استفسار على وجه السرعة لملاك الأسترا بخصوص الفتيس

**waleed94wel** · 27-08-2014 05:08 PM

انا مقبل على شراء شيفروليه كروز ٢٠١٤ لما سألت عليها عرفت انها فتيس و موتور أسترا فكنت عايز استعين بخبرات ملاك الأسترا هل في اي مشاكل في الموتور او الفتيس لأني قرأت عن مشاكل في الفتيس و رجة في العربية بشكل عام؟

**ENG.MaRk** · 27-08-2014 06:27 PM

أنا مش من ملاكها و لكن سقت الكروز و الأسترا بما يكفي و يخليني أحكم عليهم صح ... بص يا باشا :
-الكروز أسترا بس ياباني بدل ألماني
-الكروز الفيس ليفت روعة بجد و شكلها بقي فخم جدا
-الكروز أرخص عربية في مصر فيها esp يعني من أكثر العربيات أمانا
-سحبها بقي جميل جدا و التكييف مش بيأثر عليه
-من أفضل العربيات في فئتها السعرية
-شنطتها واسعة بس مدخلها ضيق نسبيا
-تم تعديل الارتفاع و نادرا لو حكت في مطب
-لو مكانك هجيب هوندا سيفيك أو سوبارو امبريزا و أقسط الفرق أو ممكن أجيب أسترا أو فلوانس تاني أو تالت فئة و ممكن كورولا و لكن لو حضرتك حابب الكروز توكل علي الله فيها و الله الموفق و المستعان و أتمني تكون مشاركتي أفادت حضرتك

**ashouhdy** · 27-08-2014 07:03 PM

لا حول ولا قوة الا بالله !

لا في رجة ولا رعشة ولا مشاكل نهائي

2010 و اول اصدار في 2011 هما اللى كانوا فيهم مشاكل ومن النص التاني ل2011 لحد النهاردة يعنى 3 سنين ونصف محدش قال بم في العربية

و بنزين92 و ذى الفل.

**waleed94wel** · 27-08-2014 07:17 PM

المشاركة الأصلية كتبت بواسطة ashouhdy

لا حول ولا قوة الا بالله !

لا في رجة ولا رعشة ولا مشاكل نهائي

2010 و اول اصدار في 2011 هما اللى كانوا فيهم مشاكل ومن النص التاني ل2011 لحد النهاردة يعنى 3 سنين ونصف محدش قال بم في العربية

و بنزين92 و ذى الفل.

انا بتكلم عن الأسترا والله، قرأت الكلام ده هنا في المنتدى بتاعها. كروز ٢٠١٤ مالحقتش تمشي عشان يبان فيها المشاكل دي ... بس ان شاء الله تطلع مشاكل فردية في الأسترا ... انا آسف لو كان كلامي ضايقك و شكل حضرتك مستلم الكروز من قريب :)

**ashouhdy** · 27-08-2014 07:47 PM

2014 مش محتاجة تمشي ! لأنها بقالها سنتين بنفس الموتور و الفتيس (2013-2014) ك كروز

و 4 سنيين ماشية ك (أسترا ) ... و الحمد لله

العربية معايا من شهر 5 والحمد لله

**احمد فهمى** · 27-08-2014 08:22 PM

العربيه كويسه بس لا انصح بيها فى السعر ده يفضل تشوف ياباني او تشترى استرا نفسها والكروز كعربيه زيرو ماشي بس التقييم بعد ال100 الف كيلو فما فوق وطبعآ سمعتها مش تمام ومشاكل كتير ظهرت ودى طبيعة عائلة دايو والكروز والاوبترا والافيو دايو وبيعانو من نفس المشاكل من عفشه واستهلاك قطع غيار الخ وكما وضحت على المدى الطويل يعنى لو بتفكر تجيب عربيه تركبها 3 سنين وتبيع ماشى لكن عربيه تقتنيها 10 سنين او 7 سنين ونبيع لهدف التغيير فقط وليس بسبب انهاء الصلاحيه يبقى اشتري كرولا او نيسان الجديده

**ashouhdy** · 27-08-2014 08:47 PM

الكروز دايو ! طب اذاى

كونها بتتجمع في مصانع دايو / جي ام كوريا دة ميخليهاش دايو !

الكروز أمريكي بأمتياز وكل مكوناتها gm !

ولو حتقارن بين التقفيل التركى (الكورولا ) والتقفيل الكورى (الكروز) فالتقفيل الكورى احسن بكثير

**احمد فهمى** · 28-08-2014 01:13 AM

المشاركة الأصلية كتبت بواسطة ashouhdy

[gdwl]الكروز دايو ! طب اذاى
[/gdwl]
كونها بتتجمع في مصانع دايو / جي ام كوريا دة ميخليهاش دايو !

الكروز أمريكي بأمتياز وكل مكوناتها gm !

ولو حتقارن بين التقفيل التركى (الكورولا ) والتقفيل الكورى (الكروز) فالتقفيل الكورى احسن بكثير

ازاي الكروز دايو ؟؟ طيب الاسهل ازاي اللانوس شيفورليه !!
المهم حضرتك مصنع دايو جى ام كانت شاريه اسهم فى من التمانينات وبعد افلاس الشركه وضعف بيع موديلاتها الامريكى وعدم توافق الطلب فى السوق الامريكى على العربيات الكبيره قررت تبيع موديلات الدايو بأسم شيفورليه عشان فى ناس بتحب الحاجات دي ببساطه شديده لكن الكروز والاوبترا دايو بره مصر فيهم كماليات مش موجوده فى اللى بينزلك من مصنع دايو بمواصفات شيفورليه يعنى لاحظ بعض العربيات بتاعت المعوقين من الاوبترا موديل 2003 يعنى قبل نزولها مصر هتلاقيها نفس العربيه بس دايو وفيها اير باجز وabs وتكيف تتش وكماليات مش موجوده فى الكروز وفى معرض كان بيبيع الدايو كروز فى الدقى زيرو كانت 6 اير باج وفتحة سقف وكراسي كهربا و esp وabs ومثبت سرعه وده فى 2008 ايام الكروز القديمه اللى كانت فاضيه وكانت متور مختلف احدث من المصري والظريف انها كانت بنفس السعر وده بسبب استخفاف الوكيل بالعملاء محبي شعار شيفورليه كما وضحت.....

التقفيل طبعآ الكروز كوري 100% والمكون الامريكى بسيط جدآ من غير تفكير وراجع قطع غيار عربيتك هتلاقيها كوري اصلى ده ان عرفت توفرها هتلاقى التيوانى والصينى غالب وبالنسبه للكرولا طبعآ افضل من الكروز حتي لو تقفيل مصري تأكد ان شركة تيوتا اقوى من شيفورليه نفسها فى امريكا ولها مصنع هناك والموضوع مش تعصب لعربيه انا مش راكب كورولا ولا كروز بس ده واقع علمي وعملي

الموضوع: استفسار على وجه السرعة لملاك الأسترا بخصوص الفتيس

LinkBack

أدوات الموضوع

عرض

-

-

-

-

-

المواضيع المتشابهه

لو سمحتم استفسار حول نتشة في الفتيس الاوتوماتيك لملاك الاوبترا 2007

استفسار بخصوص مثبت السرعة فى جين 2

استفسار لملاك السيريون xl او gl بخصوص مكان السي دي

استفسار بخصوص السرعة القصوى

استفسار بخصوص السرعة في الميجان

الكلمات الدلالية لهذا الموضوع

المفضلات

المفضلات

ضوابط المشاركة