الموضوع: بعت ال bmw 320 2010 وجبت c280 2009

انا جايب عربيه كسر زيرو بمعني الكلمه ٤٠٠٠٠ الف و مكانتش محتاجه اي حاجه . تاني حاجه والله العظيم جايب تيل امامي وخلفي من البافريه ب ٥٠٠٠ جنيه وعربيه كانت بس عايزه ٢ حساس شكمان الواحد ب٢٨٠٠ لا قطع غيار ناااااار طبعا وعفشه سيًئه وميتقلش عنها الا كده وانا مش اول مره اركب عربيه و متقوليش يا باشا ال c عفشتها ناشفه انا معايا اهي ناعمه و زي الفل في فرق كبير في حاجات كتير ويمكن هي وجهات نظر بس انا ركبت الاتنين و ارشح ال c بفرق كبير ممكن الحاجه الوحيده شكل التابلوه احسن بس يمكن عشان مش فيس ليفت

المشاركة الأصلية كتبت بواسطة Karim_Monir

لا متابع بس عايز اعرف هي قعدت معاك قد ايه وكان عاملة كام الف
انا معايا ال 16 وطبعا مانيوا وتقيلة في طلعتها بس بعد ال 60 خلاص
عفشتها متفق معاك تماما لو ساكن في حتة مكسرة بس مقابلها ثبات خرافي وتوزيع للوزن غير عادي وميتقارنش ابي عربية تانية ولا مرسيدس حتي
تيل ايه بقي ده اللي ب 2500
مانا مغيره مرتين تكستار زي الفل وب 350 جنيه بس :-)
الطنابير ب 900 جنيه اصليه
مساعدين اصلية برة التكيل ب 1500 وغليت ب قو ب 1800 وتدوخ عليهم شوية
بلية شدشاد ب 500 اصلية
سير كونتينتال اصلي ب 280 جنيه

اسعار قطع غيار زي السيراتو والنترا الجديد وانا عندي مركز تجديد وبيجلي حوادث وبشوف قطع غيار الكوري مش هاقول اليباني عاملة ازاي

مشكلة ال 320 التقفيل امصري وده هاتعاني منه في اللي معاك برضه
ال 20 كان اشهر مشاكلها تلاجة التكييف وكام مشكلة تانية لكن غير كدة تحفة

٤ شهور فقط

المشاركة الأصلية كتبت بواسطة ayman tarek

بعت افشل عربيه بي ام نزلتها و هي e90 320 2010 بالرغم من الاوبشنز اللي فيها و جبت c280 2009 fw بصراحه فرق كبير في كل حاجه بس كنت عايز اعرف اسعار قطع الغيار ايه نظامها ؟ و ايه عيوبها الشائعه و وضريبتها السنويه ؟

انا بعت 320i مو 2008 و اشتريت C200 مو 2009 :)

بالنسبة لموضوع ان البى ام عربية فشلة فده ظلم منك شوية لانها عربية حلوه....هى فيها شوية مشاكل لكن فيها مميزات

اكبر عيوب البي ام ان العفشة نشفه و ده بسبب الكاوتش ال Run flat و كان مفروض ان العفشة تكون مؤهلة اكتر من كده عشان نوعية الكاوتش دي ..... و فيه برضة مشكلة التكيف ان الكباس مش بيعمر......و مشكلة الطنابير اللى بتتاكل بسرعة رغم الالتزام بمواعيد تغيير التيل

اما عن اسعار قطع الغيار .... تيل الفرامل كنت بشتريه بحوالى 400-450 جنيه و كان بيعيش مده كويسة

الحاجات الغالية فى البي ام هى valve tronic , Vacium pump و ده اللى انا واجهتة فى عربيتى

ربنا يبارك لك فى عربيتك الجديدة و يكفيك شرها

السي ٢٨٠ جميله جدا ربنا يباركلك فيها انا بدور على واحده بس كنت عاوز اسالك عن استهلاكها للبنزين عامله ايه معاك لان الموضوع ده قالقني منها اوي اصلي ركبت واحده بتاعت واحد صاحبي الكمبيوتر كاتب ان الاستهلاك ١٨ لتر لكل ١٠٠ كيلو وده طبعا خراب بيوت بس انا مش عارف ده الطبيعي بتاعها ولا فيها حاجه بايظه ثانيا كنت عاوز اسالك عن سعر العربيه جبتها بكام وعدادها كام ده طبعا لو مش حيضايقك انك تقول واخيرا الف شكر يا برنس

الصراحة أنا مش عارف التيل ال ب 2500 و الا ب 5000 اللي حضرتك بتقول عليه. أنا مغير تيل أمامي و خلفي ب 1400 و 1200 بالسنسور في فرع أبو رواش من حوالي 8 شهور .

المشاركة الأصلية كتبت بواسطة ashmawe

السي ٢٨٠ جميله جدا ربنا يباركلك فيها انا بدور على واحده بس كنت عاوز اسالك عن استهلاكها للبنزين عامله ايه معاك لان الموضوع ده قالقني منها اوي اصلي ركبت واحده بتاعت واحد صاحبي الكمبيوتر كاتب ان الاستهلاك ١٨ لتر لكل ١٠٠ كيلو وده طبعا خراب بيوت بس انا مش عارف ده الطبيعي بتاعها ولا فيها حاجه بايظه ثانيا كنت عاوز اسالك عن سعر العربيه جبتها بكام وعدادها كام ده طبعا لو مش حيضايقك انك تقول واخيرا الف شكر يا برنس

استهلاكها عالي اكيد بس مش 18 لتر اقل ....... العربيه 80000 كيلو فبريكه 265 الف بس حالتها كويسه اوي