الموضوع: مقلب حكومة

السلام عليكم ورحمة الله وبركاتة
ازيكم ياشباب مصر عاملين اية

انا مش هطول عليكم وهدخل فالموضوع على طول

انا قرأت موضوعات كتير فالمنتدى على البلد والجمارك والحكومة وحاجات تحرق الدم تحس انك ملكش لازمة والحكومة ممشياك زى مهى عايزة وطبعا منقدرش نتكلم

بس اكيد انت عملت مقلب فالحكومة وضحكت عليها مرة من نفسك ومتقولش لا اكيد عملت او عارف حد عمل .......

يعنى عمرك موقفت فى كمين وعملت نفسك ظابط او دخلت على أمين شرطة وقولتله انك وكيل نيابة مثلا عمرك معملت مقلب على هذا المنهج قبل كدة

بصراحة انا عملت كتير وصحابى برضة وقصص مضحكة جدا جدا تخليك فعلا تعرف ان الظابط ولا أمين الشرطة اللى فاكر انه مالك الكون لما يوقفك ويسحب رخصك عشان متخانق مع المدام ولا أمين شرطة رخم عايز عشرة جنية ولا ولا لا

ها حد فيكم عمل كدة

انا هحكلكم حركة سريعة كدة على الطاير ولو عجبكم الموضوع هحكلكم تانى

شهر سبعة اللى فات كونت مسافر الغردقة مع واحد صحبى الغردقة وهو من القاهرة بس مقيم فالغردقة لظروف شغله المهم كونا مشين على سرعة 190 /200 وتمسكنا ردار على الطريق الدولى 195 المهم امين الشرطة وقفنا والضابط قاعد على الكورسى فصحبى قالى اقولة انا ابن خالت فلان فأمين الشرطة سكت شوية كدة وقالى قول للباشا فنزلت انا قولت للباشا انا ابن خالت فلان فبصلى من فوق لتحت كدة وكأنى مثلا بطلب منه حسنه رد عليا بصوت قرفان كلمهولى فبصيت لصحبى قام طالب رقم واحد صحبنا كان مسافر معانا بس كان مـتأخر عنا شويا بالعربية ( الكلام ده س 6 صباحا تقريبا ) ....الحوار اللى دار فالمكلمة صباح الخير ياباشا انى بصحيك دلوقتى طبعا صحبنا فهم اننا وقفين فالكمين فقفل الكاست وبدأ يتعامل انه الباشا ....صحبى انا اسف بس انا اتمسكت ردار والباشا عايز يكلم حضرتك والله يجماعة كل ده بيدور والعربية وقفه وبقيت العربيات وقفه ورانا والامين واقف مستنى ياخد التلفون من صحبى وانا واقف جب الظابط المهم أمين الشرطة خد التلفون من صحبى اده للظابط ...وانا بابص للظابط اللى بدأ يتعدل عشان يرد اول كلمة قالها انا اسف ياباشا انى بصحيك دلوقتى انا فى قمة الخجل والله بس انت عارف مش كل واحد يقولنا انه ابن خالت سياتك هنصدقة انا اسف ياباشا اعتبر الموضوع انتهى مع سلامة الله اتفضل اتفضل ياباشا وقفل معه التلفون ودانى الرخص وكله احترام وأدب مافيش بعد كدة وسبته ومشيت بتناكة اوى .....اه نسيت فى واحد كان معا عربية اوبل اتمسك برضة ردار وكان واقف معانا وفضل باصصلى وانا باخد الرخص وهو بيبص للظابط وكان هيموت ويضربة ........وطبعا صحبى عرف ان فى كمين على الطريق فمشى على مهلة عشان منتهرش ....والحمد لله خدنا الرخص ....

ها حد عنده اشتغلات ومقالب حكومة زى دى

انا مستنى اسمع منكم

اخوكم حمادة بشير واتمنى تعتبرونى صديق ليكم