وممكن نشدد العقوبة ان اللي يرفض يتم خصم جزء من قيمة المبلغ المودع. حتي يرتدع ويرتدع من حوله.
الوطنية مواقف وتضحية.
اللي يحب مصر ميخدش من مصر.
بص يا كبير الى بيروج للحوار دول هما اعداء النظام الحالى عشان يلاقو حاجه يفضلو يزنو بيها على الناس و يقولو شوفتو مش قولنالكم و هتلاقى كتير منهم داخل يرد فى نفس الموضوع هنا يقولك اهو شوفتو :)
لا مفيش الغاء لشىء و الموضوع مش صعب على الدوله و كبر مخك لمينا الى عايزينو و المفروض نبدا شغل فى المشروع و الى كان ضد اتحرق دمه يبقى نغير بقى و نشوف حوار تانى نتكلم فيه متديلهمش سبب يفتحو بيه الموضوع من جديد هما عارفين لو خوفو الناس ال 64 مليار دول يعملو ايه فى البلد فبيتظاهرو بالولاء زى الناس بتوع الحمله انسى
على فكره استاذ سباعى بيتريق :)
اولا ده مش قرار عشان يبقي اشاعة. ده حملة قامو بتدشينها اشخاص لا يعلم توجهم ونياتهم الا الله. فبعيدا عن انها اشاعة او اي شيء. هل لو حضرتك طلب منك انك تشارك برايك فالحملة ده فهيكون ايه ؟؟؟؟ رفض ولا قبول ؟؟؟؟
ودعنا نسمع راي الباشمهندس حاتم منه.
هل فعلا ياهندسة ماكتبته كان تريقة ولا شيء فعلا تريده ؟؟؟؟
اللي عايز يتم الغاء الفائدة علي شهادة قناه السويس يتفضل هو يتنازل عن الفائدة الخاصه به.
هو لازم كل واحد تطلب معاه حاجة يطبقها علينا كلنا ؟!
هي حمله لذيذه
بس مين باه اللي متبنين الحمله؟؟؟
ايه اغراضهم و اهدافهم من الحمله اللذيذه ديه؟
لا اهداف الا الشوشره و مش حتجيب همها اصلا وللاسف الموافقين عليها الغضب هوا اللي عميهم بس
الف خساره على اللي الغضب عماه و خلاه يتعاون مع اعداء علي الاقل فكريا
وايه هو السبب الواحد ؟؟؟؟
متهيالي منطقيا الغاء الفايده هيوفر قيمة الفايدة وبالتالي تضاف للميزانية وفي نفس الوقت اصول الاموال المتمثلة فالشهادات محتفظة بكااااامل قيمتها وتضمن للناس كامل اموالها ( اموالها فقط دون زيادة او نقصان ). وتكون الميزانية استفادت فالقيمة المضافة وتوجه بقي لمشاريع او تعليم او صحة يستفيد منها كل الشعب وعامة الناس اللي اشتري واللي مشتراش.
وفي نفس الوقت حصل تكافل اجتماعي علي مستوي شامل . شارك فيه الكل علي حسب مقدرته.
يبقي في مصلحة مصر وشعبها ولا لاء ؟؟؟؟
فكرة الشهادات اساسها وطني من الاساس وليس للربح المادي يافندم. حتي السيسي كان هيعملها اسهم وبعدين محلب عملها شهادات بفوايد.
فليه مانحققش الغرض الاصلي للفكرة بعيدا عن اي طمع في ربح مادي ؟؟؟؟ مش المفروض ان مشاركة حضرتك لسبب وطني برده ولا شاركت لانها اكبر نسبة فوايد ؟؟؟؟؟
وليه افترضت انهم بدون اهداف. هل هياخدو شيء في جيوبهم من الفوايد اللي بيطالبو بالغاءها ؟؟؟؟؟. وليه افترضت ان اللي موافق عليها الغضب هو اللي عميهم . ليه ميبقوش اكثر وطنية ولا يريدون ربح فقط اصول اموالهم والفوايد يتبرعو بيها للميزانية.
هل لما بيتخصم من مرتبك وبموافقتك بيبقي الغضب مسيطر عليك ؟؟؟؟؟
يا باشا لا و الله العظيم انت بتساعدهم كده بحلف و اسمع كلامى و من امتى كانو بستنو يبقى فى قرار عشان يقولو بصو هيعملو فيكو ايه ؟؟ منا عارف هيقولك دى امن الدوله و عاملين صفحه و بالونه و اوعدك يطلعو من الى عايزين يهدوها
و زى مناس دخلت وطنى ناس دخلت عشان الفايده و ده حقها موضوع فاااااااااااشل و لازم نقفل حوار شهادات القناه ده خالص حاول تشغل عقلك و تعرف مين المستفيد من الكلام ده الان
صدقنى مفيش عبء على الحكومه خالص فى توفير الفايده
و بعدين مش انت مؤيد للسيسى و شايفه راجل عارف هو بيعمل ايه الراجل قال عايز الناس تكسب فى المشروع ده و دى هتبقى حاجه كويسه لتمويل مشاريع اخرى