عايز رأي السادة الأعضاء و لاسيما ملاك الشارك ٢٠١٤ و الكروز ٢٠١٤ لأني محتار بين تاني فئة في الشارك و هايلاين الكروز و هي الفئة الوحيدة المتوفرة. أرجو ابداء الأسباب لتعم الفائدة. و شكراً
عرض للطباعة
عايز رأي السادة الأعضاء و لاسيما ملاك الشارك ٢٠١٤ و الكروز ٢٠١٤ لأني محتار بين تاني فئة في الشارك و هايلاين الكروز و هي الفئة الوحيدة المتوفرة. أرجو ابداء الأسباب لتعم الفائدة. و شكراً
الكروز احسن .. بصراحة الشارك ال 1500 القديمة كانت احسن من جوة في الخامات والتقفيل
كروز
فيها وسائل امان مش موجوده فى عربيه بالسعر ده
كروز
و فيه مقارنات كتير بين العربيتين دوول
بص العربيتين محترمين جدا بس انا اخترت الشارك علشان اكتر من سبب اولا الكروز من 2010 كانت فيها مشاكل فى الفتيس واعرف ناس معاهم العربية وكرهوا الكروز للسبب ده بيقولوا ان الموضوع ده اتحل بس انا بصراحة مرضتش اخوض المغامرة واجرب خصوصا ان عيوب الكروز الجديدة لسة مظهرتش ثانيا العمر الافتراضى وركوبة اليابانى اكيد مختلفة انا مقدرش اقولك مميزات الكروز علشان مجربتهاش بس بالنسبة للشاك عربية سحبها رائع وعالية عن الارض وثبات ممتاز على السرعات العالية متبقاش قلقان وانت على 140 مثلا تكيفها ممتاز وصالونها واسع . وطبعا اعتمادية اليابانى . ده رأى شخصى وربنا يوفقك
I think shark too.. mmkn tbos 3l fluence
كروز
كلام حضرتك منطقي بس كروز ٢٠١٤ مختلفة اختلافات جوهرية عن سابقتها يعني في ٤ حاجات تم اضافتها
١- جيربوكس استرا اوتوماتيك
٢- موتور استرا
٣- شاسيه الماني
٤- خاصية الثبات الالكتروني esp
و اللي مخليني متردد في الشارك اسعار قطع غيارها و اعادة البيع و في موضوع كده ظهر اليومين دول خصم ٥٠٠٠ على اول فئتين هل ده معناه في شكل جديد نازل؟ او على الأقل ٢٠١٥ نازلة بأوبشنز أكتر و بنفس سعر موديل ٢٠١٤ قبل الخصم؟
الفرنساوي مرفوض زائد ان عندي معلومة مؤكدة ان توكيل رينو بيحسب المصنعيات بالدقيقة مش بقيمة الجهد المبذول في الحاجة اللي بيعملها فاستغلال لأقصى الحدود و في الآخر احنا في مصر و الفرنساوي اعادة البيع بتاعته مش تمام.
ايه بقى الأسباب اللي خلت حضرتك تفضل الشارك على الكروز؟
كلام حضرتك على العين والراس...
الشارك ياباني واعتماديه بس الصراحه من جوه تابلوه قدم شويتين تلاته ..اما موضوع اعاده البيع معلش بقا..الشارك مش افضل ولا حاجه
اللي خلاني افضل الكروز الثبات والعزل والتابلوه....التابلوه
وكمان موتورها الحالي الصراحه حلو جدا وسحبها ممتاز......انا بتكلم عن 2014
تصدق كانو كتير مش لاقيهم :d
عموما انا افضل الكروز
مميزات الشارك و الكروز ( ثبات عالي - عالية عن الارض -امان )
الشارك تتفوق في السحب من الزيرو اعتمادية الياباني
الكروز تتفوق في العزل و اعادة البيع
عيوب الشارك : العزل و الاكصدام الغريب
عيب الكروز : منصور
سعر الشارك نزل 5000 وبرده الكروز عليها عرض وده كلام الوكيل لان سعرها الرسمى كان ب 160 بس بعد العرض 150 وديه حاجة متعبش العربيتين طبعا الفتيس والموتور متغيرين بس محدش برده جرب العربية سنة ولا اتنين علشان يأكد انها بدون عيوب جوهرية وفى الاخر انا شايف ان العربيتين كويسين جدا ما شاء الله وفى الحالتين انت الكسبان وبالنسبة لاعادة البيع شارك 1600 افضل من سابقتها 1500 والكروز من 2010 حتى 2013 اعادة بيعها مش كويس والله اعلم 2014 اعادة بيعها هيكون ايه
لسه ما كملتش 1000 كيلو بس الانطباعات مبنيه على اني كنت راكب الميجان 2009 الفئه اللي قبل البانوراما.....انطباع رائع شكلا واداء وموضوعا
الموتور سحبه ممتاز والفيتيس سلس جدا جدا جدا
اما الاختيارات فكانت تنحصر بين الشارك والسيراتو ودي...الفلوس بتحكم برضه كان اخري 150
وكنت عايز زيرو
الشكل الداخلي والعزل فرقوا معايا ...كنسلت الشارك اللي مع ابن خالتي 2011 هايلاين بفتحه سقف والعزل معجبنيش.
واللي معايا مكانش يجيب سيراتو هايلاين طبعا كان يجيب ريو هايلاين وركبتها 24 ساعه ما اقتنعتش
ما فيش انسب من اللي جبتها الحمد لله سعرا وموضوعا وعايز اقولك الثبات والعزل واداء الموتور...روعه ما شاء الله ضيف عليهم التكيييييييف "انا كان معايا ميجان هه" والشكل الداخلي المريح والمبهج
ولا يهمك يا باشا :) البركة في حضرتك و الناس هنا متفاعلين بشكل جيد جداً ... انا ملاحظ ان في اختلاف في موضوع اعادة البيع من شخص للتاني.
طيب حضرتك بتقول عيب كروز منصور، ممكن تقولي ايه مشاكله بالتحديد عشان الصورة تبقى واضحة؟ و ايه موضوع اكصدام الشارك؟ و هل دياموند احسن كتير من منصور؟ معلش بطول في الأسئلة بس الواحد محتار فعلاً
انا مع حضرتك لو المقارنة بين شارك و كروز من سنة فاتت كنت هختار الشارك طبعاً ... بعدين العيوب الجوهرية في الكروز كانت في الجيربوكس بتاعه و تم تغييره في الموديل الجديد بجيربوكس الاسترا اللي موجود من ٢٠١٠ و مافيش مشاكل ظهرت منه ... دلوقتي في سؤال لو الشارك عاملة مع حضرتك كم عالي محتاجتش تغير اي حاجة زيادة عن المقرر تغييره في الصيانات الدورية ولا في حاجات اضافية تم تغييرها؟
ربنا يديك خيرها و يكفيك شرها ... هو طبيعي ان حضرتك تحس بنقلة بين تكييف الميجان و الكروز ده فرق الاوروبي من الكوري ... دلوقتي كفت الكروز رجحت بنسبة كبيرة بس مش قالقني غير فرق الاعتمادية بين الكوري و الياباني ... بس في حاجة، لو قطع غيار الكروز سعرها ارخص من الشارك بشكل واضح ده ممكن يبقى نقطة في صالحها قصاد اعتمادية الشارك اللي قطع غيارها حاسسها غالية حبتين
لا مش عاملة معايا عدد كبير من الكيلوهات انا عامل 5000 كيلو ممكن حد تانى يفيدك اكتر يكون عامل عدد اكبر
الكروز اولا عربيه مش كوري
ديه عربيه امريكي بتتجمع في كوريا
ثانيا الكروز هيه النسخه الاقتصاديه من الاوبل استرا اللي بتتجمع في بولندا علي فكره مش المانيا
ثالثا الكروز بنشترك من اول ما طلعت مع الاسترا في الشاسيه
وزاد عليهم في النسخ اللي بتنزلنا الموتور والفتيس بتوعها
الكروز بتنزل بنسخ كتير اشهرها 1400 التيربو وال 1800
الكروز عربيه اعتماديه جدا جدا
ABS EBD TRC ESP
2 Airbag
جنوط 16
ديه كلها محسوبه في ميزان كفه العربيه
اختيار العربيه بيعتمد علي اشياء كتير منها التفضيل الشخصي
الكروز بسعرها ده افضل كتييير من عربيات لغايه 200الف
تحياتي وبالتوفيق
Sent from my SM-N900 using Forum Runner
انا عندي برشور كروز ٢٠١٤ مش مكتوب فيه ان فيها ebd فيها abs و esp بس ... يا ريت حضرتك تقولي الtrc ده بيعمل ايه او ايه وظيفته ... هستغل ان حضرتك منسق قسم شيفروليه و تقولي ايه مشاكل توكيل شيفروليه منصور؟ و لو عند حضرتك اسعار قطع غيارها يبقى جزاك الله خير لأنها هتحسم بشكل كبير المقارنة :)
بص على الفيديو ده
https://www.youtube.com/watch?v=nVBIYKePeQk
حضرتك مفيش نظام esp ميكونش فيه ebd
طيب ebd بيعمل تعزيز لقوه الفرمله ويوازن بين الفرامل الامامي والخلفي
اما trc فده مسئول نقدر نقول عن تماسك العجل علي الارض بتساوي
منصور وكيل ذي اي وكيل في مصر
ومشاكله محدوده مقارنه بغيره
اما بقه لقطع الغيار ميزه الكروز انها مناشره بقالها كذا سنه صاج خارجي واجزاء داخليه جديد وقبل منه استيراد
وكلمه اخيره مفيش عربيه مفيهاش مشاكل بس تختلف طبيعتها حسب فئه العربيه
وبالتوفيق
Sent from my SM-N900 using Forum Runner
القسم عندنا فيه مواضيع كتيييير عنها
وفيه رابطه للملاك بيقولوا بكل لمانه اللي عليها قبل اللي ليها
Sent from my SM-N900 using Forum Runner
ههههه
بص حضرتك حقولك راي ويارب ما يزعلك
العربيات اللي ذي الكروز محتاجه واحد بيحب العربيات وقبلهم بيحب السواقه
فيه ناس واضح ان حضرتك منهم وده مش عيب مش عايز من العربيه غير انها توصله من النقطه أ الي النقطه ب
صدقني والله ده مش عيب علي العكس فيه شركات بتعمل موديلات للفئه ديه واخري برضه للفئه الاخري
الفكره انك تكون فاهم انك تشتري حاجه مناسبه لاحتياجات التشغيل اليوميه ليك
وتكون عارف انك تتعامل معاها
لانك ذي ما شوفت في الفديو فيه فرق ان النظام on وفيه فرق تاني انه off
امتي تختار ده عاوز حد بيحب العربيات وفاهم فيها
ولازم تكون عارف حاجه تانيه ان كل ما زادت الانظمه اللي بتتحكم في العربيه زادت فرص تكاليف تشغيلها علي المدي الطويل
وان الانظمه ديه بتتقادم وبينزل ليها تحديثات كل فتره مش للعربيه نفسها لاكن بين الاجيال
اتمني اني اكون اوضحت وجههه نظري
Sent from my SM-N900 using Forum Runner
اعاده البيع حتي الان في صالح الكروز و اظن هتتحسن للشارك خصوصا انها باعت في 2014 بشكل كبير جدا
منصور مش مريح في التعامل وحقك مش بتاخده بسهوله و تحس ان التوكيل ملوش لازمة ( تجربتي في الاوبترا) و التوكيلات الرئيسية مقبوله نوعا ما
اما اكصدام الشارك لو اي عربية ريحت علي الاكصدام وش العربية بيبقي شكلة متبهدل و وحش ( الاكصدام بارز جدا من الاعلي عن الاسفل واي لمسة في وش العربية )
ابداً والله ربنا مايجبش زعل ... انا مش شايف ان في تعارض بين اني احب السواقة و اني ابقى عايز عربية اعطالها تكاد تكون منعدمة و تقضي مشاويري بتكاليف صيانتها الدورية في التوكيل اول ٥ سنين في الآخر هي زيرو و معدية ال١٥٠٠٠٠ يعني مش معنى اني بحبها اقضي الweekend في مراكز الخدمة في عربية جديدة مش كدا ولا ايه :) الفكرة بس انا بسأل على اعطال بتبقي في موديل بعينه زي مثلاً الفتيس الDSG عمره قليل في مصر لأن الزحمة بتجهده على الآخر ... ارجو ان فكرتي تكون وصلت صح