الموضوع: هل ممكن مساعدة لأختكم المهندسة صفاء عمر حمدي؟

السلام عليكم

عندي سيارة قديمة شوية سبهالي زوجي و سافر لسلطنة عمان و هي بصراحة تمتم و نفعاني اوي في كل مشاويري أنا و الأولاد ......و بصراحة محتاسة جدا في بعض الأمور

السيارة دايو لانوس موديل 2000

بعد مناقشتي مع الميكانيكي .... أرجو من الأخوة خبراء اللانوس إفادتي في هذه الأمور برضه للعلم بالشيئ لأن مش عايزه حد يضحك علي و يستغل إني واحدة ست لوحدي

1. عايزه أغير حاجة أسمها بلي العجل الأمامي و الخلفي لأنهم باظوا و بيعملوا صوت أيه النوع الجيد و بكام؟ برجاء كتابة سعر حديث لبلي العجل

2. أنا إذاي أعرف إن سير الكتينة محتاج يتغير؟ أنا لم أحسب عدد الكيلومترات لأن لم أغيره منذ أن إشتريت السيارة و بصراحة خايفه أحسن يتقطع و الماتور يبوظ.؟....

3. أيه أفضل نوع سير كاتينة و بكام ؟ برجاء أسعار حديثة

4. يعني أيه بوجيه 2 شمعة؟ و كيف يختلف عن البوجيه واحد شمعة؟ و هل بالنسبة لسيارتي أركب 2 شمعة و لا واحد شمعة؟

5. كنت عايز أغير زيت ماتور و بعدين فيه زيت اسمه زيت معدني و زيت أخر اسمه زيت تخليقي..انا أول مرة أسمع المصطلحات دي...ايه الفرق بينهم.....و ايه النوع المناسب لسيارتي؟

6. كيف يتم تغيير زيت الفتيس في عربيتي؟ هل هناك فتحة ما لسكب الزيت القديم و فتحة أخري لإضافة الزيت الجديد؟

الف شكر علي مساعدتكم

أختكم مهندسة/ صفاء عمر حمدي
مصر الجديدة - القاهرة

مساء الخير عليكم

معقوووولة ..اكثر من 80 مشاهدة و مفيش حد يكلف خاطره و يساعدني!! للدرجة اسئلتي صعبة؟ و لا محدش عايز يساعد؟
بجد مرسيي أوي

بلي العجل كنت جايب اثنين امامي ٩٠ وفيه اغلي بس ده كويس اكيد هتلاقي الخلفي نفس السعر وحوالي٥٠ مصنعيه خراط عشان يركبهم علي المكبس + مصنعية الميكانيكي

سير الكاتينة بيتغر علي٤٠ الف او تقريبا ٣سنين جيتس نوع كويس تمنه حوالي ٦٠ وفيه الاصلي حوالي ١٦٠
بوجيهات ngk رقمها bpr6ens
زيت الماتور فيه شيل وفيسكو انا مجرب فيسكو ٣٠٠٠ وكويس وفيه انواع كتير
زيت الفتيس بيتغير في موبيل وممكن تكشفي عليه لو ناقص تزوديه

2. أنا إذاي أعرف إن سير الكتينة محتاج يتغير؟ أنا لم أحسب عدد الكيلومترات لأن لم أغيره منذ أن إشتريت السيارة و بصراحة خايفه أحسن يتقطع و الماتور يبوظ.؟....

من الافضل تغيير سير الكاتينة طالما حضرتك مش عارفه اتعمل بيه كام الف كيلو



3. أيه أفضل نوع سير كاتينة و بكام ؟ برجاء أسعار حديثة

سعر سير الكاتينة لا يتعدى 70 جنيه والسيور بتبقى كورى

4. يعني أيه بوجيه 2 شمعة؟ و كيف يختلف عن البوجيه واحد شمعة؟ و هل بالنسبة لسيارتي أركب 2 شمعة و لا واحد شمعة؟


البوجيه الـ 2 شمعة بيبقى اداءه اقوى واحسن فى الاشتعال لكن
الافضل للعربية اللانوس البوجيه الـ 1 شمعة وافضل انواعه ngk او denso وده كلام خبراء اللانوس هنا


5. كنت عايز أغير زيت ماتور و بعدين فيه زيت اسمه زيت معدني و زيت أخر اسمه زيت تخليقي..انا أول مرة أسمع المصطلحات دي...ايه الفرق بينهم.....و ايه النوع المناسب لسيارتي؟

الزيوت فيها منها العادى اللى هو موبيل و شيل اما الافضل هو الزيت التخليقى طبعا بس بيكون
اعلى فى السعر شوية عن بقية الزيوت العادية


6. كيف يتم تغيير زيت الفتيس في عربيتي؟ هل هناك فتحة ما لسكب الزيت القديم و فتحة أخري لإضافة الزيت الجديد؟


زيت الفتيس ممكن عامل البنزينة وهو بيغيرلك زيت الموتور ياخد مقياس زيت الفتيس فى البنزينة

المشاركة الأصلية كتبت بواسطة mmamdouh

البوجيهات ال 2 و 3 و 4 شمعة مبتفرقش فى الاداء

mmamdouh

امال ايه الفكره انه فيه بوجيهات 2 و3و4 شمعه اذا مابتفرقش في الاداء

اعملى الصيانة بتاعتك عند المهندس هانى دة راجل محترم جدا وعندة صنايعية ممتازة في المركز بتاعة وهو هيدلك على انسب قطع الغيار واسعارها
وهو قريب منك في جسر السويس عند حديقة بدر انا بعمل صيانتى عندة وبروحلة من القاهرة الجديدة
وممكن تبعتى لة أسئلة على الموضوع بتاعة ويرد عليكى لو مش عايزة تروحيلة
دة الموضوع بتاعة
http://www.nilemotors.net/Nile/28764...r-enghany.html