيس قديم بس منعدم الأعطال و استجابته عالية و الصوت ممكن اتعود عليه لكن ملاقيهاش بتترج مني و هي عربية جديدة و التوكيل مش فاهم المشكلة و مش عارف لها حل (بتكلم عن الكروز) ... بس كلام حضرتك عن التوكيل بيقول ان دياموند من منصور مش فارقة كتير
ربنا يهديك للأصلح وييسر لك أمرك ويكتب لك الخير
أهم حاجة تعرفونا المقارنة اتحسمت لصالح أنهي عربية فيهم ، واللي اشترى يحكيلنا بالتفصيل عن تجربته.. وجزاكم الله خيرا.
يا ريت يبقى في مشاركة من باقي الأعضاء لأن الموضوع لم يحسم نهائياً حتى الآن
انت الفيصل
لان العربيتن حلوين
اقعد في الاتنين وشوف انت نفسيا مستريح في انهو قاعدة
الفروق مش كبيرة اوي الفرق عزل وجودة خامات للكروز قصاد توكيل احسن علي حسب ما سمعت للشارك
بعد اذن الخبراء
هو ايه فايده
tc,esp,abs,ebd
و شكرا