احسن تعليق سمعتة القانون معاك بس الشرع مش معاك
عمر السكان ما هيتفقوا على الفضيلة ويروحوا يزودوا الايجار بنفسهم
فى ناس مبسوطة ان الراجل مبيجيش ياخد ال 15 جنية
عرض للطباعة
احسن تعليق سمعتة القانون معاك بس الشرع مش معاك
عمر السكان ما هيتفقوا على الفضيلة ويروحوا يزودوا الايجار بنفسهم
فى ناس مبسوطة ان الراجل مبيجيش ياخد ال 15 جنية
لو عملت كده لوحدي لبقي خسر جيراني لبس انا مثلا معا ادفع غيري معهوش وصاحب البيت عندنا او الورثه طمعيني
والسبب اني مينفع ابداء الي وصل صاحب البيت لكده جارنا راح قله عايز املك الشقه التاني رفض يملكهالو وقاله ديه شقتي عايز تسبها سبها لكن انا مش هبيعها ونته مش قاعد في والشقه انا هخدها والله زي مبقولك ده الي حصل ورفض ياخد منه ايجار التاني طبعا قام رايح دفع الايجار في المحكمة عشان ميخسرش شقة طبعا صاحب البيت اتجنن ازاي يعمل معايا كده مفكرش ان هوا الي بتدا برفضه الايجار
من الحظه ديه صاحب البيت عمل ايه
..رفض يجي ياخد الايجار(كان اول السنه يجري ياخد) ورفض حد يوديلو الايجار كل شويه ان جاي اخدهم ولحد الوقتي مجاش ولا عايز حد يرحلو بقالو سنتين
..بيرفع قواضي علي الشقق الي صحبها مسافرين او فاضيه(كل سنه الي شقته فاضيه بيجي يقعد شهر الشقتين مسافرين)
كل ده عشان واحد طلب يملك الشقه مبالك لو انا طليت منه اعلي ايجار شقتي. هيعمل ايه في باقي الجيران
انا اعرف ناس والحمد لله انهم موجودين وسطنا,,,,, بعد اما ربنا فتح عليهم سابوا الشقه الايجار للمالك
اثنين من جيرنا راحو لصاحب البيت رفض ياخد الايجار بحجت معهوش الايصالات
بيقول انتو مجتوش دفعتو ليه من ٢٠١٢ مع انو هوا الي رفض حد يجيلو او يجي ياخد الايجار باي حجه
قالك النهارده محدش يجيلي انا هبقي اجي اخد الايجار ردو احنا هنجيلك بكره تكون جبت الايصالات وندفع للبيت كله قلهم لق اصل معرفش ظروفي قعدو يلحو بالادب قالهم بمنتهي التناكه تيجيبو ايجار البيتين قالو ماشي هنلمهملك نجيلك امته قالهم مش عارف ظروفي ايه قالو هنجيلك بكره قالهم هشوف اصل الوصولات مش عارف ايه والكلام ده فاكدو هيجيلو بكره
المهم
صاحب البيتين او الورثة ماشاء الله عندهم برجين ومعرض عربيات كبير وربنا فاتح عليهم من وسع وجي يبص لبيت ايجار قديم طمعان فيهم بعد لما ابوع بعهم زمان بالشئ الفلاني
ايه رائيكم
القانون ده من اهم اسباب انهيار العقارات فى مصر
يعنى لو بين ايجاره 100 جنيه فى الشهر صاحب البيت هيهتم ليه انه ينضفه او انه يرممه
الحل قانون فورى لارجاع الحق لاصحابه ويعمل فنرة انتقالية سنتين مثلا لكل ساكن انه يسيب المكان المؤجر
وبعدين فى ظل الضريبة العقارية لو بيت تمنه 2 مليون جنيه وايجاره الف جنيه فى السنة ياترى صاحبه هيدفع عليه ضريبة عقارية ازاى؟
ثم اذا كان الشرع قال حرام يبقى ما بنى على باطل فهو باطل والله اعلم
يا سيدى الله اعلم مين الظالم
بتفكيرى البسيط بعيدا عن الرأى الشرعى اللى اعتقد انه مش هيختلف كتير
هو واخد حقه من زمان ازاى ؟ هل هو اتفق معاك او مع الوالد ان الشقه تمليك بالقسط ؟ هل انت معتقد ان الشقه ايجار حتى لو كان 10 الاف جنيه انها لا تحتفظ بقيمتها وتزيد لمالكها ؟ حاول تتساهل وتاخد فى الشقه مبلغ يجبلك شقه تمليك (حتى لو اقل شويه بس تبقى ريحت نفسك وضميرك) وربنا يعوض على المالك او برضه فى حل تانى وشغال اليومين دول حاول تتساهل وتاخد شقه فى نفس المكان لو طلع برج وربنا يبارك فى بقيه الشقق للمالك.
وارجع واقولك منه لله اللى عمل قانون الايجارات القديم وعمل ازمه اسكان من 40 سنة
الجديد بقي ٦ من ٢٠ شقه الي هيدفعو ال١٤ يقولك لما يجي والي يقولك معناش هنعمل ايه والبيت التاني كله يقولك لما يجي
احنا السته اتفقنا علي نروح ونكلمه لو رفض ياخد مننا السته لبقي رحناله مرتين ورفض عملنا الي علينا وهنحطهم في العوايد
سبحان الله :)
يعني انتا مش عايز تعمل حاجة صح عشان ترضي ضميرك ...وبتقول انك هتخسرهم ...اووووووووم اية ...روحتلهم فهما معملوش اهتمام لحضرتك وال5 اللي معاك ومقلوش انهم هيخسروكوا وكدا ...ورفضوا يدفعوا اصلا الايجار ....
على كلام حضرتك بقي مكنش المفروض تروح لصاحب العمارة وتديلو الايجار عشان جيرانك مش يخسروك !!!!!
وبعدين مع احترامي يعني ...مايخسروني ولا ميخسرونيش ..طالما انا بعمل حاجة شايفها غلط وعشان ارضي ضميري وارضي ربنا ...اللي يتحرق يتحرق ...واديك شفت انتا بتقول عشان مخسرهمش ..وهما مرضيوش يجو معاك اصلا ولا يدفعوا ايجار اصلا ...معملتش زيهم لية بقي !!!!
هو كدة تقريبا صاحب البيت اعتقد والله اعلم مش راضى ياخد الايجار بالرغم من الالحاح لسبب فى نفسة لن يخرج عن انة يرفع قضية على السكان لاسترداد الشقق
مبدأيا لازم تروحولوا وتعرضوا الايجار المتأخر وتاخدوا انتم الوصلات (دى سهلة اى حد يكتب الصيغة على كمبيوتر وهو يمضى ويبصم)
لو رفض بتعمل ايداع للمبلغ كلة فى المحكمة
دة حل دلوقتى
بالنسبة لقيمة الايجار لا اعتقد ان الناس هتتفق ابدا
سبحان الله فعلا
اريح ضميري علي اساس ايه. بص حضرتك صاحب البيت باع الشقه بمزاجه وهوا الي محدد الخلو والايجار والمده مفتوحه مش انا الي محدد ولاغصبته
تاني حاجة الحمد لله العشرين شقه معايا فلوسهم ورحت ادفع الايجار اليوم زي متفقنا فضلت مستنيه ساعه واكتر ولما جيه فضيلنا ساعه نكلم وهوا رافض ياخد الايجار بحجج وهميه والصوت طبعا علي بالصدفه اخته جت المعرض من ضمن الورثه طبعا فجارنا عارفها فبيشهدها الراجل قلو ملهاش دعوه المهم عرفت القصه رده بقه قالتله هوا احنا مش كل لما نسقلك علي الايجار تقول كله تمام جارنا رد قالها بقالنا سنتين بنتحايل عليه ياخد الايجار وهوا رافض المهم قالك معيش ايصالات بكره فاتفقنا معاهم ان بكره هنجلهم
والمفاجاءه
المدام اخته اتصلت بجارتنا قلتلها بعد كده تيجو تدفعو الايجار عندي ملكوش دعوه بفلان
عشان تعرفو
صاحب البيت مالوش غير حجتين عند المستاجر. طول معقد الايجار مفتوح ومفهوش زيادة
١_الايجار
٢_لو فكرت اسيب الشقه تكون من حقه ويديني مبلغ
غير الحجتين دول ملوش حاجه عندي
////////////////////////////// ////////////////////////
سؤال لكل الي مش عجبو كلامي ومش حدد اشخاص
١_ بتدفع ايجار كام لا انته صاحب تمليك
٢_ مستاجر شقتك من امته وايجارك كام ولو مش ماجر شقة والدك ايجارها كام وبقاله اد ايه ماجرها
مستني الرد وبلاش حد يقولي تمليك مع ااني هلاقي اغلبيت الي ردو صحاب ملك
الاجابة على النقاط اعلاه من واحد وريث لم يرث شى بسبب امثالك مع احترامى لشخصك
1- انا املك عقار فى مصر الجديدة كامل العقار ايجارة فى العام كلة 500 جينة 5 ادوار كل دور 2 شقة مساحة الشقة حوالى 180 متر
وانا اسكن فى شقة 120 متر فى اخر الهرم ايجار جديد ب 850 جنية شهرى وادعوا ربنا كل يوم على السكان فى كل ليلة ان البيت يتهد عليهم واحد واحد علشان طالبتهم بزيادة الابجار ورافضين رغم ان الموجود احفاد المستاجرين الاصلين لان الاصليين كلهم ماتوا واولادهم اصبحوا ورثة عقار جدى ولست انا واهلى حسبنا الله ونعم الوكيل
2 - عاوز صاحب العقار يعطيك مبلغ لية مش كفاية انك مستولى على العقار بدون ايجار من زمن بعيد و بسبب قانون محرم شرعا
وهذا احد اوجة اكل السحت
عارف يعنى اية اكل السحت خد عندك علشان مايبقاش امامك حجة عندما تسال يوم الحساب
(السحت يطلق على المال الحرام، وقد سمي بذلك لأنه يسحت الحسنات، أي يذهبها ويستأصلها، وعلى هذا فيكون الفرق بين السحت وبين الحلال والمتشابه هو نفس الفرق بين الحرام البين والحلال البين، والمتشابهات، والفرق بينهما ما ذكرناه لك في أصل الفتوى. والله تعالى أعلم.)
أكل السحت
من الذنوب الكبيرة أكل السحت، أي أكل الحرام، والمراد بأكل المال الحرام مطلق التصرُّف به، سواءاً بنحو الأكل والشرب، [OVERLINE]أو بنحو اللبس والسكن وغير ذلك.[/OVERLINE] وباختصار يحرم جميع التصرفات في المال الحرام.
والسبب في التعبير عن المال الحرام بـ(السُحتِ)، هو أنَّ السُّحت بمعنى الزوال والانعدام، والمال المسحوت بمعنى المال المقتلع والمقطوع من جذوره، وحيث إن المال الحرام لا بركة فيه، ولا ينتفع المتصرِّف به، لذا عبِّر عن أكل الحرام بأكل السحت.
والسحت يشمل جميع أقسام المال الحرام، بمعنى أنَّ أي مال يتصرف به الإنسان بطريق حرام غير مشروع هو من أكل السحت.
فعن الإمام الصادق عليه السلام: "كل شيء غِلّ من الإمام فهو سحت، والسحت أنواع كثيرة منها ما أصيب من أعمال الولاة الظلمة، ومنها أجور القضاة، وأجور الفواجر
ومعاك باقى الرابط علشان اكون بهذا وضعت امامك الحجة التى تحكم بها على نفسك فى موضوع ايجارك ال 15 جنية
[url=http://www.almaaref.org/books/contentsimages/books/dourouss_thakafia/min_kabaaer_alzonoub/page/lesson7.htm]
بسبب امثالي
تمام وبسبب امثالك برده اصاحب بيوت معندهمش رحمه مردوش ياخدو ايجار من سكان عشان ينصبو عليهم ويطردوهم من بيوتهم الي صاحب البيت الحقيقي وليس الوريث واخد حق الشقه تالت ومتلت لما مبناها وواخد ساعتها ايجار تالت ومتلت ولا ساعتها كان اعمه وهوا بيمضي مع احترامي طبعا لحضرتك انا بكلم عن صاحب البيت والواريث النصاب الي ابوه واخد حق ايجار شقه وهوا الي محدد الايجار ومحدد الخلو
ادام هوا حرام شرعا ليه صاحب الحقيقي قبل علي نفسه الحرام ولا هوا يقبل الحرام والمفروض المستاجر الي ميقبلش الحرام
يابيه صاحب الملك وافق علي القانون وقبل الحرام لبقي من حق الوريث يكمل مثيرت ابوة (صاحب الملك)ويكمل مثيرت ابوك الي وافق عليها من البدايه سواء حرام او حلال والمفروض الوريث يحاسب ابوه عشان ابوه السبب هوا الي حدد الايجار والخلو المستاجر ملوش زنب والي قبل القانون صاحب الملك( القانون الحرام زي مبتقولو) لبقي صاحب الملك الي قبل الحرام والمستاجر بيدي الوريث حقه الي صاحب الملك الاصلي محدد بارادته
المفروض الواريث يحاسب صاحب الورث الحقيقي علي حجتين
١_ قبول القانون الحرام يعني قبول الحرام
٢_ طمعه زمان في الخلو العالي والايجار العالي
٣_ يحاسب انه حدد الايجار الاهبل
اعزرني علي لهجتي بس ده رد علي لهجتك
انا ارد عليك فى حسبة بسيطة علشان تفكر فى الكلام ومدى تاثيرة فى حالة المالك النفسية
ايجار الشقق القديمة فى حاجات ب حنية ونص وفى ب 2 جنية وفى ب 3 جنية خلينا ناخد اغلى حاجة ب 3 جنية فى الشهر
ولنفترض ان العقار من عام 1960 يعنى بقالة دلوقتى كم سنة 2014 - 1960 = بنتكلم فى 54 سنة خلينا نقول 60 سنة مقفولة علشان الحسبة تكون صح
سيادتك كمستاجر ب 3 جنية فى الشهر دفعت فى ستين سنة كاملة الاتى
3 فى 12 فى 60 = 2160 جنية يامحترم الفان ومائة وستون جينها مصريا فقط لاغير
عايش بقالك ستين سنة ب الفان ومائة وستون جنيها يعنى دفعت اقل من 2500 جنية وعلى حساب الاخ الكريم
لنفترض نفس الظروف 15 جنية فى 12 شهر فى 60 عام يكون اجمالى مادفعة الاخ الكريم واباه الكريم
= 10800 جنية عشرة الاف و ثمانمائة جنية فقط لاغير
بالله عليك عشت فى الشقة لمدة 60 عام وكل اللى دفعتة اول عن اخر 10800 جنية ودلوقتى عاوز تاخد منه كمان فلوس علشان تخرج وطبعا سيادتك هتطلب منه مبلغ كبير علشان تجيب لنفسك شقة اخرى بديلة
يعنى صاحب العقار علشان يتمتع بمالة وملكة لابد ان يدفع لسيادتك مبلغ قد اللى انت دفعتة حوالى 10 مرات علشان يتمتع بملكة الخاص لان اقل شقة فى المدن البعيدة الجديدة الان ب 100 الف ان وجدت شقة اصلا
ان كنت مبسوط من الحسبة دى مبروك عليك السحت
معلش كلامى باين فية انفعال وقسوة ولكنها الحقيقة المرة التى نعيشها نحن ملاك وورثة العقارات القديمة
اخى صاحب الموضوع ان كان الله سبحانه وتعالى انعم عليك ورزقك واحوالك متيسرة وتقدر تعيش فى شقة اخرى نصيحة لوجة الله رجع له الشقة واطلب منه مبلغ رد المبلغ الذى دفعتة انت كايجار هذا هو العدل رغم انك لاتستحقة لانك عشت بة وتمتعت بة فى العقار
ولكن النصيحة اترك له الشقة الان قبل ان تترك له اعمالك الصالحة فى الدنيا وانا واثق كل الثقة فى الله تعالى انه هيعوض عليك اموال تقدر تجيب بيها شقة افضل والله على مااقول شهيد
من ترك شيئا لله عوضه الله خيرا منه
هذة نصيحة اخوية لك من واحح مظلوم مثل صاحب العقار المظلوم الذى يشجعك ابليس على ان تقاضية فى المحاكم خوفا من عقار زائل فى الدنيا وترك العقار الدائم فى الاخرة
نسال الله ان يرد اموالنا المنهوبة او يعوضنا عنها فى الاخرة حسنات تنجينا من النار
يعني حضرتك طلعتني مستولي علي شقته من غير ايجار
طب مين الي محدد الايجار الي بيدفع سواء ٥ او. ١٠٠٠ مش صاحب الملك الاصلي احسب البيت بقاله كام سنه وال١٥ ج في وقتهم هتلاقي صاحب الملك حرامي سواء في الايجار او الخلو
شوف افلام زمان هتلاقي اصاحب الملك كان يا نصابين يا وكلنها ولعه وحرميه
يابيه مال حرام ايه انا بدفع حق من قاعد بدفع الايجار الي صاحب البيت الحقيقي محدده. ودافع في الاول خلو رجل الي هوا اصلا حرام وحضرتك بتقول القانون حرام يعني صاحب البيت قبل الحرام علي نفس مرتين وليس المستاجر
حضرتك بتتكلم على انه لما اخد خلو رجل يبقى اخد حقة .. طب ماهو لو عاوز يبعها كان بعها .. انا معاك حالتك نص العمى بالنسبه لصاحب البيت انه واخد خلو .
احنا بقى 150 قرش بدون اى حاجه لا مقدم ولا خلو وطالبين مبلغ علشان يسيبو الشقه ( يعنى مش محتاجنها )
لو سكنو 200 سنه مش هايدفعوه .
وبعدين سيبك من كل التعليقات .. ضميرك مرتاح الحمد لله ؟؟؟؟ ................. طيب الحمد لله الذى لا يحمد على مكروه سواااه !!!!!!!!!
العقد شرعية المتعاقدين
طيب الشرع قال ان العقد باطل يبقى مافيش متعاقدين
يبقى حضرتك مغتصب لاموال الغير شرعا وقانونا
مش عاجبك الكلام والنصيحة مافيش مشكلة افتكر كلامى لما تموت ان شاء الله وكلنا هنموت وهاكون حجيجك امام الله مدافعا عن صاحب الملك الذى تغتصبة بقانون صدرت فية فتوى شرعية واضحة صريحة بانه حرررررررررررررررررررررررر رررام
انت تاكل ماااااااااااااال حرام وتعيش انت واولادك فى ماااااااال حرام طبعا الكلام دة مش هيعجبك ولكنها الحقيقة يااخى الكريم
انت تحاول ايجاد تبرير للمال الحرام ووضعت لك الوصف التفصيلى لمعنى كلمة السحت الذى تاكله وتاكل منه اولادك ذبنهم فى رقبتك ان كنت تخاف من الله
من يخاف الله يراعى ان يكون ماكلة ومسكنة ومشربة من حلال له ولاولادة اما من لايخاف الله فكيف يمكن اقناعة
نسال الله ان يهديك على القرار الصحيح الذى فية الخير لك فى الدنيا والاخرة انت واولادك
لااقدر ان اقول غير الحق يااخى الكريم انا لااعرفك ولااعرف المالك وانما اعرف ان ماتتكلم عنه هو اكل مال حررررررررررررام فاتقى الله فى نفسك وفى اولادك بارك الله فيك
عندك المقدرة المالية اترك هذا المكان لصاحبة وانجوا بنفسك
ليس عندك المقدرة ارجع الى الرجل واعطية ايجار المثل فى نفس المنطقة او اقل منه ولكن لازم يكون راضى عن الايجار واوعى تفتكر ان عدم رضاه لامشكلة فية اسال مجرب ولاتسال طبيب
ال 15 جنية لن ينفعوك يوم القيامة او لاقدر الله ان اصابك سهم من سهام دعوات المظلوم فى جوف الليل
فتوى شرعية
اقتباس:
استأجر والدي منذ ستين سنة محلا مساحتة 4متر في 8 متر في موقع على الشارع الرئيسي بقصد استخدامه ورشة إصلاح الكاوتش بإيجار 25 قرش واستمر هذا الحال حتى عام 1993 حيث انضم شريك مع والدي وتكونت شركة تضامن بنفس النشاط وفي عام 2001 توفي والدي واّلت هذه الشركة للورثة وبها الشريك المتضامن وتوفي أيضا صاحب العقار قبل والدي بمعنى أن أطراف العقد قد ماتوا وكما كان معروفا لدينا من سنين أن الإيجار مشاهرة أي مدى الحياة ثم انتقل للورثة من الجانبين والآن يطالب أصحاب العقار إخلاء هذا العقار وتسليمه لهم بحجة ان العقد الأصلي مخالف للشرع لأنه غير محدد بمدة معينة وفي المقابل يطالب الشريك المتضامن وهو مفوض في إدارة العمل والتجارات الورقية والقانونية في مقابل حصوله على نصف إيراد الشركة _يطالب هذا الشريك يدفع مبلغ مائة وخمسين ألف جنيه له من أصحاب العقار لأنه سيبحث عن مكان آخر يمارس فيه نشاطه علما بأن الايجارات مرتفعة جدا عن ذي قبل وبالتالي فإن أصحاب العقار يمكنهم تأجير العقار بألف جنيه فور إخلائه.
السؤال هو 1-إذا كان العفد شريعة المتعاقدين حيث وافق المالك بمحض إرادته على إيجار المحل ب25 قرش وكان مبلغا كبيرا جدا يومها فأين التعارض مع الشرع في ذلك؟
2-من المعروف أن أحل الأموال أموال الميراث وقد آلت هذه الشركة للورثة فهل على ذنب من استمرار هذه الشركة بالوضع القائم؟
3-أصحاب العقار يعرضون علي مبلغ 15 ألف جنيه وذلك بشراء حصتى في شركة التضامن فهل يكون هذا المبلغ حلالا خاصة وأن المعدات والمكينات التي دخلت شركة التضامن يقدر ثمنها ب80 ألف جنيه وتم استهلاكها في العمل وتبديد جزء منها عن طريق شريك التضامن.
4-هل من حقي أن أطلب مبلغ زيادة عن ال15 ألف جنيه من أصحاب العقار مقابل شرائهم نصيبي من شركة التضامن؟
5-هل يمكن أن أعتبر أي مبلغ استلمته مقابل هذه الشركة هو مقابل استهلاك معداتي؟
وجزاكم الله خيرا، أرجو الرد .
الفتوى
اقتباس:
الخلاصة:
عقود الإجارة الطويلة الأمد والتي لا تحدد فيها مدة معلومة تعتبر إجارة باطلة، ولا حق للمستأجر في الانتفاع بالعين المؤجرة إلا برضى المالك.
الحمد لله والصلاة والسلام على رسول الله وعلى آله وصحبه، أما بعـد:
ففي جواب هذا السؤال مسائل منها:
المسألة الأولى: مقولة العقد شريعة المتعاقدين ليست على إطلاقها، فكل عقد أو شرط خالف كتاب الله تعالى فهو باطل وإن تراضى الطرفان عليه؛ فالتراضي لا يحل الحرام.
الثانية: أجمع العلماء على أنه في إجارة الدور والمنازل يجب أن تكون المدة معلومة.
جاء في المغني: قال ابن المنذر: أجمع كل من نحفظ عنه من أهل العلم على أن استئجار المنازل جائز، ولا تجوز إجارتها إلا في مدة معينة معلومة.
وبهذا تعلم أنه لو حصل تراض على تأبيد الإجارة فلا عبرة به لمخالفة الشريعة، فكيف إذا كان هذا بدون رضى من المالك.
الثالثة: يجب على الورثة تسليم العقار إلى المالك فورا، وليس لهم حق في البقاء في ملكه إلا بإذن منه وعلى الوجه المشروع في الإجارة.
الرابعة: إذا أراد صاحب العقار أن يشتري من الورثة ما يملكون من المعدات والأجهزة في المحل فلا مانع والثمن حسب التراضي.
الخامسة: لا يحل للورثة أو للشريك في الورشة مطالبة صاحب العقار ببدل خلو، وعليهم إخلاء العقار مجانا؛ وإلا كانوا في حكم المغتصبين، وراجع قرار المجمع الفقهي في هذا المجال في الفتوى رقم: 79384.
السادسة: الشركة بين والد السائل وشريكه بطلت بموت والده، جاء في المغني: الشركة من العقود الجائزة وتبطل بموت أحد الشريكين.
والله أعلم.
سبحان الله
وريث المالك بيدعى على وريث المستأجر
وعايز كل ورثه المستأجرين يسيبوا شققهم ببلاش على اساس انهم هيروحوا لصاحب بيت حالى وهيديهم شقه فى نفس المكان ببلاش
فلو افترضنا بيت فيه عشر شقق بالمهندسين فوريث المالك هيبيع ساعتها العشر شقق ب 20 مليون جنيه
وعاوز السكان يخرجوا ببلاش
يا جماعه اتكلموا كلام منطقى يعنى يخرج كل واحد نظير مليون ونص جنيه ويكسب هوه نص مليون فى كل شقه
واشمعنى وريث المالك عاوز يكسب من البيت اللى بناه جده على اساس ان وريث المستأجر ابوه كان دافع تمن الشقه والايجار من القمار ولا ايه بالظبط
الموضوع شائك جداً وحله هوه التراضى بين الطرفين
الموضوع كدا خرج عن بره الموضوع الاساسى وبدا نقاش عقيم لان الموضوع شائك وملوش حل حاليا لا المالك والمستاجر كل واحد شايف الموضوع من الزاويه بتاعته بس
بالعكس مش نقاش عقيم ولا حاجة..
لعل الله ينفع به أحد من المستأجرين لم يكن يعلم حكم الشرع في عقد الايجار الدائم.. ويريد ان يتقي الله فيترك الشقة للمالك..
وخصوصا الناس اللي عندها شقق ايجار قديم وقافلينها مش محتاجينها..
انت مش هاتقدر تلزم حد انه يعمل ما يوافق الشرع انما عليك ان تبلغ فقط..
اتفضلو الجديد عشان تدعو علي المستاجر الظالم الي بيقبل الحرام
خمسه افراد من المجيران ناس ربنا يديها الصحه كبيره راحو لوريث سنه كام٢٨سنه دار الاتي
الوريث كلام بتناكه اوي علي ناس كبيره انتو ايه الي خلاكو متجبوش الايجار من٢٠١٢ المستاجر كل لما نتصل بيك انا جي اصل مش فاضي طب نلم الايجار ونجيلك لاء محدش يجي انا هجلكم يرد الوريث علي ناس كبير خلاص هبقي اجي الم تمن علبة السجائر رد جارنا وادينا جينا رد عليه وانا مش عايز الايجار واعملو الي انتو عايزيني ده ميجبش حق البنزين رد جارنا ايه الي يرضيك انا عايز٧٠٠ ج ايجار كله طبعا اجنن من هنا لهنا ومحيلات لمده ساعتين بين تناكت شاب علي ناس كبيره خلاصادفعو الايجار سنه سنتين حتي خمسه بس مش. همضي علي وصلات المحصل بتاعي الي هيمضي بعد مناقشة وقلت ادب من المالك للاسف الناس الكبيره وفقت وامضت السيد المحصل الي مرضيش يوريهم حتي البطاقه كاتب اسمه واسم ابوه بس والله واعلم اذا كانو صح والاجمد بقي في اثنين راحو لوحده من الورث اخت الاستاذ خدت الايجار بالادب وخلت ابنا الصغير يمضي ههههه
طبعا انا لما عرفت الكلام ده اجننت واتصلت بالمحامي في الشغل قالي صاحب البيت هيخركم من الشقه الوصل الي معاك ولا ليه اي لزمة لازم تطلعو علي المحكمة
ايه رائيكم مين المخادع مين النصاب مين الي يستاهل الدعاء عليه
مين الي عايز يطرد الناس من شقهم عشان امنو ليه
سايب الرد لضميركم
الفروض الكلام ده للمالك
حكم الشرع في عقد الايجار هوا الي وافق عليه الاول الماليك هوا الي وفق علي الحرام الاول لبقي ابنه يستكت احسن لان ابوه من الاول هوا الي كل واكلل اولاد حرام بموافقته علي عقد حرام وخد تمنه( ايجار- خلو) وطبعا ولاده بيكلو من الايجار الحرام
اما المستاجر فهوا بيدفع حق مساكن حتي لو رمزي
انته دلوقتي لما تدي غلبان جنيه تفرق عن لما تديله خمسه الاء طبعا
هوا نفس النظام مع الاختلاف طبعا المالك حوت مش غلبان
فعلا المالك اللى بياخد ايجار 5 جنيه فالشهر حوت و المستأجر اللى بيدفع 5 جنيه فالشهر و بيأجر الشقه لمستأجر تانى او يقفل الشقه و يورثها لأبنه من بعده هو اللى غلبان و مظلوم فعلا
افكر حضرتك ان فالدنيا التعامل بالفلوس لكن ان شاء الله يوم الحساب لما يختصم المالك من المستأجر او العكس التعامل بيكون بالحسنات و اعتقد الأعضاء وضحت ايه الصح و ايه الغلط و اعتقد ان الحلال واضح و الحرام واضح بس للأسف حضرتك متمسك برأيك فقط و شايف ان هو ده الصح
يعني حضرتك سايب الحوار كله ومسكت في كلمه حوت مين يشهد للعروسه
سبت قلت زوق شب مع ناس اكبر من ابوك
سبت نصب شاب علي سكان عمرتين ةخداهم لانهم طيبين وامنولو
فعلا مين يشهد
ربنا يصلح حالك وحالنا
شكلك وريث ربنا يقوي المستاجرين عندك ويفضلو متمسكين بحقهم في شقتهم
مش هقولك غير المالك الاصلي ساعت ماجر الشقه كانت فعلا حوت من حاجه وتلاتين ١٥ او كمان ممكن اربعين سنه عارف يعني ايه ساعتها ولا اقولك
طيب ناوي تعمل ايه يا أخ أسد؟ أنا قرأت تطورات الموضوع وردود كل الإخوة وبصراحة احترت زيادة لأنه واضح كما قيل "الشيطان في التفاصيل"...
مفيش إمكانية تتكلم مع المستأجرين ترفعوا قيمة الإيجار ولو حتى 400 جنيه في الشهر وتعرضوا الموضوع على المالك؟ أكيد إن شاء الله فيه حل وسط يرضيه ويرضيكم ويضمن بقاءكم واستقراركم في بيوتكم..
لنهارده واحده جرتنا شغاله في محكمه بعلاقتها عرفت الاتي
١_ صاحب البيت عامل للبيت كله اذار من تاريخ هر ٤/٢٠١٤ انهم مبيدفعوش الايجار رغم اننا بنتحايل عليه ياخد الايجار من اول٢٠١٣ وهوا الي كان بياجل
٢_الوصولات الي كاتبها صاحب البيت طبعا غير ان ولا ليها لازمة لاء كمان ايه الوصلات ديه لو اتقدمت بيقولو هيقول الي البيت كله مزور الوصولات ويكون فيها حبس وطبعا الفلوس الي خدها مفيش دليل عليها واستعوضنا ربنا عليه
٣_ بكره ان شاء الله البيت كله هيدفع الفلوس في المحكمة وانا اقلت للبيت كله فع لحد الشهر١٠ وبعدين هندفعله الشهر بشهر في المحكمة يعني كل شويه يجيله محضر بس خد شوية دعواته رائيكم
٤_ وده الاهم صاحب البيت مش عايز يزود الايجار عايز يطلع الناس ويبيع تمليك ومحدد سعر الشقه كمان
الشقة الي رافع قضية علي صحابها كان متفق مع واحد في البيت الي جمبينا علي سعر اول مايخدها
ايه رائيكم مين الظالم ومين المفتري
يعني المستأجر يكمل الايجار او يسيب الشقة برغبته والمالك عليه الإذعان ورغبته في انهاء العقد ولا ليها اي لازمة..
عارف حضرتك كلمة "مشاهرة" اللي كانت بتتكتب زمان في العقود بدل تاريخ نهاية العقد معناها ايه؟
معناها ان العلاقة بين المالك والمستأجر قائمة على توافق الطرفين على استمرار العلاقة الايجارية.. يعني شهر بشهر..
والمالك حر في ملكه محدش يفرض عليه رفع القيمة الايجارية طالما عايز يفسخ العقد...
انما كدا تأجير بالإكراه
المالك حقه ياخد الايجار المحدده
من حق المالك يعمل طرد بعد سنتين من عدم رفع الايجار ومن حق المستاجر يستانف
حق المستاجر يدفع شهر بشهره وممكن يدفع اكتر لو اتفق بين المالك والمستاجر لكن الاساسي شهر بشهره