عايز اغير زيت الفتيس و خايف ...98000 كيلو

**wisheey** · 02-09-2014 11:56 AM

التوكيل ( اللة يسامحهم ) كانو مفهميني اني مش محتاج اغير زيت الفتيس ( جيتا 2009 فتيس قديم )...المهم العربية عاملة 98000 ومغيرتش زيت وبدأت احس بحاجات بسيطة كدة في النقلات (مش قادر اعرف من الفتيس ولا قواعد ماتور مثلا ) .. تنصحزني اغير الزيت ولا اعمل اية ؟..خايف عقل الفتيس يبوظ

**Ahmed Saad** · 02-09-2014 12:08 PM

بص ياباشا انت هتغير زيت الفتيس إن شاء الله بس هتطلع على أحمد زاهر في صقر قريش وخليه هوا اللي يغيرهولك ده كان مهندس في التوكيل وهيفهم هوا هيعمل ايه وخليه ينضف الفالف بدي وحط الزيت الأصلي والفلتر بتاع الفتيس وواظب على كده كل 60000كم وإن شاء الله بسيطه

**Mohamedjetta** · 02-09-2014 12:57 PM

لازم تغيره ولازم تجيب الزيت بتاع التوكيل وعلي فكره اكتر التوكيلات بقو مش بيفهمو حاجه وعملو نفس الموضوع معايا في النترا 2010 وقالولي مش بيتغير زيت الفتيس ابدا و بعد ما جمركت العربيه ونزلتها مصر بدأت احس ان نتشه في النقله الاولي وطبعا رحت لكذا ولحد بتاع فتايس وقالي زيت فتيس الالنترا بيتغير وبرضو الاعضاء قالولي يتغير

**wisheey** · 02-09-2014 01:11 PM

شكرا يا رجالة ..بس انا خايف لما اغير اخش في حوار فالف بودي ولا اييييية ؟

**msnaga** · 02-09-2014 01:16 PM

ما تغيرش زيت الفتيس ، وروح لحد بيفهم يشوف النتشه دى من آيه

**Ahmed Saad** · 02-09-2014 02:15 PM

المشاركة الأصلية كتبت بواسطة wisheey

شكرا يا رجالة ..بس انا خايف لما اغير اخش في حوار فالف بودي ولا اييييية ؟

مانا قولتلك ياباشا اطلع على أحمد زاهر في صقر قريش المعادي ده متخصص فتيس اوتوماتيك وكان شغال في توكيل فولكس ومش بتاع اشتغالات في ناس كتير هنا في المنتدى اتعاملو معاه وشكرو فيه اطلع له وهوا هيحللك الموضوع بإذن الله