محتاجة مساعدتكم ضروري لأفيو 2011

**Amal Mohamed** · 01-09-2014 07:05 PM

انا معايا أفيو 2011 تفقيل مصري وكل حاجة فيها طبعا زي مانتو عارفين >> كنت بوديها التوكيل دايما عشان اضمن انها متعطلش بيا ف اي مكان
المهم بقالي سنة متبهدلة بيها كل شوية اعطال وكل ما اروح يغيرولي حاجة وادفع فلوس وتفضل العيوب زي ما هي سواء تكييف او عفشة لحد ما وصلت دلوقتي ان المساعد الشمال الأمامي ضرب واليمين على وشك وده لاني ماشية بيها بقالي اربع شهور وكل ما اروح اقولهم فيها صوت والعربية مش مظبوطة يغيرولي مرة بطاحات ومرة معرفش ايه ودفعت حوالي 3500 وارجع بالعربية الاقيها نفس المشكلة واخر مرة اتخانقت ودخلت لمدير الفرع قالولي ده المساعد بايظ انا طبعا بعد ما اتخانقت وبهدلتهم اخدتها ومشيت وقررت اوديها لحد بره خصوصا اني طلعت من الضمان خلاص

السؤال بقى اجيب منين مساعد جديد لان ف مركز قطع الغيار تبعهم قالي المساعد الواحد ب 650
ولما ودتيها لعفشجي بره وبعتني في اماكن تانية فيها قطع غيار الأفيو قالولي الكوري الاتنين ب 650 والياباني الاتنين ب 750 وناس قالتلي انزل مكان في وسط البلد او المطرية هلاقي هناك قطع غيار وهلاقي مستورد وانه احسن من الجديد
انا طبعا معرفش اي حاجة ف الموضوع ده ولا فاهمة فيه حاجة وجايز جدا يتنصب عليا ومعرفش هل فعلا فيها قطع غيار ياباني وانها الاحسن ولا ايه واجيبهم منين
وخايفة تعطل مني على طريق سفر او يحصل فيها حاجة
أفيدوني رجاءً
شكرًا مقدمًا

**aymanshebl** · 01-09-2014 07:30 PM

طب ماتشوفى مركز Speed Service Center

مهندس هانى ميخائيل

المؤهل : بكالريوس هندسة جامعة حلوان تخصص ميكانيكا سيارات وجرارات دفعة 2005 .
سنوات الخبرة فى مجال السيارات : 7 سنوات من ضمنهم :
1- مهندس استقبال بشركة الأمل ( توكيل لادا ) .
2- مهندس PDI غبور ابورواش .
3- مهندس ورشة ( المركز الرئيسى غبور ابو رواش ) .
4- مهندس استقبال غبور ابو رواش
5- مهندس استقبال نائب مدير قسم الأستقبال ( غبور قليوب ) .
عنوان المركز : 10 شارع عشرة خلف حديقة بدر - متفرع من شارع حسر السويس - القاهرة

موبيل : 01060900088

مهندس هانى ميخائيل

**Mecha** · 01-09-2014 08:57 PM

مينفعش تركبي مساعدين مستعمله او استيراد كما يقال
سوق قطع الغيار التوفيقيه حوالين شارع سليمان الحلبي ومعروف
في ماركات كويسه زي توكيكو الياباني و مونرو غالبا امريكي

**Amal Mohamed** · 01-09-2014 10:24 PM

شكرا جزيلا Mecha

طيب معلش انهى ماركة فيهم الأحسن مع العربية علما اني لسه مغيره العجل ولا درجة نعومتهم واحدة؟

**Mecha** · 01-09-2014 11:12 PM

المشاركة الأصلية كتبت بواسطة amal mohamed

شكرا جزيلا mecha

طيب معلش انهى ماركة فيهم الأحسن مع العربية علما اني لسه مغيره العجل ولا درجة نعومتهم واحدة؟

توكيكو الياباني , و لازم تغيري الاتنين , يمين وشمال لانهم من عمر واحد

**eng_sherif_00** · 03-09-2014 05:11 PM

المساعدين الجى ام الاصلى بره التوكيل ب 950 جنيه وهما افضل اختيار انا لسه جايبهم

**ysamerlabib** · 04-09-2014 12:14 PM

انا رأيي انك تكلمي م/ هاني ميخائيل وتسأليه
وعموما لو في العربية اي حاجة هوه الوحيد اللي حيديلك ضمان بجد على كل الشغل اللي عمله

البيانات بتاعة المركز موجود في الموضوع هنا من العضو aymanshebl