اكسنت rb 2015 نزل فيها ايموبلايزر

**hossamelsaqqa** · 01-09-2014 05:24 PM

المشاركة الأصلية كتبت بواسطة mora_farahat

يا جماعه ياريت حد يفيدنا الاكسنت 2015 نزل فيها ايموبلايزر فعلا ولا ايه عشان التوكيل والمعارض بيقولوا ان موديلات 2015 بقى فيها فعلا

طبعا فيها ايموبليزر يا باشا .. وموجود فى كل فئاتها كمان وأدى البروشور بتاعها أهه

**memo823000** · 02-09-2014 03:55 AM

ومن غير بروشور
كل فئات الهيونداى
I10
اكسنت
النترا
Ix35
كلها بقى فيها ايموبلايزر
والكيا بانواعه
بيكانتو
سول
سيراتو
كارينز
اسبورتاج
برده بقى فيهم ايموبلايزر

**baherhassan30** · 02-09-2014 07:50 AM

المشاركة الأصلية كتبت بواسطة batman372

معرفه لسه شارى تانى فئه اوتو ٢٠١٥ الى فيها فتحه سقف فقط ب ١٢٩ و مفيهاش ايموبيلايزر !!!
دى الالنترا ٢٠١٥ ما فيهاش ... حينزل فى ال ار بى ؟؟ غلطه كبيره من الوكيل ...
راى تشوف الكيا الريو ... افضل ...
تحياتى ...

الايمبوليزر نزل في الالنترا من منتصف 2014

**mora_farahat** · 03-09-2014 12:09 PM

شكرااا ليكم ياجماعه والأكسنت rb نزل فيها ايموبلايزر فعلا

**ahmedgamal2285** · 10-09-2014 09:39 PM

المشاركة الأصلية كتبت بواسطة iso man

يا جماعه الناس اللي شارياها وبتقول مفيهاش دي بتقول كده ازاي ؟؟؟
انا جايبها وفيها ايموبلايزر !!
ولما بحط المفتاح علامة الايموبلايزر بتنور في التابلوه ثواني وتطفي تاني زي ما مكتوب في الكتالوج عادي جدا

مساء الخير على حضرتك وعلى كل الناس اللى فى نايل موتورز
انا متابع مواضيع قسم هيونداى وعايز نصيحه
انا الحمدلله حجزت هيونداى اكسنت 2015 تانى فئه فتحه سقف
زى اللى مع حضرتك تمام وهاستلمها ان شاء الله الاسبوع الجاى
مبدئيا دى اول عربيه ليا وانا مش بتاع جرى وشد والكلام ده انا عاوز عربيه محترمه وشياكه ووقت ما احتاجها ماتكسفنيش
عموما انا اكون شاكر ليك وللاعضاء لو قولتولى ايه العيوب اللى ممكن تقابلنى وايه اللى المفروض اخد بالى منه وانا باستلم العربيه واخبار التكييف ايه - وايه اللون بتاع عربيه حضرتك عشان انا حاجز الاسود بس فى ناس بتقولى بلاش عشان الشمس وكده ومش هايبقى عملى
مع العلم ان انا معنديش خبرة فى العربيات خالص يعنى من الاخر لو العربيه فيها صوت مثلا انا تقريبا مش هاخد بالى منه
انا باقول كده عشان باشوف الاعضاء ماشاء الله عليهم تقريبا مابيعملوش حاجه ان هم يتصنتوا على الاصوات اللى بتطلع من العربيه
باحس ان الاعضاء هنا بتركب العربيه مش عشان تسوق لا عشان تتصنت

**Iso Man** · 11-09-2014 12:18 AM

مساء النور يا باشا

اولا الف مبروك مقدما ..

انا هكلمك بصراحه .. انا دي اول عربيه ليا برضه جبتها لون فضي علشان نفس الحوارات اللي هي الشمس والحراره والتراب اللي في كل حته ...
انا مليش في العربيات اطلاقا الصراحه علشان اقدر احكم ... بس كل اللي اقدر اقوله انك لو تقدر تجيب عربيه فيها abs يكون افضل الصراحه ... افضل بكتير جدا ... جدا جدا جدا
لو المبلغ هيكفي وتقدر تجيب عربيه اعلى يكون افضل ولو حتى تجيب الهاي لاين من الاكسنت اللي ب 140 الف يكون افضل طبعا ...
كوجهة نظر عامه هي العربيه كويسه معايا لحد دلوقتي الحمد لله ... ماعدا كام صوت في الصالون مش عارف جايين منين الصراحه لسه هسال عليهم في صيانة 5000 الجايه ان شاء الله وهحاول اعملهم مشكله علشان اغير المساعدين في الضمان زي ما كل الناس عملت وبتقول ان العربيه بقت افضل بكتير .. هي بتحك معايا لما اكون محمل اتنين تقال او تلاته ورا
والتكييف في الايام الحر قوي مش بيبقا كويس قوي خصوصا مع الناس الي راكبه ورا بتعاني لان مفيش فتحة تكييف ليهم
لكن غير كده العربيه كويسه الصراحه والحمد لله

**MR A7MED** · 11-09-2014 11:18 PM

الألنترا او الأكسنت من اول6/2013 كل الفئات فيها ايموبلايزر يا باشا
عربيتى النترا 2014 فيها وعربيه صاحبى اكسنت 2014 نفس الكلام فيها ايموبلايزر

**zeko1915** · 12-09-2014 07:18 AM

لو سمحت عايز مساعده ضرورى العربيه موديل 2015 بتنزيل بالمسعادين الجداد ولا لسه المساعدين بتوعها خفاف؟

**ahmedgamal2285** · 13-09-2014 12:09 AM

المشاركة الأصلية كتبت بواسطة iso man

مساء النور يا باشا

اولا الف مبروك مقدما ..

انا هكلمك بصراحه .. انا دي اول عربيه ليا برضه جبتها لون فضي علشان نفس الحوارات اللي هي الشمس والحراره والتراب اللي في كل حته ...
انا مليش في العربيات اطلاقا الصراحه علشان اقدر احكم ... بس كل اللي اقدر اقوله انك لو تقدر تجيب عربيه فيها abs يكون افضل الصراحه ... افضل بكتير جدا ... جدا جدا جدا
لو المبلغ هيكفي وتقدر تجيب عربيه اعلى يكون افضل ولو حتى تجيب الهاي لاين من الاكسنت اللي ب 140 الف يكون افضل طبعا ...
كوجهة نظر عامه هي العربيه كويسه معايا لحد دلوقتي الحمد لله ... ماعدا كام صوت في الصالون مش عارف جايين منين الصراحه لسه هسال عليهم في صيانة 5000 الجايه ان شاء الله وهحاول اعملهم مشكله علشان اغير المساعدين في الضمان زي ما كل الناس عملت وبتقول ان العربيه بقت افضل بكتير .. هي بتحك معايا لما اكون محمل اتنين تقال او تلاته ورا
والتكييف في الايام الحر قوي مش بيبقا كويس قوي خصوصا مع الناس الي راكبه ورا بتعاني لان مفيش فتحة تكييف ليهم
لكن غير كده العربيه كويسه الصراحه والحمد لله

الف شكر على ردك
انا غيرت اللون وهاخد السيلفر أن شاء الله
بس انا تحركاتي بالعربيه مش كتير وغالبا مفيش حد هايبقي معايا غير المدام وبس
عشان كده انا حاسس أن مش هايبقي في مشاكل
بس ايه موضوع المساعدين اللي الناس كلها بتتكلم عليه ده؟

**ayam7** · 15-09-2014 09:30 PM

تاكيد من الوكيل فرع بورسعيد ان أكسنت 2015 مفيش فيها إيموبليزر غير فى اعلى فئة وإتكلمنا فى ان جميع الفئات فى البروشور موجود فيها قالوا دى مواصفات الشركة الام وشكلها كدة غبور عدل عليها