لو الكلام ده صح ..يبقى بنزين 80 مش هيعمل مشكلة مع أي عربية إنجيكشن

دلوقتي أنا خدت بالي إن فيه عربيات إنجيكشن كتير فيها إسبراتير :tumb:..

طيب ما كده مشكلة البنزين 80 إتحلت أهي:what: ..

ما هي مشكلة بنزين 80 كانت في نسبة الإنضغاط بتاعته ..واللي كانت بالتبعه بتعمل فرق في توقيت الإشتعال الخاص بشمعة الإحتراق..وهو ده اللي كان بيعمل تسقيف أو سكعه في السحب بتاع العربية:36_1_40[1]: ..لكن بوجود الإسبراتير تبقى العربيه زيها زي أي عربيه كربراتير بالضبط ..نأخر ونقدم الكهربا لغاية ما نضبط توقيت الإشعال طبقا للبنزين المستخدم:shine[1]: ..ووقتها ..مفيش تسقيف ..مفيش سحب ضعيف ..ده طبعا مع ضمانة نظافة البنزين:_Alshmokh15[1]:

أنا عايز حد يأكدلي المعلومة دي ..لإن أنا شايف إنها علميا مفيهاش مشاكل وقابله للتطبيق

علمياً صح
أدبياً مفيهاش مشاكل لو ضمنت إن البنزين إللى هيوصل للرشاشات نضيف و مش هيسده , و الكلام ينطبق على جميع أنواع البنزين المصرى مش 80 بس (الرواسب من خزانات البنزينات نفسها مش من البنزين)

عملياً: كنت بأفول و شوفت كرولا 2103 بتحط بنزين 80 و استعجبت لحد الإستغراب, بس المدهش إن العربية مشيت عادى خالص و لا كإن فيه أى مشكله, ربنا يبارك لصاحبها

كلام صح
بس المشكلة إنك تكون ضامن إن البنزين نفسه نضيف و المشكلة التانية إنه مش متوفر زي ال92،95

الله ينور يا رجالة المنتدى على الكلام:tumb: ..يبقى دلوقتي بقت المشكلة هي ضمانة نظافة البنزين 80 ..بس في حاجه بالنسبة للكورولا 2013 ...هي الكورولا 2013 فيها إسبراتير ؟؟..أصل أنا وجهة نظري اللي حضراتكوا أكدوها مبنيه على أساس إن في إسبراتير نقدر نرجلش منه الكهربا..لكن الكورولا متهيألي بمشط ..يعني من غير إسبراتير

السيارات الحديثة فيها حساس اسمة (knock sensor)حساس الصفع وهو المسئول عن تعديل ميعاد الاشتعال وسوف يقوم تلاقيا بتعديل توقيت الاشتعال طبقا لرقم الاوكتان ولكن علي المدي البعيد سوف يكون لة تاثير علي ماتور السيارة وطلمبة البنزين والرشاشات .

انا حطيت 80 مرة واحدة وعدت ومحستش باى فرق بينه وبين ال92 اللهم الا انه قعدد فترة كبيرة اكتر من ال 92
والموضوع فى توقيعى

بصراحة بتصعب عليا احط ٨٠

حصلت معايا امبارح والراجل فول العربية بس تقريبا كان فيها 10 لتر 92
لقيتة بيحاسبنى على 42 جنية استغربت جدا وقولت يمكن ماملهاش للاخر
انا مقلق انى امشى بية وكنت عاوز اروح افضية ومش عارف اعمل اية وخايف يأثر على حاجة ..

هايضرب حساس الشكمان او حساس الاكسجين فى اى عربية انجكشن

لانه طير لي حساس الشكمان ب400ج
gm

وماناش شارية لاني مستكتر 400ج فى غلطة مني بايدي
وطير لي طقم الشنبر بتاع العربية بتاع الشركة الاصلي و جبت واحد استيراد بالمسطرة بالعافية

هو كويس بس للي لسه مستخدمة بعد ال92

بعد ما العربية هاتخد عالـ80

هاتخرب لك اجزاء معدودة فى العربية الانجكششششششن
اى عربية كاربراتير اللهم بي ام او اوكتافيا

هتبقي عسل معاك ولا اى مشكلة
لانه نظام حدافات مش رشاشات نازلة علي راس البيستون

وكفاية صوت السوك او التصقيفة بلغه الميكانيكية
سكسكسكسكسكسكسكسك
او
ككككككككككككككك

فى دوسة البنزين اوتو او مانوال
الصوت دة لو سمعته و انت حاطط 80 مضطر ابقي شيل رجلك وانت عالسريع او جوة البلد عشان ماتطيرلكش
السبايك الي ماسكة فى بيل البساتم

مفيش 92 فى البلد و عاوز تروح شغلك و مش عاوز تاخد المشوار تاكسي
حط 80 بتاع 10لتر بس او اقل
وهو مش بيطير بسرعة زي ال92

وحط رفع اوكتان
ولما تفول ال92

شغل التكيف و هدر فى ال80 الى فى التانك عشان تحط92 علي نظافة وال92 كفيل انه ينظفلك التانيك بمجري خراطيم البنزين من التانك للطرمبة للرشاش لراس البستم

علي فكرة انا حطيت فالايمي جراند 80 وتفويلة كاملة وسافرت بيها كمان وملقيتش فرق غير فالسحب بتاع العربية ودة خسيتة لما حطيت 92 تاني

بردوا انا بحس ان المشكلة الاكبر
فنظافة البنزين والخزانات والبنزينة نفسها
الي محدش منها بيضمن هل 80 فعلا ولا كله شوائب فقط

البنزين ال 80 فعلا لما يكون نظيف بيبقى ملهوش حل

قبل كده حطيت منه فى اللانوس كنت حاسس انى حاطط 95 ومكنش فى تسقيف

اقتباس:

---

المشاركة الأصلية كتبت بواسطة j a g u a r

البنزين ال 80 فعلا لما يكون نظيف بيبقى ملهوش حل

قبل كده حطيت منه فى اللانوس كنت حاسس انى حاطط 95 ومكنش فى تسقيف

---

أيو ه ه ه ه ..أنا عايز بقى أحط بنزين 80 نضيف ..حطيت إزاي بقى بنزين 80 نضيف ..يعني ببساطه كده ..عملتها إزاي ؟؟

اقتباس:

---

المشاركة الأصلية كتبت بواسطة m_m_sh_a

أيو ه ه ه ه ..أنا عايز بقى أحط بنزين 80 نضيف ..حطيت إزاي بقى بنزين 80 نضيف ..يعني ببساطه كده ..عملتها إزاي ؟؟

---

لو محطه بنزين نظيفه هتلاقي فيها بنزين نظيف وممكن تعرفه بريحته كمان
والفرق بيبقى ملحوظ

انا جربت البنزين 80 والبنزين 92 وجربت الخلط بينهم طبعا 92 افضلهم يكفي ان صوت الموتور بيكون ناعم وهادي و العربية لا بتسقف ولا بتخاف على الرشاشات انها تنسد ولا بتقصر في عمر الموتور علاوة على ان البنزين 80 فيه رواسب بتخرم التانك ويتترسب على البوابة وتخليها تقيلة وسرعة تآكل في البساتم .. يا جماعة مصايب البنزين 80 كتير ريح دماغك واشتري راحتك

بيبوظ حساس الاكسجين
وطبعآ بيأثر فى السحب بشكل ملحوظ

اقتباس:

---

المشاركة الأصلية كتبت بواسطة super_star_h

بيبوظ حساس الاكسجين
وطبعآ بيأثر فى السحب بشكل ملحوظ

---

بيبوظ حساس الأكسجين ..ودي إتحلت بموضوع تأخير الكهربا أو تقديمها من خلال الإسبراتير

بيأثر في السحب بشكل ملحوظ ..دي حلها إنك تشوف بنزين 80 نضيف زي الإخواه الأفاضل ما أفادو

اقتباس:

---

المشاركة الأصلية كتبت بواسطة m_m_sh_a

بيبوظ حساس الأكسجين ..ودي إتحلت بموضوع تأخير الكهربا أو تقديمها من خلال الإسبراتير

بيأثر في السحب بشكل ملحوظ ..دي حلها إنك تشوف بنزين 80 نضيف زي الإخواه الأفاضل ما أفادو

---

اقتراح كدة عبيط مش عارف ينفع ولا لا
هو ينفع وانا بفول العربية احط مثلا قماشة بيضة نضيفة بين التانك والمسدس ؟؟
على اساس ان البنزين لو فى شوائب القماشة دى تمنعها من دخول التانك
كأنك بتصفى المية مثلا بقماشة علشان ميبقاش فيها رواسب او حاجة
انا كنت بعمل كدة فى مية التكييف لما اجى احطها فى العربية
كنت بصفيها من اى شوائب جواها بقماشة بيضة
فهل الحل دة ينفع ولا يبقى ضياع وقت ؟؟؟
وهل عامل البنزينة يرضى بحاجة زى كدة ولا يقول عنى عبيط :d

اقتباس:

---

المشاركة الأصلية كتبت بواسطة a.roushdy

اقتراح كدة عبيط مش عارف ينفع ولا لا
هو ينفع وانا بفول العربية احط مثلا قماشة بيضة نضيفة بين التانك والمسدس ؟؟
على اساس ان البنزين لو فى شوائب القماشة دى تمنعها من دخول التانك
كأنك بتصفى المية مثلا بقماشة علشان ميبقاش فيها رواسب او حاجة
انا كنت بعمل كدة فى مية التكييف لما اجى احطها فى العربية
كنت بصفيها من اى شوائب جواها بقماشة بيضة
فهل الحل دة ينفع ولا يبقى ضياع وقت ؟؟؟
وهل عامل البنزينة يرضى بحاجة زى كدة ولا يقول عنى عبيط :d

---

ياباشا العفو ..متقولش على إقتراحاتك عبيطه..مهما إن كانت الفكره غريبه ..تتناقش إيه المشكلة

بالنسبه بقى للفكره نفسها فأنا أعتقد إن إندفاع البنزين من مسدس البنزين هيفوق كمية البنزين اللي نازله من الفلتر القماش للتنك اللي حضرتك عاوز تعمله ..وده هيؤدي إن البنزين هيفيض بسرعة ويطلع من الزور ويقع على الأرض ..وخصوصا لو كان الزور في عربية من النوع الصغير ..ده بخلاف إن عامل البنزينه مش هيخليك تعمل تجربه زي دي أصلا لإنها هتعطله ..وهو مش هيضمن نتايجها ..لكن ممكن تعديل الفكره إنك لو تقدر تاخد البنزين في عبوه منفصله ..زي جركن مثلا أو تانك ..ولما تروح البيت تصفيه بمعرفتك ..ممكن وقتها تبقى الفكره مجديه