ما حدث معى فى بريليناس كروس ٢٠٠٩ !!!

**iEgyptian** · 03-09-2014 08:42 AM

المشاركة الأصلية كتبت بواسطة mamoud salah h

الواضح من كلامك ان العربية لسة هتصرف اكتر واكتر وللاسف دي عربية صيني وماشية كتيير اوي بالنسبة لموديلها وواضح ان صاحبها كان مهمل فيها ومش مهتم
انت عهتصرف ومش هتلاقي وهتبيع في الاخر بخسارة اكبر

المشكله ان العربيه حتى لو فكرت ابيعها حخسر فيها فعلا بس المشكله الاكبر ان انا ادبست فيها وكمان العربيه سوقها تقيل وخصوصا فى الغردقه لان الناس بتقلق من العربيه . انا ادبست والله بجد مش عارف اعمل ايه ..اتعاييش وخلاص مع العربيه بقرفها وخلاص لحد ما ربنا يكرم وابيعها .:(

**iEgyptian** · 03-09-2014 08:45 AM

المشاركة الأصلية كتبت بواسطة amr011111

هل الميكانيكى متخصص فى العربيات ديه ولا بتاع كله

بتاع كله وكمان مفيش توكيل للعربيه هنا . والميكانيكى محسيسنى انه طالع بتقدير امتياز فى هندسة ميكانيكا سيارات وان بدفع وخلاص ومش عارف هو بيعمل ايه فى العربيه اساسا ....

**iEgyptian** · 03-09-2014 08:49 AM

المشاركة الأصلية كتبت بواسطة aymanshebl

المشكلة الميكانيكى مش فاهم و قطع الغيار مضروبة

فعلا والله . يعنى انا بعت والله على قطع الغيار اول امبارح على المساعدين من التوكيل من محل عندنا اخد منى ٢٠٠ جنيه شحن وربنا عالم مش فاهم فى ايه !!!

**iEgyptian** · 03-09-2014 08:55 AM

انا والله كنت عايز أجيب الفيرنا وأريح بالى . يلا الحمد لله نصيب ...

**omda hassnin** · 06-09-2014 03:54 PM

السلام عليكم ...
أرجو أن تتقبل كلامى بصدر رحب ووالله كلامى معاك هيكون لوجه الله
حضرتك أولا لازم تكون عارف قبل ماهتشترى العربيه وخصوصا لو مستعمله هتعمل صيانتها فين
وهتجيب قطع غيارها منين وألاصلى فين والفرست هاى كوبى منين كل دى حاجات مهمه أووووووى

تانى حاجة بقى مرحلة الشراء أى عربيه أكتر من 100 الف كيلو هتكون متهانه وبدأت تفتح بؤها معاك

تالت حاجة لازم يكون عندك ميكانيكى وعفشجى محترمين يشوفو لك العربيه أو محطه ترفع فيها العربيه وتاخد تقرير

** أما بقى فى حالة عربيتك دلوقتى عايز أقولك أنت محتاج مركز صيانه محترم وتجيب لها قطع غيار مضمونه
فأنا أنصح تنزل بيها القاهره كام يوم تظبطها وتروشها هتلاقى الدنيا أتظبطت معاك أوى
وربنا يباركلك فيها إن شاء الله

**midooo_119** · 06-09-2014 05:56 PM

طيب هو الراجل اشترى خلاص و الى حصل حصل ... مش عاوزك تتضايق نفسك الموضوع بسيط ان شاء الله هى مشكلتك كلها انك مش عارف المشاكل الى فيها فنصيحتى ليك انك هتروح التوكيل و هتكشف عالعربيه و تشوف اخر صيانه ليها كانت امتى و ايه الى اتغير فيها و ايه الى ماتغيرش ويقلولك العربيه محتاجه ايه بالظبط و تقولهم على اى مشكله مقابلاك و تغير اى حاجه العربيه عاوزاها بره التوكيل ..