اقتباس:
المشاركة الأصلية كتبت بواسطة ihabmd
السلام عليكم ورحمة الله وبركاته
حبيت انقل تجربتى عشان الكل يستفاد
اولاً انا دى تانى عربية امتلكها كان معايا قبلها اكسنت 2006
تم تجربة bmw e46 و mercedes c180 w202 و سكودا فانتزيا و فورد فوكوس 2010
و عربيات تانيه كتير لاسباب حبى للتجربة بالنسبة للسيارات
تانى حاجه .. الأول قبل الهجوم و المقارنة مثلاً بيها و بين عربيات اغلى منها ب 100 الف جنية فكر كويس انت بتشترى ايه و بكام بالنسبه لفئتها الـ cross over
------
اولاً الشكل الخارجى اللى أول حاجه بتخطف الناس
انا شايف انه ممتاز عن اللى قبله فى فن كده و انسابيه
http://www.carnewschina.com/wp-conte...t-1.jpg?109b36
http://www.speranzaegypt.com/wp-cont...04/tiggo10.jpg
تم شراء العربية فى اخر اسبوع فى 2013و وصلت النهاردة ل 21 الف كيلوفوانيس امامية ب led و projector lens لتحسين الأضاءة و التحكم فى ارتفاع العدسة
http://www.ifgeg.com/wp-content/uplo...iggo-new-6.jpg
http://chinaautoweb.com/blog1/wp-con...o-2012-005.jpg
الشكل اتطور فعلاً ( ال led فى الفوانيس الخلفية و الأسبويلار بمسطرة الفرامل شكلها تحفة مش شاء الله )
http://i01.i.aliimg.com/wsphoto/v0/7...od-quality.jpg
ثانياً: الشكل الداخلى
http://cdn.autocentre.ua/ac/12/24/im...ry_tiggo_2.jpg
الخامات اتغيرت بعد الشىء عن اللى قبليها
http://www.listadecarros.com/wp-cont...tiggo-2010.jpg
التابلوة بقه لونين و ده شىء كويس التصميم اتغير للأفضل الخامات مش حاسس فرق كبير اوى يعنى
لكن الشكل أفضل بكتيير و العداد اتحولت لشكل محترم كده
يمكن كمان مكان الكاسيت ده تجيب شاشة dvd
طبعاً ربنا يخليلنا ابو الفتوح .. لوك درج التابلوة اتشال .. و اللمبه اللى فى نص الكابينة اتشالت بردو ...
http://www.motorafondo.net/wp-conten...ry-tiggo-6.jpg
ثالثاً: عوامل الأمان و الكامليات
العربية مزودة ب abs , ebd
و كمان dual airbag
للسائق و الراكب الأمامى
الصراحة فرق اوى يا جماعة ال abs و ebd انا مش عارف ازاى عربيات كورى بتتباع بفتحة سقف و طارة مالتى و مفهاش ولا abs ولا ebd
عوامل الأمان اهم بكتيير من الرافهية لاقدر الله حصل اى حاجه مش هتنفعك فتحت السقف توقف العربية ..
كمان موجود فيها immobilizer
مانع السرقة و ده شىء مهم جداً حقيقى ..
العربية فيها طارة مالتى فانكشن من غير بلوتوث
http://www.speranzaegypt.com/wp-cont.../04/tiggo1.jpg
مزودة فجنط سبور مقاس r16 235/60
كاوتش عريض يدى ثبات للعربية
موجود فيها ايضاً parking sensor
2 فقط عشان النص الأستبن ( و توفير بقه )
بردو المرايا الداخلية فيها بصلة و تحديد ارتفاع مستوى الأرض بمستوى اخر و تقريباً الضغط الجوى
طبعاً فرش جلد للكراسى و الدركسيون
فوج لايت امامى و خلفى و ليد امامى و خلفى
طبعاً موجود فيها الكماليات العادية ( السنتر لوك و 4 قزاز كهربة و جهاز انذاز و ضبط مستوى الطارة و مريات كهربة و ريموت ( واحد ) العادى يعنى ( المفروض ) )
رابعاً: التقييم
و هيبقى من 10 عشان يكون دقيق
الشكل الخارجى : كويس و شيق كده تحس ان تصميم العربية حديث
ارتفاع العربية ميزة من ميزات العربية الحقيقى تحفة بس كنت اتمنى يزيد عن كده ( عاشق للعربيات العملاقة )
ممكن 7/10 بسبب ان الفوج لايت صغير مش بيعطى اضاءة كافية مع انهم كان من الممكن عمل فوج اكبر لسعة المكان و الأستبن اللى بيقفل بقفل ده من بره!
الشكل الداخلى : الخامات لسيت بال المستوى المطلوب لسيت جيدة او رديئة مثلاً لكن ليست جيدا
التابلوة شكله حلو
العداد حلوة جداً
السعة للأفراد .. الأتنين اللى قدام يقعدو مرتحين جداً عكس اللى ورا
الشنطة واسعه بقارنتها بعربيات ال cross over الأخرى
7/10
الموتور :
الموتور قوى جداً 126 حصان 1600cc تحفة فال acceleration
لكن بالنسبة لأن الفيتيس ال cvt بيعتمد فى الأصل على توفير البنزين ف تحس أن الموتور مكتوم شوية .. لكن الموضوع بصيت ممكن تفج فيشة حساس الدبيراج و العربية هتبقى افضل فى السحب و أكتر فى حرق البنزين
الفيتيس:
الفيتيس مش ماية مثلاً زى فيتيس الأكسنت .. لكن بيوفر بنزين الصراحة
استهلاك الوقود:
انا لسه امبارح كنت مسافر اسكندرية و روحت مطار القاهرة عملت حوالى 680 كيلو فى يومين
كنت ماشى على معظم الطريق الصحراوى 160-170
و مشغل التكييف طول الطريق و على الدائرى ماشى بردة بسرعة
المهم عملت معايا 54 لتر
بمعدل 7.94 لتر لكل 100 كيلو
يعنى 8 لتر لكل 100 كيلو ..
طبعاً ده معدل استهلاك وجود ممتاز ده راجع لتقنية ال cvt
التقفيل :
6/10
الفرامل :
ممتازة و تشيلك وقت متعزها
8.5/10
الثبات:
بالنسبة انها عربية عاليه فالمتوقع ان سبتها اكيد استحاله يجيب عربية سيدان عادية لقربها للأرض ..
لكن انا شايف انه ثابتها افضل بكتير من عربيات سيدان حتى فى الملفات ده راجع ان العربية وزنها حوالى 1750 كيلو و جنطها عريض و ال ebd
ببقى جايب ال 160 و عادى مش مقلق و ماسك الطارة بايد واحده مش مكلبش فيها
التكييف :
7.5/10
العفشة:
كويسه مش ناشفه و مش طرية
8.5/10
التقييم العام
8/10
على قد فلوسها ..
انا مش هطلب اركب x3 و انا معايا 118 الف جنية مثلاً يعنى ..
و شكراً لوقتهم و اى استفسار انا موجود :)
صحيح يا جماعة نقط نسيت اكتبها ..
عزل العربية ممتاز بجد
عزل الصوت اكنك قاعد فى حته و بعد مقفلت القزاز فى حته تانيه خالص هاديه!
عزل الصوت ممتاز ما شاء الله و كذلك الحرارة
بالمنسبة بيجى مع عدة العربية صاموله لوك بتبقى موجودة عشان الأستبن و دى حاجه كويسه