السلام عليكم ياجماعه الخير
انا فيه موقف حصل معايا كده انبارح وحابب اخد رأيكم
انا معايا هوندا سيفيك 2013 هاى لاين جايبها من حوالى شهرين انا انبارح كنت فى شارع دمشق مصر الجديده بركب عازل حرارى للعربيه انتم عارفين طبعا الحر والجو عامل ازاى المهم انا اتفقت مع الراجل والصنايعيه ابتدو شغل فى العربيه وقعدو حوالى ساعتين يركبو فيلم العازل الحرارى
خلصو وحاسبت الراجل ودورت العربيه حصل الاتى
1- لمبه VSA و ABS و ُEPS التلاته لقيتهم منورين ومش عاوزين يطفو
2- ببص فى شاشه العربيه لقيت 3 رسائل
ABS problem check ABS system
VSA problem check VSA system
EPS problem check EPS system
طبعا انا استغربت جدا دى اول مره يحصل معايا الكلام ده شيلت المفتاح كذا مره وجيت ادور تانى برده نفس المشكله ونفس الرسايل فكرت ارجع للراجل اللى ركب الفاميه بس قولت هو مش حيفهم حاجه واكيد حيقولى انا معملتش حاجه فى العربيه دى تركيب من بره
المهم مشيت بالعربيه عادى والرسائل فى الشاشه زى ماهى مبتتغيرش وروحت طالع على توكيل ابو رواش وركنت العربيه جنب التوكيل ونزلت قولتلهم انا عاوز اعمل صيانه الالف (العربيه مكنتش لسه كملت الف كيلو ) وجيبت المهندس وحكيتله على اللى حصل الراجل خد المفتاح ودور لقيت الرسائل لو حدها اختفت من غير اى حاجه دورنا العربيه كذا مره وبرده مفيش اى حاجه الموضوع طبيعى جدا
المهم الراجل قالى ماشى انا حعمللك صيانه الالف واخليهم يشوفو ايه الحكايه وسألنى انت ركبيت حاجه فى العربيه قولتله لا اللى عملته انى كنت مركب فرش جلد و النهارده قبل ما اجيللك كنت مركب عازل حرارى وبس قالى ايه العلاقه بين الفرش والازاز والرسائل اللى كانت بتطلع قولتله معرفش انا مستغرب زيك
المهم عملى صيانه الالف وقالى موضوع الرسائل دى محتاج وقت (انا كنت رايحلهم متأخر اوى الساعه 3 الظهر وكمان مش حاجز معاد صيانه)فممكن تعدى علينا تانى بدرى كده وناخد وقتنا فيها
المهم انا روحت بالعربيه وعادى العربيه شغاله عادى فمش عارف تفتكرو ايه اللى حصل