عايز اعمل مصنع اكياس ومحتاج خبره اساتذتنا في المنتدي

**A7medelfe2y** · 01-09-2014 05:05 PM

بعد اذن اساتذتنا في المنتدي انا فعلا في حيره بقالي سنه
واستخرت ربنا وتوكلت عليه وقررت اعمل مصنع اكياس
وسالت كتير ولفيت علي مدار السنه الي فاتت كلها
ياريت لو حد عنده خبره في المجال دا سواء تصنيع او تجاره او تسويق
او اي حد شغال في المجال دا وعنده استعداد يديني النصيحه الصح يبقي جزاه الله كل خير

**hesham fawzy h** · 01-09-2014 06:11 PM

متابع

**Secret-Man** · 01-09-2014 06:47 PM

احدث دراسه جدوى دقيقه من SFD Egypt لمشروعك وربنا يوفقك ان شاء الله

موقع ومساحة مشروع مصنع اكياس بلاستيك:

يمكن ان تنشأ مصنعك في احدي المدن الصناعية الجديدة المتواجدة في بلدك وذلك لعدم تلوث البيئة وقلة الايجارات في مثل هذة المناطق، وستحتاج الى مساحة كلية تقدر بنحو 120 متر مربع فقط.

ملخص مراحل الانتاج وتسلسل العمليه الانتاجيه

اعداد الخامه:

1- يتم وضع الماده الخام ( بلاستيك خرده – بودره بولى ايثيلين منخفضه الكثافه ) فى القادوس لتغذيه حيز التسخين

2- يتم اضافه اللون

عمليات البثق ( ماكينه الفيلم ):

1- دفع الخامه من خلال ترس حلزونى داخل الماكينه وتسلط عليها الحراره عن طريق سخانات الى أن يتحول الى ماده لينه ثم تدمج وتدفع للخروج من فتحه الى قالب الاسطوانه

2- يدفع تيار هواء مضغوط عن طريق ضاغط هواء فى منتصف مجرى العينه وتمر من خلال الباثقه فى صوره بالون من البلاستيك علما بأنه كلما زادت كميه الهواء المضغوط كلما قل سمك البالون وزاد الحجم

عمليات التجهيز:

1- تسحب البالونه وتمرر على درافل وتلف على بكرة سحب

2- يتم نقل البقرة الى ماكينه القص حسب المقاسات المطلوبه والمقص مزود بسخانات للحام الكيس وتكون افقه وبذلك يفصل الكيس عن بكرة الخامه

يمرر المنتج الى المكبس لتفريغ مكان اليد

3- يتم تجميع الاكياس بشكل منتظم للوزن والتعبئه حسب الطلب

ملخص الآلات والمعدات المطلوبه:

1- ماكينه فيلم 40 مم

2- 2 مقص كهربائى

3- مكبس 5 طن

4- ماكينه لحام

5- ميزان

المعرفه المطلوبه لصاحب المشروع:

لضمان نجاح المشروع يجب ان يكتسب صاحبه المعرفه من خلال العمل بمشروع مثــيل , او التدريب العملى بأحد المصانع او جهات التدريب , او ان يكون حاصلا على مؤهل صناعى متوسط او فوق المتوسط او عالى.

تكاليف مشروع مصنع اكياس بلاستيك المتوقعة:

المبيعات المتوقعة لمصنع اكياس بلاستيك:

**بحار** · 01-09-2014 08:04 PM

مصنع الاكياس من المشروعات الجميلة لانها بتدخل فى شتى المجالات
عيوبه فلوسك بتبقى متبعترة فى السوق .. وعاوزة قرد علشان يلمها .. لان اللى بيشترى منك عنده المعروض عليه كتير
فلما تيجى تقولة مش هاجيب تانى غير لما نحاسب على القديم .. يجيب من حد تانى .. وهكذا
لو عندك حد يعرف يقوم بالمهمة دى ( مهما كان مرتبه ) .. وبرده تساعده انك تنقى العميل المحترم .. يبقى ابشر ان شاء الله تاكل الشهد

**A7medelfe2y** · 01-09-2014 09:39 PM

شكرا لكل اساتذتنا الي ردوا
والخط كامل انا سالت عليه في اكتر من مكان عند جبه والبهلول والطارق وغيرهم
وسعر الخط 245000 فيه الفيلم والمقص والمكبس واسمه ميتا ماكس
وانتاجه من 900كجم-1250كجم وموجود عند الطارق في اسكندريه
وبودره البولي ايثيلين تمنها 14200 ج
ياريت اصحاب الخبره يفيدونا في ولهم الاجر والثواب

**Bassem Youssef** · 01-09-2014 10:18 PM

لازم دراسه جدوي من مكتب محترم

**S O P H O S** · 02-09-2014 12:08 AM

فكرت فمكنة عمل اطباق الاكل
ولكن ملقتش اسعار ولا اماكن لشركات بيع استراد

**A7medelfe2y** · 02-09-2014 04:07 PM

يعني مش هنعرف نعمل مشروع ولا ايه ياناس

**أبو_يوسف** · 02-09-2014 04:11 PM

رحت معرض ايجي بلاست ولا لأ؟
النهاردة اخر يوم وفي قاعة المؤتمرات
ربنا يوفقك

**أبو_يوسف** · 02-09-2014 04:13 PM

انت بتتكلم عن مصنع أكياس اللي هي شنط للمحلات؟
هو انت ليك علاقة بالشغلانة دي من الاساس؟

الموضوع: عايز اعمل مصنع اكياس ومحتاج خبره اساتذتنا في المنتدي

LinkBack

أدوات الموضوع

عرض

-

-

-

-

المواضيع المتشابهه

عايز اعمل صيانه ومحتاج آراء الخبراء ..

عايز اعمل مصنع بلاستيك

عايز اعمل صيانه للعربيه ومحتاج مشورتكم جدااااااااااااااااااا

عايزه نصيحه اساتذتنا في المنتدي

عايز اعمل جواز سفر ومحتاج خبراتكم

الكلمات الدلالية لهذا الموضوع

المفضلات

المفضلات

ضوابط المشاركة