انا محتار جدا اشتري شارك توكيل و لا خليجي

**drengine** · 29-08-2014 11:54 AM

السلام عليكم
انا امبارح كنت عند سمير اوتو و كنت بسال على الشارك و بعدين شوفت عنده في المعروض و كل الي كان عنده خليجي - و ملقتش عنده توكيل خالص و قالي انه في وكيل بيضمن الخلجي
و انا كنت عايز اشتري الفئة التانية او التالتة( توكيل) - عشان في حاجات في الفئة التالتة عجباني زي الفوجات مساند اليد الامامية و الخلفية و AUX- و السمعات - وصراحة الكاست التاتش مخلي شكل العربية حاجة تانية (ده في الخليجي).
فهو عنده عربية خليجي فيها كل الحاجات ده بس من غير فوجات و AUX- و سعرها 145 الف في حين ان الفئة التالتة 157 الف
بس انا حاسس انه في فرق بين الاتنين
فهل حد يعرف تفاصيل الفئات الخليجي؟
ايهما افضل في العرضين ؟ و هل السيارتين زي بعض في الاساسيات-عفشة شاسية فرامل ABS موتور ...........؟
هل الفئة التالتة في كاست تاتش؟- لو ممكن ذكر كل الكماليات بتاعتها بالتفصيل
و مش المفروض ان العربية الي بتنزل في الدول العربية زي مصر عشان نفس التوكيل فازاي في خليجي مختلف عن التوكيل؟
و هل الفرق في السعر بين الفئة التالتة و الثانية في التوكيل يستحق شراء الفئة التالتة ؟
انا بعتذر على الاطالة و نظرا لطبيعة الدراسة و العمل -مهندس - فاريد انا اعرف كل شئ حتى استطع ان اخذ القرار المناسب الصحيح
و شكرا

**diiie_hard** · 29-08-2014 06:18 PM

يا اخي انا اشتريت العربية دي اغلي من الوكيل شوية فئة ثانية
بس جبت منها اللون الاسود الي بحبه وفيه بقي مفاجاه لقيتها ..... ان العربية بمسند للسواق ومسند خلفي وفيها كمان دليات كاوتش بصراحة اشتريتها وانا مبسوط
الفئة التانية فيها جنط 16 واي بي اس زيادة عن الفئة الاولي بس يعملوا فرق كبير برده
خليك في الوكيل ولو عايز خليجي تقريبا بتدفع الفين او تلاته وبتفعل الضمان " تقريبا مش متاكد "
توكل علي الله وهات الفئة التانية وكيل وركب انت الفوجات في التوكيل ومش هتفرق كتير عن الفئة التالته غير طقم نواكل زيادة من جوة
العربية ما شاء الله جميلة وبسيطة وسلسة وهتحبها اول ما تركبها ومشيها علي الطريق ما شاء الله جميل
ربنا يوفقك اخي

**drengine** · 29-08-2014 07:45 PM

شكرا جزيلا على الرد - هو كان قالي في المعرض انه الخليجي من غير ما تدفع فلوس زيادة ليها وكيل-
و تاني حاجة انا حاسس ان العربية فاضية في الفئة التانية بتاعة الوكيل
و في حد يعرف حاجة عن موضوع شكل الكاست؟

**diiie_hard** · 29-08-2014 07:51 PM

الكاسيت في الوكيل عادي بس امكانياته حلوة مش وحشة وشكلة محترم
في الخليجي الكاسيت شاشته عريضة بزيادة عن الوكيل
انما الفرق الداخلي معرفش الصراحة

**Hitch122** · 30-08-2014 12:41 AM

الوكيل بضمان دايموند و الخليجى بضمان الرواس ... حاول بس تسأل الرواس ضمانه بيغطى إيه و هل لو عمل حركة قلة حتعرف تجيب حقك (زى ما فى ناس بتبعت ايميل لليابان عشان يشدوا الوكيل)

**drengine** · 30-08-2014 07:02 AM

المواصفات:
التوكيل فئة أولى> تكييف و باور و كاسيت عريض مع مدخل aux مع ٤ سماعات في الأبواب و واحد اير باج و العربية فقيرة جداً من جوة
الفئة التانية> بيزيد جنوط ١٦ و ايرباج للراكب الامامي و ABS & EBD
الفئة التالتة> بتزيد فوجات و مخدع امامي و خلفي و مش عايز اقول لكم العربية شكلها عرة قد ايه من غير مخدع و أكر داخلية نيكل و frame نيكل على الشنب و ست سماعات و مدخل usb مع الغاء مدخل ال aux و تكييف اوتوماتيك و ٥ مساند رأس و نيكل عند فتحات التكييف و شكل بكر التكييف نفسه مطعب بالكروم مش بلاستك اسود زي التاني.
الفئة الرابعة> بتزيد تارة مالتي و سمارت كيي و كاسيت تاتش سكرين و يقال فرش جلد بس دي مش متأكد و تارة جلد و نيكل عند عصاية الفتيس و سبويلر و فتحة سقف. الرواس فئة اولي> سبويلر مع طاسات و فاضية خالص من جوة و الكاسيت Kenwood رفيع فيه usb شكلهم همه الي مركبينه كده
الرواس فئة تانية> جنوط من غير سبويلر و airbag زيادة و abs & ebd و مخدع
الفئة التالتة رواس> الي هي الهاي لاين عندهم بس مشوفتهاش
طبة الmivec غير متوفرة في جميع فئات الرواس
الفئة الأولى هاي تريد> فاضية خالص و مفيش سبويلر و فيها غطاء كبوت و مكنة.
الفئة التانية هاي تريد> بتزيد جنوط و كاسيت عريض و مخدع امامي و خلفي مع كنبة قابلة للطي.
معرفش في منها فئات أعلى ولا لأ!
"منقول"
حد عنده معلومة عن اعلى فئة في الرواس و هاي تريد و الاسعار