الموضوع: سيات ليون الفئة التانية ولا سيات توليدو هاي لاين ولا سوبارو امبريزا و كلهم ٢٠١٤

المشاركة الأصلية كتبت بواسطة eme5599

أنا قعدت فترة طويلة محتار بين عربيات كتير و في فئات سعرية كتير
و في الآخر حصرت أختياراتي في تلاتة
ليون تاني فئة ب 173 ألف
سي 4 ب 179 ألف
امبريزا هاي لاين ب 195
أنا في الآخر حطيت شرط لنفسي أن العربية يبقى فيها esp و 6 أيرباج "و ده بقى الاستاندرد من فترة طويلة في البلاد المحترمة"
التيويوتا أوريس بتحقق الشرط ده برده

أنا عن نفسي هستبعد التوليدو عشان وسائل الأمان مع أن المساحات الداخلية في صالحها بشكل كبير

الحاجات الرئيسية إللي تمييز الليون عن الامبريزا
1- الموتور ال tsi
2- الفتيس ال dsg "و ده ممكن يحسب عليها لو حصل فيه مشاكل بس بصراحة لما جربته اختررررراع :)"
3- هتوفر 22 ألف لو بفكر في الامبريزا الهاي لاين

الحاجات الرئيسية إللي تمييز الامبريزا عن الليون
1- awd
2- boxer engine
3- عفشة مالتي لينك "مش متأكد"

على فكرة من الحاجات إللي لاحظتها و أنا بتفرج على الامبريزا ان ارتفاعها عن الأرض قليل و مع أن الليون واطية برده بس أعتقد مش زي الامبريزا و برده حكت مني مرتين في ألفين كيلو

أنا أختياري الشخصي كان ليون

الف مبروك يا باشا و ربنا يديك خيرها و يكفيك شرها؛ انا ان شاء الله شكلي هاحصلك بس قولي بتعمل ايه في البنزين! لازم ٩٥ علي حسب كلام الشركة

المشاركة الأصلية كتبت بواسطة eng f3lix

حضرتك مدام اخترت الاختيارات دي تبقي راجل ركيب وعايز تستمتع .. صوتي للامبريزا

يا باشا ده من ذوقك :) انا فكرت في الامبريزا عشان الثبات بس اللي ممكن يخليني اجيب الليون الاوبشنز الاعلي. مع العلم ان الليون فيها ثبات عالي بردو جربته في التيست درايف

المشاركة الأصلية كتبت بواسطة Yusefabouelnga

انا لو مكانك اجيب الليون بعيدا عن الخوف من الفتيس عشان الصراحه عربيه تحفه !
السوبارو عربيه جميله طبعا بس قوه الموتور مش اوي و لو فكرت تبيع حتخسر جامد اوي و كمان توكيل مش حلو و فروعوه قليله جدااا لاكن كثبات عربيه جامده اوي
التوليدو عربيه واسعه جدا و حلوه لو محتاج المساحه ديه و خصوصا شنطتها االمساحتها 550 لتر تقريبا و كمان فتيس 6سرعات مش dsg بس عربيه كسحب و كمليات و شكل مش حلوه خالص زي الليون !
الليون حلوه انها 1200tsi و ده بيديها سحب جميل لانه 175 نيوتن متر دفع يعني اكتر من اي عربيه 1600ccو كمان استهلاك بنزين قليل اوي و الفتيس بعيدا عن المشاكل السمعت عنها هو اختراااع لو بتحب الجري و كمان شكلها حلو اوي و خصوصا باليدات و فتحه السقف البنوراما و تبلوه حلو اوي بس بحس ان فيه بلاستيك كتير .
و في الأخر ده اختيارك و العربيه الي تريحك جيبها و العربيه بتنادي علي صاحبها . D:

انت صح فعلاً الليون بتنده عليا ربنا يكرم هاكلم السيلز اللي في التوكيل و اسأل علي ال ٢٠١٥

يا جماعة متشكر جداً علي الردود و مستني ان شاء الله تفاعلات و ردود من باقي الاعضاء :)

المشاركة الأصلية كتبت بواسطة mohamed_hanafi

الف مبروك يا باشا و ربنا يديك خيرها و يكفيك شرها؛ انا ان شاء الله شكلي هاحصلك بس قولي بتعمل ايه في البنزين! لازم ٩٥ علي حسب كلام الشركة

بص يا باشا
لما كنت بعمل تست درايف بتاعت السالز قالت لي بيتحطلها 92 "بس أنا مقتنعتش بكلامها و كان بالتسبالي كلام بياعين"
في منوال العربية و على غطى التانك مكتوب 95

و رغم كده انا فولت حوالي 4 أو 5 مرات كان منهم مرة واحدة بس 95 :)
معرفش بصراحة 92 هيأثر على الماتور على المدى البعيد ولا لأ. و معرفش هل العربيات إللي بتنزل مصر بيظبطوا الماتور عشان يشتغل ب 92 ولا لأ

بس أنا لما حسبتها بمتوسط استهلاكي لقيت أن 92 هيوفرلي حوالي 5000 كل سنة "رقم معتبر جداً"

في المرة إللي فولت 95 حسيت بفرق في الأداء. بس الفرق ده مش هتحس بيه طول ما أنت ماشي بهدوء. الفرق بيبان لما تقرص على العربية و تعمل كيك داون، ساعتها بتحس بفرق ملحوظ مع 95

المشاركة الأصلية كتبت بواسطة eme5599

بص يا باشا
لما كنت بعمل تست درايف بتاعت السالز قالت لي بيتحطلها 92 "بس أنا مقتنعتش بكلامها و كان بالتسبالي كلام بياعين"
في منوال العربية و على غطى التانك مكتوب 95

و رغم كده انا فولت حوالي 4 أو 5 مرات كان منهم مرة واحدة بس 95 :)
معرفش بصراحة 92 هيأثر على الماتور على المدى البعيد ولا لأ. و معرفش هل العربيات إللي بتنزل مصر بيظبطوا الماتور عشان يشتغل ب 92 ولا لأ

بس أنا لما حسبتها بمتوسط استهلاكي لقيت أن 92 هيوفرلي حوالي 5000 كل سنة "رقم معتبر جداً"

في المرة إللي فولت 95 حسيت بفرق في الأداء. بس الفرق ده مش هتحس بيه طول ما أنت ماشي بهدوء. الفرق بيبان لما تقرص على العربية و تعمل كيك داون، ساعتها بتحس بفرق ملحوظ مع 95

ربنا يباركلك فيها يا رب و يديك خيرها و يكفيك شرها ان شاء الله :)

المشكلة بقي دلوقتي اني كلمت التوكيل و الفئة التانية ٢٠١٤ مش موجودة و مش هاتنزل علي حسب كلامه المصنع وقف انتاجها خلاص عشان ٢٠١٥ نازله

و ٢٠١٥ هاتنزل اول فئة و هاي لاين بس و هما هما نفس الاوبشنز مش هايبقي فيها حاجة زيادة و كمان متوقع ان الهاي لاين تنزل ب ٢٢٠ الف و الفئة الاولي مقارنة بالفئة التانية تعتبر مافيهاش حاجة

كان فيه شاب في التوكيل قاللي انت حطيلها ٩٢ بس من وطنية عشان ده انضف بنزين و ممكن يفرق معاك و تحس بيه و انت سايق العربية و كل ٣ او ٤ تفويلات كده حطلها مرة ٩٥

عموماً كده انا هاستني بقي موديلات ٢٠١٥ و اشوف هما ناويين يعملوا ايه يمكن ساعتها اعرف الاقي واحدة كسر زيرو او الاقي معرض مدكن واحدة في المخزن و ربنا يستر

المشاركة الأصلية كتبت بواسطة mohamed_hanafi

ربنا يباركلك فيها يا رب و يديك خيرها و يكفيك شرها ان شاء الله :)

المشكلة بقي دلوقتي اني كلمت التوكيل و الفئة التانية ٢٠١٤ مش موجودة و مش هاتنزل علي حسب كلامه المصنع وقف انتاجها خلاص عشان ٢٠١٥ نازله

و ٢٠١٥ هاتنزل اول فئة و هاي لاين بس و هما هما نفس الاوبشنز مش هايبقي فيها حاجة زيادة و كمان متوقع ان الهاي لاين تنزل ب ٢٢٠ الف و الفئة الاولي مقارنة بالفئة التانية تعتبر مافيهاش حاجة :t_thum1[1]:

كان فيه شاب في التوكيل قاللي انت حطيلها ٩٢ بس من وطنية عشان ده انضف بنزين و ممكن يفرق معاك و تحس بيه و انت سايق العربية و كل ٣ او ٤ تفويلات كده حطلها مرة ٩٥

عموماً كده انا هاستني بقي موديلات ٢٠١٥ و اشوف هما ناويين يعملوا ايه يمكن ساعتها اعرف الاقي واحدة كسر زيرو او الاقي معرض مدكن واحدة في المخزن و ربنا يستر

بص يا باشا
دور في المعارض المعتمدة كويس ممكن تلاقي الفئة التانية.

أنا لما جيت أحجز من التوكيل قالوا لي أن الدفعة إللي جاية بعد عشر أيام كل الفئة التانية إللي فيها محجوز و مفيش غير هاي لاين و لو عاوز تحجز الفئة التانية هستنى الدفعة إللي بعدها يعني أكتر من شهر و كمان مكنش في اللون إللي عايزة و أنا مكنش ينفع أستنى عشان كنت قاعد من غير عربية

مسكت كل المعارض المعتمدة و المعارض الكبيرة زي القرش و ريان و لفيت عليهم بالتليفونات. المعرض إللي الوحيد إللي حسيت معاه بالجدية أنه هيقدر يجيبلي العربية كان بي أوتو. رحتلهم و حجزتها و جت في أقل من أسبوعين. يعني نفس الدفعة إللي الوكيل قلي كل الفئة التانية محجوزة فيها و كمان خدت اللون إللي عايزة. هما كانوا عايزين ياخدوا 175 و خلصت على 174

المعارض المعتمدة بيبقى كل واحد منهم ليه عدد معين من العربيات في كل دفعة. فعادي أنك تلاقي عربيات التوكيل كلها محجوزة و تلاقي معرض تاني لسة عنده ستوك أو العكس.

المشاركة الأصلية كتبت بواسطة eme5599

بص يا باشا
دور في المعارض المعتمدة كويس ممكن تلاقي الفئة التانية.

أنا لما جيت أحجز من التوكيل قالوا لي أن الدفعة إللي جاية بعد عشر أيام كل الفئة التانية إللي فيها محجوز و مفيش غير هاي لاين و لو عاوز تحجز الفئة التانية هستنى الدفعة إللي بعدها يعني أكتر من شهر و كمان مكنش في اللون إللي عايزة و أنا مكنش ينفع أستنى عشان كنت قاعد من غير عربية

مسكت كل المعارض المعتمدة و المعارض الكبيرة زي القرش و ريان و لفيت عليهم بالتليفونات. المعرض إللي الوحيد إللي حسيت معاه بالجدية أنه هيقدر يجيبلي العربية كان بي أوتو. رحتلهم و حجزتها و جت في أقل من أسبوعين. يعني نفس الدفعة إللي الوكيل قلي كل الفئة التانية محجوزة فيها و كمان خدت اللون إللي عايزة. هما كانوا عايزين ياخدوا 175 و خلصت على 174

المعارض المعتمدة بيبقى كل واحد منهم ليه عدد معين من العربيات في كل دفعة. فعادي أنك تلاقي عربيات التوكيل كلها محجوزة و تلاقي معرض تاني لسة عنده ستوك أو العكس.

متشكرين يا باشا علي المعلومات القيمة ديه