علاج حكة فى مطب اسفل السيارة

**mssm82** · 28-08-2014 08:54 PM

’السلام عليكم
انا كنت مسافر على طريق الفيوم . طريق زى الزفت . المهم كان في حتة متكسرة ومطب عالى . للأسف العربية حكت بعد ما وصلت القاهرة رفعت العربية وغسلتها علشان اشوف الاضرار و كانت النتيجة في طبقة مبطنة اسفل السارة زى الكاوتش اتشالت اسفل السيارة جنب العجلة الامامى يمين . المهم في جزى حوالى 2 سم في 2 سم اتشال من الطبقة دى . الحمد لله الصاج ماحصلوش حاجة

سؤالى بقا الطبقة العازلة دى اسمها ايه وهل ينفع تتضاف للجزء اللى اتشال ولا اعمل ايه

العربية اوتو 2013 و ياريت حد من اهل الخبرة يفيدنى

**adel_edrees** · 28-08-2014 11:30 PM

محتاج رأى الأعضاء معايا لتصويبى إذا كنت مخطئا ده أنركوت undercoat و ده بيتفرش من تحت علشان يبقى عازل ما بين الصاج من تحت و الطين و الميه يفضل و أنت في اى صيانة في التوكيل تقوللهم على اللى حصل و شوف هما حبعالجوه أزاى أدولك مبلغ جامد ما تعملهاش عندهم المشكلة أنك لو قربت ناحيتها أي حد حيشوف العربية حبقول العربية فيها شغل من تحت و مش حيصدق أنها كحتة و لو سبتها ممكن تجيب على المدى البعيد بارومة لو الكحت وصل للصاج أنا رأى لو مش حتعملها في التوكيل شوف أي حد يعملها لك بس بنضافة من غير مشاكل

**abb** · 29-08-2014 12:55 AM

ف عبوات بوتومين رش بتعمل نفس الاداء ف العزل

**Super_Star_h** · 29-08-2014 05:41 AM

داوى الحته اللى اتقشرت وخلاص
اوعى ترش العربيه كلها من تحت

**mssm82** · 29-08-2014 10:01 AM

السؤال بقا اداويها ازاى .وايه افضل مكان . انا روح للتوكيل قالولى مش مستاهلة بس انا خوفى على المى الطويل تعمل بارومة

محتار ومش عارف اعمل يه

**Abo_Mazen** · 29-08-2014 11:08 AM

والله يا سيدي حضرتك كبرت الموضوع خالص مع إنه مش مستاهل ..ومحير نفسك على حاجه عاديه جدا ..بس يا باشا ..الطبقة اللي حضرتك بتقول عليها دي إسمها إنتر كوت..ودي بتبقى عبارة حاجه زي المطاط ..لكن هي في صورتها الأولية أو في صورتها اللي بتتباع بيها بتبقى سائله ..وبعد ما بتنشف بتبقى عامله زي الكاوتش كده

الإنتركوت ده بيتباع عادي جدا في السوق ..وبيتباع في علب صغيره أو في جوالين كبيره ..أسعاره ..متعدش ..بيبدأ من عشرة جنيه للربع كيلو لغاية 40 جنيه ..

بالنسبة بقى للي حضرتك هتعمله ..هتروح لبوهيجي ..يرفع العربيع على كوريك ..ويقوم واخد زي لحسه عفيه كده من الإنتر كوت اللي حضرتك هتجيبه ..ويقوم داهن مكان الحته اللي وقعت ..خلي بالك ..هات إنتر كوت غالي وكويس عشان الرخيص منه لما بينشف بيبقى عامل زي البلاستيك وبيقع من نفسه ..لكن الغالي بيبقى عامل زي الكاوتش وبياخد وبيدي مع حركة العربية ومع تفتيح الحديد ..

بالنسبه بقى لكون هيبان أو مش هيبان إن الحته دي مدهونه ..فهي ترجع لنضافة البوهيجي اللي هيعملها وإيده ..إذا كانت تتلف في حرير ولا تتلف في حديد ..لو إتعملت بصنعه وهندسه ..ولا هتبان ..وخصوصا إن العربيه من تحت دائما بتبقى غير معرضه للضوء ..وأقصى ضوء هيوصلها هو ضوء مصباح كهربائي ..ده لو حضرتك بتتكلم عن إن شكلها هيبقى باين

وأخيرا ..ممكن أكون أنا بتكلم عن حاجه ..وحضرتك تقصد حاجه تاني خاااااااااالص

**abofandy** · 29-08-2014 12:32 PM

ولا تشغل بالك والله .. هى فعلا الانتر كوت دى موجود فى كل العربيات تقريبا
ومفيش عربية سيدان سلمت من المطبات وبيحصل حكات فية وبيتشال فى بعض المناظق الى بتبقى واطيه فى العربية فلا تقلق العربية الصاج بتاعها بيبقى معالج ضد الصدا والبارومه فمتقلقش ومتلعبش فيها كتير
سيبها ع وضعها دى راى المتواضع

**elkomyalto** · 30-08-2014 01:29 AM

طيب لو الواحد عايز يضع الانتركوت ده بين فواصل الكرتيره من تحت علشان متعملش صوت ويكون التقفيل بتاعها محكم ( ايه رأيكم )
هيبقى كويس ولا هيتأثر بالحراره والمطبات

-

الموضوع: علاج حكة فى مطب اسفل السيارة

LinkBack

أدوات الموضوع

عرض

-

-

-

-

المواضيع المتشابهه

طقة اسفل السيارة

صوت خبط اسفل السيارة

علاج الصدأ اسفل السيارة

زنة اسفل السيارة

اسفل السيارة طرى

الكلمات الدلالية لهذا الموضوع

المفضلات

المفضلات

ضوابط المشاركة