مشكلة بظبط الكهرباء للعربية 94

**mohammad isdf** · 31-08-2014 09:38 AM

السلام عليكم ورحمة الله وبركاته

ازيكم يا ابيزاوية كل سنة وانتم بكل خير وسعادة

الحقيقة وانا بعمل السرفسة الدورية للعربية

غيرت سير كاتينة وللأسف مكنش فيه الفبرة اللى ورا السير اللى بيتم تظبيط التقسيمة على أساسها .. موجودة عندى لكن سايحة، فالأسطى عصام عمل التقسيمة بخبرته .. وقالى كانت متقسمة غلط قبل كده ..

وغيرت بوجيهات وفجأة لاقيت الأربى إم عالى فالأسطى ظبطلى الكاربيراتير مع الاسبراتير

وهنا ظهرت المشكلة

العربية تنتش ومخنوقة ..

رجعتلو تانى ظبطها ، لكن السحب كان ضعيف جدا فى المطالع والعربية انزل بالنقلات بشكل جامد عشان اوافق السرعة مع النقلة

ورجعتلوا تالت، ظبط العربية وطلع جرب معايا .. وكانت كويسه لكن فى الحقيقة مش نفس أداء العربية قبل ما اعمل السرفيس بردوا المطالع العربية سحبها مش تمام اوى بالإضافة إلى ان صوت الموتور مش مريحنى

ملاحظات :
الإسبراتير خلاه على النص بالظبط فكانت العربية كأنى بجر مأطورة ده فى اول مرة، بعد كده لما ظبطها خلى المسمار قبل الآخر بشوية بالسحب بقى افضل ..

أنا بقى زودت الاسبراتير قبل الآخر بشوية كمان فالسحب بقى افضل بس طبعا الموتور صوته علي شوية

فأنا نفسى أفهم الصح إيه يا جماعه عشان تعبت مع ان الحاجه بسيطة جدا جدا

هوريكم صورة الإسبراتير عندى وياريت تشرحولى الميكانيكه بتاعة عمله

ده الإسبراتير وكمان انا مزحزح المسمار عن كده كمان شوية ناحية الآخر

وده الآرب بى إم

**Karim Ibiza** · 31-08-2014 08:33 PM

ازيك يا حج محمد

انا شايف الـ rpm مظبوط بس الاسبراتير أصول يكون المسمار فى النص ولو زاد شوية مفيش مشكلة عشان تعادل الكهرباء مع نوع البنزين اللى بتحطه
بس اعمل حسابك ان كل زيادة فى الاسبراتير هتزود استهلاك البنزين

روح لعصام تانى متتكسفش وخليه يراجع على التقسيمة تانى وبص على باقى الحاجات اللى ممكن تعمل نتشة زى الموبينة وكابلات البوجيهات وبيكات الكربراتير وفلتر البنزين ورداغ البنزين

وان شاء الله خير

**hossamalsadik** · 01-09-2014 10:45 AM

طبط الاسبراتير لحد ما rpm يكون على 8.5 & 9 بس كده
بص يامحمد هريحك
توافق ظبط الاسبراتير مع الكربراتير مع الحالة العامة للماتور عشان يدينى افضل أداء
ديه خبرة صنيعى أو يفضل يجرب ونتا معاه لحد ما تيجى كده لوحدها

**hossamalsadik** · 01-09-2014 11:01 AM

طلما عصام فشل معاك فى الموضوع ده
جرب وروح الصفا

**Karim Ibiza** · 01-09-2014 12:37 PM

المشاركة الأصلية كتبت بواسطة mohammad isdf

أنا متشكر جدا اهتمامك يا مهندس كريم وشكرا لذوقك

لما عمل المسمار بتاع الاسبراتير على النص كأنى كنت بجر مقطورة فهل نخليه على النص ونظبط من مسمار الكاربراتير الخاص بالبنزين والهواء ؟ وهل ده هيبقى موفر أكتر فى البنزين ( الموضوع ده مهم جدا بالنسبالى)

فابريكة المفروض يكون فى النص وتظبط عليه الكربراتير لكن ممكن تزود حاجة بسيطة عشان تعوض الفقد فى اوكتين البنزين بتاعنا
كل ما هتزود الكهرباء كل ما هتسحب منك بنزين اكتر
الموضوع محتاج واحد يكون عنده خبرة فى ظبط الهواء مع البنزين

**hossamalsadik** · 02-09-2014 07:29 PM

الموضوع ده هتظبطه مره واحده فقط وبعدها هتستريح وهتاخد الاداء المظبوط فمش مشكله يا محمود
أهم حاجه تستلم الماتور منهم مظبوط تمام
ووافينا بما تم للافاده

خالص تحياتى

**ehab_mansour** · 03-09-2014 10:42 AM

معذرة لكل الكلام السابق و رأي الاخوة الاعزاء و لكن من الاخر عشان متوجعش ............
العربية دي تقسيمة الكاتينة ليها مش مضبوطة و بس

ولا كاربيراتير و لا هواء ولا اسبراتير
انا حصل معايا كل المواقف دي ..... من الاخر العربيات دي حساسه مينفعش اجيب صنايعي يفتي و يضبط الكاتينة ليها بالخبرة نهائيا لأن الخبره دي ممكن تجيب سنة قدام او ورا للكاتينة و ابقي قابلني لو لقيت تحت رجلك عربية من الاساسا

و بالتوفيق و قلي موتورك كام سيسي و نوعه ايه و احاول اساعدك في ضبطها كما ضبط كاتينة عربيتي مرة أخري بعد عصام ما عكهالي قبل كده

-

-

-

الموضوع: مشكلة بظبط الكهرباء للعربية 94

LinkBack

أدوات الموضوع

عرض

مشكلة بظبط الكهرباء للعربية 94 - انشر الموضوع فى :

-

-

-

-

-

-

المواضيع المتشابهه

مشكلة بعد عمل صيانة الالف للعربية f0

بخصوص مفاتيح الزجاج الكهرباء للعربية

مشكلة في التدوير للعربية و هي سخنة

مشكلة فى الكهرباء

مشكلة فى الكهرباء

الكلمات الدلالية لهذا الموضوع

المفضلات

المفضلات

ضوابط المشاركة