الاخوه اعضاء و زوار المنتدى
حد استخرج شهاده قناه السويس من البنك الاهلى المصرى
و هل يصرف العائد على كارت atm ام لها كارت اخر
ياريت تفيدونا
الاخوه اعضاء و زوار المنتدى
حد استخرج شهاده قناه السويس من البنك الاهلى المصرى
و هل يصرف العائد على كارت atm ام لها كارت اخر
ياريت تفيدونا
لسه منزلتش البنوك ، خلال ايام ان شاء الله
انا لسه كنت فالبنك الاهلي النهاردة والشهادة لسة منزلتش
انا مستغرب من موضوع ان الناس مستنيه شهادات قناة السويس وكأنها اختراع
ما هى الشهادات اصلا موجوده فى البنوك واسمها الشهادات البلاتينيه
وبرضه كانت الفايده 12 %
ممكن تكون دلوقتى قلت ل 10.50% لانى مش متابع
بس اللى اقصده ان الشهادت ديه موجوده فى البنوك من زمان جداً
12% سنويا ولا كل 3 شهور
طيب احنا دلوقتى 2 / 9 / 2014
اية الاخبار دلوقتى
هل البنك الاهلى اصدراها ام لسه ؟؟؟؟؟؟؟؟؟؟؟؟ و خاصا كان المقرر اصدارها الاول من سبتمبر
من الاخر نزلت ولا لا؟
لان فى التليفزيون بيقولو نزلت
حتنزل يوم الخميس القادم..
الفائدة 12 % سنويا..
فئات 10 و 100 جنيه العائد تراكمي ويصرف في آخر المدة (مفيش كل 3 شهور)..
فئة ال 1000 جنيه العائد يصرف كل 3 شهور..
تصدر مجانا بدون مصاريف اصدار للبنك (تدفع قيمتها فقط) وبيصدر معاها كارت atm مجانا لاضافة العائد الربع سنوي (لفئة ال 1000 ج فقط)..
طيب هي مدة الشهادة اد ايه
ولو حبيت مثلا اشتري 10 شهادات بمبلغ 1000 جنيه يعني اجمالا 10000
وحبيت بعد سنة استرد قيمة الشهادات دي هل هخسر فيها ولا لا ونسبة الخسارة اد ايه تقريبا
مافيش خسارة ولا حاجة وقت الاسترداد ... لاكن ال 12 % العائد ... هايتخصم منة بعض المصروفات فقط *
وبعدين الشهادة دى سعرها ثابت مافيهاش خسارة لانها غير متداولة بالبورصة *
استرداد الشهادة ليس قبل ستة اشهر من تاريخ الشراء ... ومدتها خمسة سنوات ... وغير قابلة للتجديد
مضمونة يعنى يا شباب .؟
بمعنى لو المشروع طلع فنكوش .... أخبار فلوسى ايه ؟ فنكوش برضو ؟
اخى العزيز جميع الشهادات يوجد به خساره عند الاسترداد بلاش تسمع انها مصاريف فقط
والخساره تختلف فى السنه الاولى عن الثانيه او الثالثه
انا فقط يهمنى هل الخساره كبيره عن الشهادات العاديه ام لا اذا كانت نفس الشروط معنديش مشكله
لكن ممكن يكون هتاك خازوق لاى واحد يعمل استراد وتكون النسبه كبيره الخساره
موظف البنك ليس لديه درايه واضحه بجميع الشروط سوى ان الاستراد 7% ومش واضح هل الخساره 7% ام الخساره 5% وهى الفرق بين 12% و 7%
مجرد حته ورقه موزعه على موظفى البنوك لايوجد بها تفاصيل كفايه
نفسى اعملها بس ناس كثير خوفتنى منها لو المشروع فشل لقدر الله هيكون ايه مصير الشهادات ده فايه رايكم ..
نزلت النهارده
اللي بيشتري شهادات استثمار ما يفكرش يستردها ابدا الا بعد انتهاء مدتها عشان الخسائر الفادحة .
الشهادة مدتها 5 سنوات .. فئات 10 و100 و 1000
فئة ال 10 وال 100 العائد بعد انتهاء المدة تماما يعني تستلم ال 100 بعد 5 سنوات 180 جنيه
اما فئة ال 1000 العائد كل 3 شهور يعني حوالي 30 الف جنيه كل 3 شهور لو اشتريت بمليون جنيه
العائد يضاف على حساب البنك اللي اشتريت منه وطبعا يمكنك سحبه بال ATM لأن الايداع يتم في حسابك
.h
اللي معاه قرش محيره يشتري شهادات قناة
الحفر الناشف اللي هتطلع نصباية كبيرة و تبقي راحت فلوسك يا صابر
قيمة بيع الشهادات حتي الان 3 مليار جنية
انا وانا نازل الصبح شفت زحام رهيب عند البنك الاهلي مكنتش عارف في اية غير لما عرفت ان الشهادات نزلت
ان شاء الله اروح اعمل شهادات يوم الاحد
لعلة خير و البلد تتقدم
في الصين في النكسة الاقتصادية ووقت الحرب كل الصينيين اتبرعوا بالدهب بلا مقابل من اجل البلد اقتصادها يقوم
دي شهادات و بعائد ممتاز ... ربنا يبارك
قيمة بيع الشهادات حتي الان 3 مليار جنية
انا وانا نازل الصبح شفت زحام رهيب عند البنك الاهلي مكنتش عارف في اية غير لما عرفت ان الشهادات نزلت
ان شاء الله اروح اعمل شهادات يوم الاحد
لعلة خير و البلد تتقدم
في الصين في النكسة الاقتصادية ووقت الحرب كل الصينيين اتبرعوا بالدهب بلا مقابل من اجل البلد اقتصادها يقوم
دي شهادات و بعائد ممتاز ... ربنا يبارك
شهادات قناة السويس ذي اي شهادات اخرى بيصدرها اي بنك وطني ومضمونة من البنك المركزي . الفرق ان انت عارف ان فلوس هذة الشهادات سوف تستثمر في مشروع قناة السويس. طب ايه الي يخليك تشتريها ومتشتريش الي ذيها وبرضة بيصدرها نفس البنك. هو الإحساس الوطني بالمساهمة بمشروع قومي. هو ده الحس الوطني بين المساهمة في مشروع قومي وطني وبين المحيراه فلوسه ويطير بها حمام.
لي ملحوظة بسيطة كده علي موضوع المساهمة في المشروع القومي والحس الوطني وما الي ذلك
الشهادات بفائدة اعلي من غيرها فأين هو الحس الوطني في ذلك
يعني تعالو نتخيل معا ان الدولة قالت للمواطنين سلفونا لعمل مشروع القناه الجديدة زي موضوع صندوق تحيا مصر كده
فأذا بالناس ودن من طين وودن من عجين اﻻ البعض ذهب بالفعل وتبرع هنا فقط نقول فعلا هذا حس وطني وتضحية من اجل الوطن
تعالو نتخيل ان الدولة اعلنت انها ستصدر شهادات بفائدة 7 % فقط بحيث يساهم كل مواطن في المشروع
هل كان سيقوم هؤﻻء المواطنون بسحب مدخراتهم من البنوك وشراء شهادات بعائد اقل من عائد الودائع في باقي الشهادات العادية بلاتينية وارجنتينية وبرازيلية
ولو فعلو ذلك فهنا فقط نقول لهم تعظيم سلام انتم بالفعل لديكم حس وطني عن غيركم
طيب لما الفائدة 12% يعني اعلي فائدة موجودة وتتعداها كمان يعني تجارة بحته ايه بقي لازمة الكلام بتاع الحس الوطني والمساهمة وغير المساهمة اذا كان مساهمة يبقي كان من باب اولي وضع الفلوس وتحويل العائد الي صندوق تحيا مصر مثلا
او اصدار الشهادات بقيمة اقل من غيرها للمساهمة في المشروع ﻻننا جميعا نعلم ان الفلوس اللي هتدفع بها الفوائد من هيئة قناة السويس يعني من فلوس الشعب اللي هو اصلا منتظرها في ميزانية لدولة كل عام
سيتم اقتطاع جزء من هذا الدخل لصرف قيمة الفوائد يعني سنة كاملة اذا تم اﻻفتتاح بعد عام كما قالو سيتم دفع الفوائد من عائد قناة السويس الحالية
فارجو ان نهدأ قليلا وﻻ نقول الحس الوطني والموضوع كله تجارة بحته ومكسب وخسارة
تحياتي للجميع
متاابع
الناس واقفه طوابير علي البنوك و لا طوابير العيش و التموين
تحس انهم اول مره يشوفو شهادات استثماريه او ما شابه
و تلاقي واحد يقولك انا بساهم في اقتصاد مصر
طب لو حصل ثوره و لا اي بلاء ازرق و المشروع وقف ؟
لو كانت الشهادات بدون فوائد او بفوائد ضعيفه ؟
كنت هتقول بساهم في اقتصاد مصر ؟
انا مش عارف الثقه دي الناس جايباها منين ؟
يمكن انا اللي فيا حاجه غلط و مش فاهم
روح اشتري الشهادات دي لما المشروع يبقي متواجد علي ارض الواقع و تشوف السفن رايحه جايه بعينك
او علي الاقل لما يكون في دراسه جدوي منطقيه للمشروع
مش يتقال حفر علي الناشف و في سنه واحده و تروح تشتري الشهادات
كونك انك تنزل وتشتري وتفك شهادات قديمة و تغامر و تثق في الله و حبة لك ولبلدك
دة حس وطنى حتى لو الشهادات بفايدة 99%
اكيد كل واحد نازل خايف على فلوسة و بيفكر الف مرة ذى ما اللي بيقول حيفشل وحفر عالناشف و استني لما تشوف السفن رايحة جاية بعينيك
دة اسمة الحس الوطنى اللى بيحرك الناس
عايز تجيب بقي بعد ما القناة تتفتح بأذن الله كدة بقي انت نازل تجيب شهادات وخلاص لا شايل مخاطرة او مغامرة
الله ينور
ولا فيها ريحة الوطنية ولا الحس الوطني
ده استثمار صريح ومربح جداً
واللي فاكر نفسه بيعمل كدة من احساسه بالوطنية يبقي غلطان (الوطنية انتهت في عصر كله بيجري ورا الجنية)
لأن شعبنا شعب طماع وعايز الزيادة والجنية يجيب جنية (انما تقولي وطنية وكلام فاضي...تبقي بتهزي)
وعموماً هو مشروع مضمون للجماعة المشككين "الاخوانجية"اللي بيقولوا فنكوش ........بصراحة شكلكم بقي وحش اوي كل حاجة تشككوا فيها وعايزين تقنعوا الناس بالعافية ان البلد خربانة وكل المشاريع فاشلة وان الخير كان هيبقي علي ايديكم وجماعتكم ومرسيكم العبيط وبس وان البلد مش هتشوف خير من بعديكم....يا حرام عايشين في وهم الخلافة الوهمي...."شفاكم الله"
يعني العبيط ده لو كان اعلن عن مشروع القناة دي ايام حكمه "السودا" كان زمانكم دلوقتي بتحكوا علي انجازات ومشروعات عملاقة وخير بالهبل لمصر علي ايد الاخوان مش بعيد كنت تسموها اول قناة اسلامية في عهد الخليفة امير المؤمنين "قناة مرسي البحرية الاخوانية"
لكن طالما السيسي صاحب المشروع يبقي فاشل وفنكوش
اتقوا الله ....وارحمونا بقي من الاشاعات والتحريض علي النظام ومحاولة هدم البلد وتخريبها...خلاص الناس فهمت الاعيبكم ومش هيصدقوكم تاني مهما قولتوا ومهما عملتوا....وسيخلف الله ظنكم ولن تنالوا مرادكم
ودخل القناة هيبقي كبير جداً ان شاء الله والعائد ال 12 % مش هيكون عبئ علي المشروع ولا حاجة
نسيت اضيف ان طرح الشهادات لفترة 6 شهور تقريبا
يعنى اللى عايز يشترى عالجاهز وميشلش مخاطرة بعد ما القناة تفتح بعون الله .. مش حيلاقى :)
النهاردة وانا قاعد عالقهوة عالبحر بشرب كوباية الشاى بالنعناع المعتادة مع حجر التفاحة البحريني الأصيل :)
صاحب الكافيتيريا داخل مناقصة على مجمع كافيتيريات في المنطقة الحرة اللى حتفتح هناك :)
حتى القهوجي حسة الوطنى حركة :)) ههههههههه
السوال هنا: هل لو كانت الفوايد اقل او نفس قيمتها فالبنوك الاخري كان التوافد والتزاحم بالمنظر ده ؟؟؟؟
معتقدش. اذن فالدافع مادي بحت ليس وطنية كما يدعي البعض ( ومن حق صاحب المال يشوف مصلحته ومين هيديله فوايد اكتر ويخليه معاه ).
فقط نسمي الاشياء بمسمياتها ولا نعظم شيء ونعطيه اكبر من حجمه.
والله اللي يخاطر بفلوسة في الفنكوش (على رأي المعترضين) يبقي يأما بيقامر يأما حس وطني
وانا ارمي فلوسي (عالناشف) عشان 1ونص % ما باقي الشهادات في البنوك بتوصل ل 11% ومضمونة وذى الفل! يبقي حس وطنى ولا لأ ؟!
اهرى يا مهرى و انا مش على مهلى. . . ده شعار الناس تجاه الموضوع
يعنى ايه؟ يعنى فى وسط الحوارات البيزنطية اللى من نوعية الكلام اللى فى الموضوع ده. . . حصيلة انهاردة بس 8% من اجمالى المبلغ المطلوب يعنى اكتر من 5 مليار جنيه من اصل 60 مليار و بالمعدل ده الليلة كلها هتخلص فى اسبوعين. . . هذه واحدة
و خذوا ثانية. . . الشهادات دى بنسبة الفايدة دى مش اول مرة تنزل السوق بل من سنة بالظبط كانت شهادات ال 3 سنين ايا كان مسماها حسب البنك المصدر كانت فايدتها 12.5% يعنى اعلى كمان من شهادات القناة. . . يبقى التسارع المرة دى ايه سببه؟ وطنى ده و لا مش وطنى يا متعلمين يا بتوع المدارس :-)
خدوا بقى القاضية. . . انا كنت فى البنك النهاردة من 8.5 صباحا. . . لقيت واحد داخل عمال يتخانق. . . انا هنا من الفجر يا عالم. . . قعدوا يهدوا فيه و قعدوه عند موظفة هادية انا كمان بحب اتعامل معاها. . . شاورتلها قالتلى استنانى بعد الحاج. . . و لما قرب الحاج الغضبان يخلص قعدت امامه فى مكتب الموظفة اللى كانت بتخلص فى حاجته. . . اللى هى ايه. . . شهادتين فى القناة واحدة بألف و واحدة ب 100 جنيه. . . لفت نظرى مبلغ ال 100 جنيه و مقدرتش اسكت و قلتله. . . بس ال 100 جنيه دى يا حاج مش هتفيدك شهادتها حاجة. . . دى هتاخد فايدتها اللى هى كلها 60 جنيه فى اخر ال 5 سنين. . . قالى كلمة اذهلتنى و معرفتش بعدها انطق غير انى اقوله الله يبارك لك يا حاج. . . قالى يابنى بس انا عايز اشارك و هو ده اللى معايا. . . و انتهى الكلام. . . و انتهت رسالة واحد مصرى عادى غلبان لأى مشكك. . . و عشان خاطر الراجل ده بالذات و كل اللى زيه هتتعمل القناة. . . و لازم تتعمل. . . بالعند فى كل المشككين. . . و خلينا احنا لارج و مش هنقولهم موتوا بغيظكم زى ما هم كانوا بيعملوا لما كانوا فاكرينها دايمة لهم. . . سبحان من له الملك يعز من يشاء و يذل من يشاء
الناس ملهااااااااش دعوه بالمشروع يبقى موجود او لا دى مش سهم قناه السويس دى شهاده استثمار بنكيه مضمونه من البنك اصل و ارباح حضرتك مشترتش شهادات قبل كده ؟؟ لو اشتريت هتبقى عارف يعنى ايه هيا هيا بالظبط بس مع عائد اعلى الحكومه ملتزمه زى الشهادات بالظبط انها هتدفع الارباح و راسل المال اصلا الشهادات العاديه فلوسها برضه بتروح للدوله على شكل سندات حكوميه الدوله بتبيعها للبنوك و تديهم فايده اعلى شويه من الى بيدوها للناس و دى نفس الكلام بالظبط شهاده اصدرها البنك المركزى مش شركه قناه السويس يتاخدها من البنوك الحكوميه مش من جوه شركه و لا تتداول فى البورصه
و هما قاصدين يعملو كده قاصدين ينزلو شهادات مش اسهم عشان كده عشان عارفين كويس ان الناس بتحب تحط فلوسها فى البنوك الحكوميه المضمونه و تاخد شهادات مضمونه و علو سعر الفايده لنفس الكلام عشان الناس تشترى دى بالظبط و بكده يبقو استفادو الفلوس و الشكل العام ان الناس هتموت على بناء قناه السويس الجديده اما لو كان نزل اسهم كان هو نغسه عارف ان الناس هتقول اشترى لما اشوف المشروع فيه مكسب ولا لا لان الاسهم فيها المكسب او الخساره
و انا متفق تمما مع كل الى بيقول الناس بتشترى عشان ال 12 فى الميه و لانها شهاده مش سهم و مفيش اى مخاطره لكن هما حبو يعملو الشكل العام و نجحو فيه كل العالم شايف طوابير نفسها تشترك فى قناه السويس :)
الاخ الفاضل الحبيب الدكتور شهدي
مين بس اللي بيخاطر بفلوسه اخي الحبيب
الناس كلها مؤيد ومعارض عارفة ان الفلوس بضمان البنك المركزي
الناس كلها عارفة مؤيد ومعارض ان حتي لو المشروع طلع فنكوش برضه هتاخد فوايدها و اصل فلوسها
الناس كلها عارفة ان الفائدة اكبر من اي فائدة تانية في اي بنك علشان كده اقبلو علي الشراء
تعالي بنا لحظات نعود للوراء في سنة 1997 و حين ذهب مبارك لافتتاح مشروع توشكي تخيل يومها لو انه عمل نفس الفعل و قال هندي للناس 12% فائدة كان الناس برضه هتشتري اخي الحبيب و لما المشروع طلع فنكوش برضه الناس كانت هتصرف فلوسها عادي جدا زي ما الموظفين بيقبضو مرتباتهم و الدولة مديونة لطوب الارض
اين هو الحس الوطني اخي الحبيب في شراء شهدات من بنوك الدولة بضمان الدولة سواء ربح المشورع او خسر المشروع
اخيرا اخي الحبيب المشروع استثماري بحت ولو كان لحضرتك مشاركة وطنية فليس بالضرورة يكون كذلك للاغلبية من الشعب
و لو ان هؤلاء الناس قالو لهم صباحا هناك مشروع اخر سيعطي 20% بضمان الدولة ايضا و الفلوس لا توجد فيها مخاطر مثل المشاريع الاستثمارية سيسحب الناس ودائعهم بعد عام وسيشترو الشهادات ذات العائد الاعلي و الله يرحم ايام شركات الريان و السعد الخ الخ مع ان في نفس الوقت كانت الدولة بتحارب الارهاب في الثمانينات و الناس مكنتش بتعتق و بتروح تضع تحويشة العمر كله للي يديهم عائد اعلي
تحياتي اخي الكريم
تعديل بسيط. . . الحصيلة النهائية للنهاردة هى 6 مليار بالتمام و الكمال حسب اخر تصريحات لهشام رامز محافظ البنك المركزى يعنى 10% من اجمالى المبلغ يعنى بالمعدل ده الليلة كلها هنخلص فى 10 ايام فقط لا غير. . . و اهرى يا مهرى :-)
انا عايز اوضح نقطتين :
نقطة المخاطرة : تقريبا صفر لان البنك هو ضامن الفلوس وبالتالى المشروع كسب خسر انت ليك فلوسك من البنك وفوقيهم ارباحك كمان
نقطة حس وطني ولا تجارة : احنا مدخلناش قلب كل واحد عشان نحكم عليه
قال رسول الله صلى الله عليه وسلم : " إنما الأعمال بالنيات وإنما لكل امرئ ما نوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها أو امرأة ينكحها ، فهجرته إلى ما هاجر إليه "
وياريت منخلطش بين ده وبين صندوق تحيا مصر ده فلوس وهترجع تاني لكن صندوق تحيا مصر هبة او تبرع يعني فلوس مش راجعة
استاذ شهدي
لو احنا في دوله محترمه اقولك كلامك صح لكن احنا في جمهوريه الموز
ممكن تقوم ثوره و لا انقلاب و لا حرب و لا اي بلاء ازرق علي دماغنا و المشروع وقف
هتيجي للبنك و تقوله عايز فلوسي صح كده ؟
البنك ممكن يقولك مفيش فلوس او هيتخصم جزء عشان الاقتصاد عيان او اي كلام حمصي
مش ممكن ده يحصل ؟ احنا في جمهوريه الموز و حقك فيها مش مضمون
اي كان مين رئيس و لا وزير و لا غفير
لما ارمي فلوسي في حاجه زي "سمك في ميه" و معتمدين علي نزاهه و وطنيه رئيس
مش معتمدين علي دراسه جدوي محترمه و منطقيه او حتي معتمدين علي كلام خبراء بنثق فيهم
مع احترامي للجميع
رئيس الجمهوريه اي كان مين لا يفقه شئ في هذا المشروع الضخم
عن نفسي معرفش امشي ورا كلام رئيس الجمهوريه في النقطه دي
ادي العيش لخبازه