الموضوع: طريق اسكندرية الزراعي

اوصل لطريق اسكندرية الزراعي ازاي عشان اروح طنطا يا جماعة
مع ملاحظة ان انا هتحرك من 15 مايو

وهل فيه طريق لطنطا غير الزراعي وقرفه ومطباته
ولو فيه اخده منين

حتاخد الدائرى الاتجاه بتاع التجمع و الهايكستب و مدينة السلام و حتفضل مااااااشى مع الطريق لا حتنزل ولا حتطلع
لحد ما حتلاقى اللوحات الارشاديه بتقولك بنها/اسكندرية فاضلها كذا كيلو و حاول من بعدها تاخد يمين عشان النزله بتاعت الزراعى و تعرف ان هى النزله الصح لما تلاقى على شمالك و انت نازل مبنى كبير وجهته ازاز و فيها رسم عربيات (ده توكيل غبور) و حتكمل مع الطريق عادى جدا لحد ما توصل لطنطا بس خلى بالك عشان فى كمين ف مدخل طنطا بيسحب الرخص على سرعة اكتر من 60 كم .... و توصل بالسلامه ان شاء الله