سؤال عن افيو 2015 هاف اوبشن

**madinabaza** · 31-08-2014 05:52 PM

يا جماعه احنا هنجيب عربية افيو الجديده بس هاف الي مفهاش زجاج كهرباء وتقريبا مفهاش باور بس انا مضايقني موضوع الزجاج اوكر ده في حل اني اقلبه زجاج كهرباء بس تبقي زي الاصلية بظبط عشان سعات بتتعمل بيركبو زرار بيبقي شكلها وحش يعني حد بيركب فرش ابواب زجاج كهراء للافيو؟؟

**mona_881** · 31-08-2014 08:13 PM

نصيحة أخوية
ممكن حضرتك تتأني و تفكر تاني هتلاقي بدائل كتير للأفيو زي اللوجان الجديدة مثلا او الامجرند
وكمان الزجاج الكهربا والباور انهارده مبقوش كماليات دول ضروري جدا فنصيحة مني هات عربية يكونو موجودين فيها من الاول لأن بصراحة الأفيو حرام فيها 98 الف وكمان من غير باور وزجاج كهربا
دا مجرد رأي شخصي

**medo_h_e** · 31-08-2014 08:30 PM

زود شوية وهاتها كاملة افضل

**J A G U A R** · 31-08-2014 10:27 PM

وليه تشترى عربيه زيرو وترجع تعدل فيها حاجه
حرام كده

لو عجباك الافيو زود وهاتها كامله او تشوف غيرها لو حابب

**UsefHusseinHas** · 01-09-2014 08:23 PM

علي فكرة تعتبر سعرها حلو متقلقش مدام هي عربية عيلة

المشاركة الأصلية كتبت بواسطة madinabaza

مش انا الي هجيبها والله فلبيت هيجبوها ومضايقني كل ده بس هي اةتوماتيك وفيها تكيييف و ب 94 مش 98 والكاملة ب 103 فرق 9000ج ..
عجباني الامجراند بس مانيوال ده عيبها
اما اللوجان معرفش سعرها كام وملهاش سوق ساعة البيع :/

**bassemali** · 05-09-2014 02:16 PM

لو بتدور على أوتوماتيك مافيش غير الأفيو .. أو في كمان البي واي دي الجديده l3 أوتوماتيك ب 97000 كامله بجنوط وستارت إنجين وحساسات وفتحة سقف ونافيجيشن سيستم وكماليات تانيه كتير .. لكن اللوجان والإيمجراند مش هينفعوك لإنهم للأسف الإتنين مانيوال بس مافيش أوتوماتيك .. لو تقدر تستنى شويه لغاية أخر السنه كده ممكن اللوجان ينزل منها اوتوماتيك ساعتها هتكون هيا الصفقه الرابحه في الفئه دي وهتقضي تماما على الأفيو اللي رغم كل عيوبها تتميز بالإنتشار وسهولة الصيانه وقطع الغيار وسعر إعادة البيع .