سبب انتشار الـ بروتون ويرا PROTON Wira 2004

**Omar Mahmoud** · 02-09-2014 08:32 PM

المشاركة الأصلية كتبت بواسطة yousefsemsem

العربيه بتقبل تعديلات كتير وتسقيط مواتير وشغل عالي برضه زي باقي اللانسر والهوندا سيفك ماتقلقش في ناس مخليها عربيات جباره وثبات محترم اوي لانها تقيله

وماتستقلش بماتورها 1300 مزعل ناس كتير
مابالك بقي بال1500 او 1600 او 1800 كل ده استوك

في ال1500 توين كام وفي المايفك وفي كل حاجه

من ضمن المواتير اللي سمعت إنها ممكن تتسقط موتور الإيفو 3

**yousefsemsem** · 02-09-2014 10:06 PM

بيتسقط نفس الموتور بس دفع امامي بس لكن لو عاوز تخليها ايفو بتتعمل وبتبقي رباعي لكن الموتور ده علي فكره بيرزع بسرعه لانه مفتري ماشاء الله
وطبعا اللي بيسقطه مابيسميش عليه

**amirz** · 13-09-2014 11:02 AM

العربية الحمد لله بالفعل منتشرة مش لسة هتنتشر وسبب نجاحها ان مواتيرها قوية وبتتحمل وقطع غيار رخيصة ومنتشرة والثبات بصراحة بتاعها هايل على الطريق وفيها كل الاوشنز زى زجاج وتكييف وبور وسنتر وكده. عربية ماشاء الله جميلة وانصحك بيها عن تجربة

**memo_p910** · 13-09-2014 07:36 PM

الويرا لا يعلى عليها من جميع النواحي عن تجربه لفتره طويله ممكن تقارن في الاعتماديه زي الكورولا والهوندا سيفيك
لكن موضوع انتشارها ده مش ممكن يزيد لانه وقف انتاجها ياريتها كانت لسه بتنتج لغاية دلوقت زي عربيات اقل منها بمراحل الفيرنا والدايو لانوس مثلا
او حتى يسمحوا بدخول المستعمل منها من بره انا شوفتها في ماليزيا منتشره بشكل كبير جدا تقريبا ربع العربيات هناك ويرا والحالات كلها نظيفه جدا ومعمول فيها شغل عالي