المشاركة الأصلية كتبت بواسطة yusuf1980
انا عندى السيارة لانسر شارك 1600 موديل 2015
المميزات
انا معايا سيراتو ٢٠١٥...وبصراحة بعد اللى قراته فى المشاركات السابقة وخصوصا وبخبرتى فى
قيادة شارك ٢٠٠٩ فى نفس العام مستأجر
وفيرنا ٢٠٠٩فى نفس العام مالك
وكورولا ٢٠١٢ شبه مالك
ورينو ٢٠١٢ لوجان مالك
وسيراتو ٢٠١٥ اتوماتيك مالك احب اضيف مقارنة للنقاط التالية للسيراتو لانى امتلكها حاليا وهى نفس الفئة ونفس سنة الصنع لذا ستكون مقارنة ايجابية للغاية وخاصة انالسه مقفل بيها ٢٠٠٠٠كم
1- صالون جميل واسع
نفس الميزة
2-موتور قوى
نفس الميزة ١٣٠حصان اعتقد اقوى من الشارك لانه ٢ كامه
3-استهلاك البنزين جيد
استهلاك البنزين ممتاز ....انا ما غيرتش عداد متوسط الاستهلاك لكل ١٠٠ كم
مع العلم ان ممكن اترك اسرتى مثلا تتسوق وانا مثلا ساعتين فى العربية والتكييف شغال ........والعربية موجودة فى السعودية يعنى التكييف شغال على طول ومعدل استهلاكها بالتكييف والاستهلاك المفرط ٨.٧
لكن استهلاكها الطبيعى ٧لتر الى ٧.٥ بالتكييف
4-السيارة عالية عن الارض( لا تحك فى المطبات مهما كنت محمل)
السيارة عالية عن الارض حكت مرة واحدة بس كان خازوق وليس مطب
5- ثابتة على الطريق حتى مع السرعات العالية
ثابتة لغاية ١٥٠ -١٦٠
٦- معدل تسارعها رائع
٧-التكييف جيد بالنسبة للجو فى السعودية
٨-الشنطة واسعة ومريحة اثناء نقل الاغراض
العيوب
1-شنطة ضيقة جدا مقارنا ب اللانسر البومة مثلا
الشنطة تم ذكرها
2-العفشة ناشفة شوية وده لان الجنط 16
العفشة بصراحة انا ما حستش بيها بس عايز اقولك حاجة
اى عربية زيرو بيزودوا الاطار ٦٠ لازم تفحص ضغط ألهواء
3- العزل سيء بتسمع صوت الكاوتش اثناء السير
نفس العيب موجود عندى
4-الصاج رقيق للغاية اى حكة يتعلم فية
الصاج جيد بس موضوع اى حكة بتعلم فيه دى مش فاهمها لان اى صاج بيتأثر باى حكة
5- الاكصدامات وخصوصا الخلفى مصنوع من مادة سيئة للغاية واى ترييحة بتعلم فية
الاكصدامات عندى ممتازة وده بعد تجربة وكذا خبطة بصراحة اصيلة
6-دهان الاكصدامات سيء حيث اى احتكاك بيعلم ويقشر الدهان وبيظهر لون الاكصدام الاسود من اقى احتكاك
الدهان ممتاز عندى
7-صوت الموتور عالى نسبيا فضلا عن عدم وجود غطاء بلاستيك للمحرك الا ف اخر فئة
صوت الموتور عادى لا عالى ولا واطى بس ناعم كويس ما تحسش بيه انه عالى
8-السماعات بالابواب ولا يوجد سماعات خلفية (بالرف الخلفى)مما يجعل مستوى الصوت سيء
انا عندى اربع سماعات ودا فى الاستاندرد
9- الاكصدام الامامى واندفاعة للامام والتصاقة بالكبوت قد يسبب مشكلة عند ترييح اى سيارة من الامام
عيوب السيراتو
١-لماانزل من العربية باخرج بصعوبه ودى بصراحة مضيقانى
٢- الكنبة مش مريحة لو جلس فيها ٣اشخاص بالرغم من وسعها
ودى انا جربتها فى رينو لوجان الكنبة تحفة مريحة بشكل رائع
٣-الفرامل مش حلوة وباسمع صوت صفارة مع الملفات
طبعا ما عنديش abs وده سبب ان الفرامل مش جيدة
ده خلال ٨شهور و٢٠٠٠٠كم
ودة كل اللى لاحظته خلال مدة 3 شهور من اقتناء السيارة علما بانى كنت امتلك لانسر 2006 مانيوال وهى من حيث التقفيل و مساحة الشنطة والصالون افضل بكثير من الشارك