اقتباس المشاركة الأصلية كتبت بواسطة محمد يوسف مشاهدة المشاركة
ياسيدى الفاضل ال 6 جنيه دول يجيبوا 2 لتر بنزين يمشوك 25 كم ع الأقل جوه البلد ..... هل محطة الأتوبيس حاتبقى كام ؟ واحد كم ولا اتنين؟ وايه هى خدمة الطيارات؟ حايجيبولى مضيفة تتقصع لى زى بتوع السوبر جيت ؟ ولا حايشغلوا لى ديفيدى ؟ الكلام ده يضحكوا بيه ع الصعايدة
وتخيل حضرتك لو خارج بأسرتك حاتدفع كام فى ال 25 كم اللى حايكلفوك بعربيتك هما ال 6 جنيه سواء لوحدك أو مع عيلتك؟
ده أصلا لو رضيت تركبه مع عيلتك لأنه أكيد حايتحول لوكر عشاق زى الأتوبيس المكيف بتاع زمان
وبعد كده يروحوا مزودين البنزين ورافعين الدعم بحجة ان عندك البديل ...وبالتالى كل حاجة تغلى
ده غير انتظار الشوارع الجانبية اللى بفلوس واتفرج بقى ع البلطجة وتفتيح المخ مع زبانية المرور

حضرتك بسم الله ماشاء الله قادر لكن مش كل اللى راكب عربية غنى ويقدر
يا سيدي ال 2 لتر استحاله يمشوك 25 كم في الزحمه اللي بنعاني منها دي و يا سلام لو بالتكيف
كمان الحسبه مش بالبساطه امتلاك عربيه في مصر يتبعه مصاريف تانيه كتير

كمان حضرتك ليه بتفترض افتراضات في علم الغيب
عرفت منين ان في مضيفات و لا ان الاتوبيس هيبقي وكر للعشاق
و طالما مفيش معلومات اتقالت عن المسافه اللي ال 6 جنيه هتوديها لك ليه بتفترض الاسوء
الدعم عن البنزين هيتشال هيتشال و اللي ينكر كده يبقي عنده قصر نظر فشوف انت يشيله و يديك بديل ولا يشيله و اخبط دماغك في الحيط و بكره ال 6 جنيه دي متجبش الا لتر واحد او اكتر شويه
و حسب الكلام في شركات هتمسك موضوع الركنه ده و غالبا هيبقي زي اللي كان مطبق في وسط البلد
و انا عارف ان الفساد ناخر البلد بس بحاول اكون متفائل
بص للايجابيات اكتر و دول علي حلول للسلبيات
جلد الذات و التريقه مش هيقدموا و لا ياخروا

و لو حضرتك مش معتبر ان اللي راكب عربيه ده غني فاحب اقول لك دي وجهة نظرك انت
و في كتييييييير جدا لا يشاكروك الراي راي بل يختلفوا معاك كليا و ارجع لمواضيع رفع الدعم عن البنزين و خصوصا ال 95 :) انت تشوف بنفسك


اقتباس المشاركة الأصلية كتبت بواسطة mhkash مشاهدة المشاركة
خلاص ميبقاش مشروع قومي حضرتك
اللى اعرفه ان المشاريع القوميه بتكون موجهه لخدمة فئات كبيره من الشعب
هو المشروع مش لازم له بنيه تحتيه علي مستوي القاهره الكبري و اللي بيدخلها الملايين من باقي المحافظات يوميا ده غير ان الفلوس اللي هتتجاب بيها الاتوبيسات دي من الضرائب و كده و الفلوس منه هتخش للدوله برضه ده غير الفرص اللي هيتيحها المشروع ده من وظائف و خلافه

عموما حتي لو المشروع مش قومي
فالتخلص من الزحمه هو هدف قومي


في النهايه لازم الناس تعرف ان عالميا مفيش حاجه بقت ببلاش خلاص و البلاد مش بتدعم مواطنيها زي الاول الا كام بلد كده ليهم ظروفهم الخاصه
كله بقي بمقابل و ادفع عشان تلاقي
و احنا هنا في مصر كده كده بندفع بشكل مباشر او غير مباشر بس للاسف مش بنلاقي المقابل
فالكلام المكتوب ده يبان من حيث المبدا ان اخيرا هيبقي فيه مقابل
كون الكلام ده يتطبق او لا او هنتفنن كالعاده و نخليه كله عيوب دي قصه تانيه تبان لما المشروع يتنفذ فعليا و ميتطلعش كفته