عرض للطباعة
السلام عليكم انا معايا هوندا سيفيك 2000 و الموتور الموجود D15z4 و كنت عاوز احول العربية الى فيتك بس من غير ما اغير الموتور علشان موتوري نضيف جدا فا عاوز اعرف وش السلندر كامل D15B VTEC 3 stage و الكنترول بتاعو هيتكلفو كام و هل الموضوع هيكون مجدي ولا مصاريف على الفضي و الاداء مش هيختلف اوي و شكرا
مصاريف عالفاضي
انا عملت القصة دي من كام سنة مش الفرق الواو يعني الموتور بتاعك عالفتيس بتاعك ادائه حلو و حامي خليك زي ما انت
لو موتورك نضيف نصيحه مش تعمل حاجه بجد
لو لا قدر الله حصل حاجه وعايز تغير وش سلندر ممكن تجرب تقريبا وش السلندر بالكنترول ممكن تدخل في 800 - 1000 جنيه
بس برضه هتغير ضفيره الحوض تبقى فتيك تدخل ف مبلغ برضه
هيتم تغير الاتى :
1- وش سلندر كامل + حساس ال vtec
2- كنترول
3- الكهربائى هيعدل سلك عشان يوصل من الكنترول لل vtec
4- جوان وش سلندر + جوان تاكيهات + كاوتش صمامات لو احتاج
التكلفة هتدخل فى حوالى 2000-2500 جنية بالمصنعية بكلة
فى الاخر القوة اللى هتحصل عليها من 5-8 حصان بالكتير وصوت مكنة جميل عند تخطى عدد اللفات الذى يبدأ معاة فتح صمام ال vtec
بديل اخر بدل ماتدخل فى كل المتاهات دية
1- هتجيب شكمان اصلى بالهيدر
2- فلتر اسبور + الماسورة
3- بوجيهات ايريديم + سلوك بوجيهات 8 ملى
وهتاخد اداء حلو جدااا
شكرا على كل المشاركات يا شباب وان شاء الله هنفذ الحل البديل الي استاذ سامح كتبه