مش عارف اعمل داونلود في ام البلد دي -_-

**Bassem Youssef** · 30-08-2014 04:45 AM

انا عندي خط 2 ميجا من TE data

و بدفع 250 جنيه كل شهر

ليه ؟ عشان يتحرق دمي -_-

كل شويه النت يقطع

و الجمله القذره عند خدمه العملاء

اعمل ريستارت للراواتر

برضه مفيش فايده

كل شويه خط التليفون فيه مشكله

و اجيب بتوع الصيانه و برضه مفيش فايده

اقدم علي خط تاني و اقول مش مشكله

برضه نفس المشاكل

اروح كافيه نضيف لوحدي بليل

الداونلود رايح في داهيه

اروح لقرايبي عشان عندهم خط 2 ميجا برضه

نفس النظام

طب اعمل دانلود فين في ام البلد دي -_-

**J A G U A R** · 30-08-2014 04:48 AM

عندى خط 1 ميجا لواحدى وتي داتا برضه وشغال زى الفل

**islam_lee** · 30-08-2014 05:28 AM

بوووووووص يا باشا ..
ساعات سعات .. "مش بتاعت صباح" ,,
في لأنواع روتر .. حساسه شويه للأشاره الضعيفه الناتجه أحياناً عن التوصيل البلدي لسلك التلفون..
أو بتسخن و تهنج بالأخص في حاله تشغيل الـ wifi <<
فأنا عملت إيه أخر ما حبيت أريح نفسي ..
1- جبت مكوه لحام و قصدير ..
و لحمت السلك بعد ما قصيته و وضبته و لفيته على بعض بالقصدير و عزلته بمسدس الشمع ..
2- أشتريت مروحه بتشتغل على الـ 220v .. عامله زي مروحه الكمبيوتر و حطيتها قدام الروتر ,,

و النتيجه تحميل زي الفل .. و من فتره لفتره غير الأسبليتر لأن كل ما في و من في مصر بيضرب بعد شويه ,,
و لو عايزني أرفعلك صور الجريمه إلي أنا عاملها أرفعلك الصور ,,

**the lawyer** · 30-08-2014 08:49 AM

مأسااااااااااااااااة
نفس مأساتي بس الحمد لله السرعة بقالها اربع ايام زي الفل ... انا حملت لعبة امبارح سرعة داونلود 400 ك بايت في الثانية

**hany63** · 30-08-2014 09:19 AM

طب ما تقلب على نظام طلقه سرعة ٨ ميجا و سعة تحميل ٤٠ جيجا و بيتعمل عروض باستمرار بتبقى ٨٠ جيجا في الشهر بنفس التكلفه ١٥٠ جنيه
انا بنزل الجيجا في ١٣ دقيقه

**Ahmed abdkarim** · 30-08-2014 11:10 AM

سرعة الداونلود الحقيقية بتبقى اقل كتير من اللى المفروض الخط يديها يعنى انا النت عندى 4 ميجا المفروض يدينى داونلود 1024 بيدينى داونلود 400 كب / ث

**lena jo** · 30-08-2014 11:43 AM

انا كان عندي مشكلة ان النت بيفصل كل شوية و اتصلت ب تي اي داتا و قالوا ان الخط سليم و مفيش مشكلة و جبنا بتاع التليفونات و غيرنا السلك و السبليتر و مفيش فايدة. في الاخر سمعت اقتراح و طلع فعلا هو السبب ان الراوتر ممكن يكون بيسخن فيفصل لو اشتغل بدون توقف لفترة. و ده حصل. الحل مروحة زي بتاعة الكمبيوتر ممكن من راديو شاك بتكون بسلك و تتوصل بالكهرباء و كمان فيه نوع بعرض قاعدة اللاب توب و تتوصل باللاب توب ب يو اس ب بدل الفيشة. انا عندي واحدة للاب تحته و التانيه تحت الراوتر و فعلا من ساعة ما حطيتها مبيقطعش. اسأل في راديو شاك و شوف النوع اللي يناسبك