حد يعرف ايه بيحصل في الكهربا ؟؟

**tkamal** · 04-09-2014 05:39 PM

المشاركة الأصلية كتبت بواسطة mohamed_selim

بيان توضيحي لانقطاع الكهرباء عن غالبية الجمهورية
-----------------------------------
- في تمام الساعة السادسة صباح يوم الخميس الموافق 4/9/2014 وأثناء توصيل الدائرة (القاهرة-النوبارية) جهد 500 ك.ف حدث خروج مفاجئ لكافة وحدات الانتاج بمحطة النوبارية (1450 م.و).
- الخطأ الذي حدث هو توصيل الدائرة (النوبارية-القاهرة) من ناحية النوبارية أولا ثم من ناحية القاهرة، والمفترض أن العكس هو الذي يحدث، مسئول عن هذا الخطأ مهندس الوردية بالتحكم القومي للطاقة، حيث أدى لحدوث over current.
- الخروج المفاجئ لمحطة النوبارية أدى لحدوث هزة على الشبكة القومية جهد 500 ك.ف، مما أدى لخروج كثير من الدوائر من الشبكة الموحدة جهد 500 ك.ف و220 ك.ف، مما أدى لانخفاض مفاجئ في قيمة الأحمال.
- الانخفاض المفاجئ أدى لارتفاع سرعة الشبكة لتصل 3072 لفة/الدقيقة (الطبيعي 3000)، وارتفاع تردد الشبكة ليصل 51.38 هرتز (الطبيعي 50)، مما نتج عنه خروج كثير من وحدات الانتاج من الشبكة الموحدة لعدم وجود تزامن.
- المفترض وجود جهاز وقاية يحمي الوحدة من الانخفاض المفاجئ في الحمل، حيث يقوم بخفض كمية الوقود المستخدم، وخروج الوحدات يعني عدم عمل أجهزة الوقاية على أكمل وجه.
- كل تلك الأحداث المتتالية وقعت في زمن قليل ربما لم يتخطى الربع ساعة.
- تم بالفعل اعادة الدخول ببعض وحدات الانتاج التي خرجت من الخدمة، وجاري الدخول بالباقي.
- عمليات فصل وتوصيل الدوائر جهد ( 500 ك.ف -220 ك.ف-66 ك.ف) يطلق عليها مصطلح "مناورة".

طيب والمهندس دة المفروض نعمل فى ايه بقى ؟
يعنى خطا بشرى ممكن يكحول بلد بالمنظر دة ايه الهبل دة
دى حاجه عامله زى عامل التحويله بتاع القطر

**mohamed_selim** · 04-09-2014 06:07 PM

الخطأ البشر وارد بس السيستم المظبوط لازم يكون فيه نظام حمايه ... اخدت بالك من دى: - المفترض وجود جهاز وقاية يحمي الوحدة من الانخفاض المفاجئ في الحمل، حيث يقوم بخفض كمية الوقود المستخدم، وخروج الوحدات يعني عدم عمل أجهزة الوقاية على أكمل وجه.
فى حد كان بيتكلم على محطه نوويه ... يالا نعملها و نحطلها نفس نظام الحمايه و هتلاقى نفس المهندس بتاع المناوره هو اللى بيشغلها ..... ابحث عن سيد حباره و انت تفهم قصدى

**Bassem Youssef** · 04-09-2014 06:12 PM

شويه $%#$^%$^#%#$%#$^#$ ماسكين البلد

**Amr96** · 04-09-2014 06:18 PM

النهاردة الكهربا قطعت من الساعة 12 الضهر لحد 2
وجت من 2 لحد 3
وراحت قطعت تانى من 3 ولسة جاية من حبة
ايام ما يعلم بيها الا ربنا
ربنا يستر

**mmolazem** · 04-09-2014 07:34 PM

المشاركة الأصلية كتبت بواسطة a_nbm

2- ع المدى البعيد
محطه نوويه في الضبعه في اسرع وقت (بتاخد 10 سنين تقريبا) وبتنتج تقريبا 5 جيجا

اعتقد محطة الضبعه خلاص . . بخ !!

هيئة المحطات النووية تسلم أرض الضبعة الجديدة للقوات المسلحة

وستضم المدينة إنشاء 1500 وحدة سكنية وشاطئ عام على البحر مباشرة لأول مرة لأهالى الضبعة،
وتبلغ مساحة المدينة الجديدة حوالى 2300 فدان، يستفيد من وحداتها حوالى 500 أسرة متضررة
من نزع أراضيها بالقرار الجمهورى الصادر فى عام 1981 لصالح إنشاء أول محطة نووية بالضبعة.

هيئة المحطات النووية تسلم أرض الضبعة الجديدة للقوات المسلحة | المصري اليوم

**Imhotep** · 04-09-2014 08:00 PM

المشاركة الأصلية كتبت بواسطة mmolazem

اعتقد محطة الضبعه خلاص . . بخ !!

هيئة المحطات النووية تسلم أرض الضبعة الجديدة للقوات المسلحة

وستضم المدينة إنشاء 1500 وحدة سكنية وشاطئ عام على البحر مباشرة لأول مرة لأهالى الضبعة،
وتبلغ مساحة المدينة الجديدة حوالى 2300 فدان، يستفيد من وحداتها حوالى 500 أسرة متضررة
من نزع أراضيها بالقرار الجمهورى الصادر فى عام 1981 لصالح إنشاء أول محطة نووية بالضبعة.

هيئة المحطات النووية تسلم أرض الضبعة الجديدة للقوات المسلحة | المصري اليوم

اتقى الله و هات النص التانى من الحقيقة و متجبش النص اللى يناسب هواك بس. . . النص التانى من الحقيقة اهه:
"العاملين بالطاقة النووية": الجيش أنهى ٦٥٪ من البنية التحتية للضبعة اليوم السابع

الحقيقة الكاملة بقى هى ان ارض المحطة اتنزع ملكيتها من ناس و الجيش خلص 65% من بنيتها التحتية و هيخلصها كلها قبل اخر السنة. . . و الناس اللى اتنزعت ملكيتهم لارضهم لصالح المشروع هم اللى الجيش بيعوضهم بالمشروع اللى انت جايب تفاصيله. . .

**AlGazar2** · 04-09-2014 09:15 PM

اصلا اسوء مكان يتعمل فيه محطه نووية فى مصر هوه الضبعة و شوفوا اتجاه الرياح السائد فى مصر ايه و لو حصل اى مشكلة فى المحطه ايه الى هيتلوث فى مصر

و افضل مكان استيراتيجى يتعمل فيه حاجة زى كده فى سيناء على الحدود مع اسرائيل عشان يبقى امن المحطة دى من امن اسرائيل لان اى حاجة تحصل فيها مش هتضر غيرهم او تتعمل فى جنوب مصر على الحدود مع السودان الاول ده من حيث استيراتيجية المكان و التانى ده من حيث ان المكان لو حصل فيه حاجة ميأثرش على البلد كلها من شمالها لجنوبها

و ليه نبدأ فى حاجة كانت فى العالم كله من عشرين سنة ليه منمشيش فى الى كل الناس ماشيين فيه دلوقتى \
سواء طاقة رياح او امواج او خلايا ضوئية من الشمس الى شغاله عندنا فى الصيف بال 12 ساعة و من اعلى معدلات الاشعاع الشمسى فى العالم على مدار السنة كلها و طاقة نضيفة ولا فيها وقود ولا غيره كل الى بتحتاجة نضافه للخلايا

**S O P H O S** · 04-09-2014 09:41 PM

انهاردة فوق ال 8 ساعات قطع
وروحت مكان تاني بردوا مفيش كهرباء
وبردوا كان في شبكات واقعة
ومش عارف السبب ايه لحد دلوقتي

**Curbis** · 04-09-2014 10:43 PM

المشاركة الأصلية كتبت بواسطة mohamed_selim

فى حد كان بيتكلم على محطه نوويه ... يالا نعملها و نحطلها نفس نظام الحمايه و هتلاقى نفس المهندس بتاع المناوره هو اللى بيشغلها ..... ابحث عن سيد حباره و انت تفهم قصدى

الهند أكتر بلد بيحصل فيها بلاك اوت وعندهم مفاعلات وقنابل نووية عادي

**Curbis** · 04-09-2014 10:46 PM

اللي حصل في مصر حصل قبل كده في أورويا سنة 2006 ولنفس السبب في محطة في ألمانيا (اللي الاسطورة بتقول انهم كانوا بيحتفلوا فيها بأن بقالهم 30 سنة الكهربا مش بتقطع ههههه) بس عملت بلاك اوت ووقعت الشبكة في كذا دولة في أورويا ومعاهم المغرب كمان عشان كلها مربوطة ببعض

عادي بلاش أفورة

2006 European blackout - Wikipedia, the free encyclopedia