لسه مشتري فيرنا و عندي حبه اسئله

**fady911x** · 25-10-2008 12:06 PM

هو الصراحه ده نفس اللي اتقلي من مندوبين المبيعات اللي باعولي العربيه في التوكيل
بس الكوميديا بقي انه طلع في سينسور بيحس لما العربيه تتهز او تتخبط
انا جربته بنفسي
لما بهز العربيه او اخبطها جامد بايدي بيشتغل
و تقريبا مندوبين المبيعات مكانش عندهم اي فكره عن الموضوع ده و يظهر انه ده تعديل في موديل 2009 و مخادوش عليه تدريب
بس المشكله في السينسور ده انه مش قوي اوي زي ما فهمت من بتوع الصيانه بتوع غبور بس اللي هيجنني انه تقريبا بيشتغل لوحده من غير مبرر واضح و يصحيني من عز النوم
في حد قلي يمكن يكون حد فعلا خبط العربيه و هو ماشي شغله
او حد سند علي العربيه من قدام بس في اغلب المرات اللي كنت بلحق ابص فيها بسرعه علي العربيه مكنتش بلاقي حد عشان كده بدأت اشك في الموضوع
ايه رأيكم؟

**AMRVERNA** · 27-11-2008 09:13 PM

موتور الفيرنا يا ابو الكباتن 106 حصان واستهلاك البنزين داخل البلد عالى جدا لكن على الطريق بيقولوا اقتصادى بالنسبه لتغير الجير بوكس الى اوتوماتيك ده هيكون مكلف والفرق بين العربيه المانيوال والاوتوماتيك 10000 جنيه من الزيرو وبالنسبه للتعديل ممكن جنط كروم 15 وسوند سستم جامد وزينون

**lolita** · 28-11-2008 02:04 AM

هو فين السينسور موجود فى السيارة زز ارجوك رد عليا

**fady911x** · 28-11-2008 11:17 AM

لا السينسور ده طلع اشتغاله من بتاع الصيانه
طلع بس في زرار تحت غطي الكبوت هو اللي ملمس
الزرار ده معمول عشان لو حد فتح الكبوت
فلما حد يسند علي الكبوت جهاز الانذار يضرب عشان الزرار مهزوز
انا اكتشفت الموضوع ده لما فتحت الكبوت و دوست علي الزرار بأيدي
و قعدت اجرب افتح العربيه و اقفلها بالريموت و ارفع ايدي من علي الزرار و اشوف بيحصل ايه
و تقريبا لما عملت الحوار ده و دوست علي الزرار للأخر تقريبا كان عليه تراب و اتشال من الدوس فاتظبط لوحده :d
نفسي بقي اكلم بتاع الصيانه ده تاني
و اقله سينسور في ....

**fady911x** · 28-11-2008 11:20 AM

بس تتصوروا حاجه
موضوع السينسور ده كان مفيد اوي
لأني من ساعه ما صلحته
بقي كل شويه الاقي واحد و المزه بتاعته نايمين علي العربيه
تقلش سرير عمومي للي معندهوش سرير