الموضوع: إستفسار عاجل وهام يا شباب

سلام عليكم
مساء الخيرات يا شيراوية ;)
عندي إستفسارين
سيارتي شيري A11
من فترة كان التكييف كل ما آجي أشغله أسمع صوت كركرة وبمجرد فصل التكييف الصوت يروح
المهم روحت لبتاع التكييفات قال لي لازم يتحل ونشوف فيه ايه في الكباس تقريبا أو مش فاكر والله قال لي إسمه إيه بس هو كان بيشاور على التكييف نفسه
وقال لي إمشي بيها عادي طالما التبريد بتاعها كويس - وخصوصا إننا لما شحناه كان تلاجة وزي الفل
المهم الصوت ده فضل يروح وييجي
وفجأة وأنا ماشي في مرة ومشغل التكييف العربية فصلت مني ، لكنت على جنب لقيت التكييف مطلع شراره ةدخان شديد
طفيت التكييف ومشيت عادي ولما روحت البيت كل ما آحي أشغل التكييف العربية تبطل
فقررت أفصل الكهربا بتاعة التكييف لحين التصرف
السؤال بقى
هل كدة التكييف شكراً ؟ ولا ممكن يتصلح ؟
ولو التكييف كدة شكراً - الكومبروسر بكام ؟
ده بالنسبة للسؤال الاول
السؤال التاني
عندي مشكلة غريبة مش عارف أسأل فيها مين بالظبط - هل كهربائي أم ميكانيكي ولا إيه
دلوقتي لما بافول العربية المؤشر بتاع البنزين بيطلع للآخر Full
وكل ما أمشي وأسهلك بنزين يفضل المؤشر ينزل عادي جداً
لحد ما يقف عند منطقة معينة
أفضل أنا أستهلك بنزين والمؤشر ثابت!!!
ولما آجي أفول العربية المؤشر يطلع
ويفضل ينزل مع الإستهلاك لحد ما يثبت عند حتة معينة رغم إستمرار الإستهلاك
أعمل إيه في الموضوع ده ؟
أفيدونا يرحمكم الله
:)

شكراً جزيلاً للإهتمام
:)