الموضوع: مفتاح الأسانسير

المشاركة الأصلية كتبت بواسطة amr011111

لما الكهرباء بتقطع وحد يكون جوه الاسانسير

اول حاجه بتفصل مفتاح الكهرباء بتاع الاسانسير وهتلاقيه موجود فى علبة الفيوزات فى مدخل العماره

وبعدين بتطلع للدور اللى الشخص مقفول عليه باب الاسانسير وتفتح الباب من بره
بمفتاح رأسه ثلاثيه

بعد فصل الكهرباء ، لازم الفصل يكون من السكينة (المفتاح) اللي في غرفة الماكينة مش من المفتاح السفلي. وأولا ، لازم يبص على المصعد فين تقريباً لو لقاه في حدود 30 سم فوق أو تحت مستوى الدور ممكن يطلع الناس أكتر من كدة خطر ، وممكن بيكون الأسانسير بين دورين. ويكون الناس قدامهم حيطة. فيطلع في الحالتين لغرفة الماكينة بعد ما يكلم اللي جوة الأسانسير ويطمنه إنه هيطلعه على طول ويطلب منه الهدوء والابتعاد عن باب المصعد لأنه هيحرك المصعد يدويا حتى لا تحدث اصابات لا قدر الله يفصل الكهرباء ويحرك المصعد يدويا لحد ما يزبط على الدرو بالزبط ، طيب هيعرف منين إن الأسانسير على الدور بالزبط وهو فوق
المفروض يكون فيه علامات على الحبال بحيث أن لما الاسانسير يكون واقف على أي دور تكون علامة على الحبال تقابل علامة على الماكينة ، يعني لو الاسانسير 10 أدوار المفروض يكون فيه 10 علامات على الحبال تمثل كل منها دور معين وفيه علامة واحدة ثابتة على الماكينة(لازم يكون مع البواب كشاف عشان يشوف) ، ولما الاسانسير ييجي على دور مزبوط ينزل البواب ويفتح الباب ويخرج الناس. وربنا يستر

تحياتي

المشاركة الأصلية كتبت بواسطة amr011111

طيب سؤال
لو الكهرباء جت فجأة وانا فاصل من المفتاح ( الفيوز ) اللى تحت فقط ماذا سيحدث
ا

المفروض المصعد ما يتحركش لو أي باب مفتوح (أحياناً للأسف بعض معدومي الضمير بيلغو دائرة الباب لما الكالون يعملهم أعطال عشان يريحو دماغهم)
لكن أنا بفترض إن الدوائر سليمة (وهو ده المفروض والطبيعي) ، المشكلة لو حد فصل الكهرباء من تحت والمصعد بين دورين يبقى لازم هيطلع حد لحجرة الماكينة يحاول يحرك المصعد ويجيبه أما دور عشان يعرف يخرج الناس ، لو الكهرباء جت وفيه واحد بيحرك الماكينة يدويا ممكن أي حد تحت ما يعرفش ان فيه واحد بيحرك الماكينة فوق يقوم موصل الفيوز تحت أثناء الأخ اللي فوق ما بيحرك يدوي فتحصل له اصابة لأن الموتور هيتحرك على طول ويكون صاحبنا ايده في اي حتة من الاجزاء المتحركة.