مش لازم تطلع رخصة مبانى بالادوار كفاية اوى رخصة بسور و اوضة تعملها جراج مخزن سكن للغفير وتدخل كهربا وبالنسبة للشهر العقارى ابعتلهم انذارات تانى وشوف الطلب دة لازم يتجدد كل سنة شوف يخلص امتى و اعمل انت كشف مساحة باسمك
مش لازم تطلع رخصة مبانى بالادوار كفاية اوى رخصة بسور و اوضة تعملها جراج مخزن سكن للغفير وتدخل كهربا وبالنسبة للشهر العقارى ابعتلهم انذارات تانى وشوف الطلب دة لازم يتجدد كل سنة شوف يخلص امتى و اعمل انت كشف مساحة باسمك
بص يا باشا .. من الأخر ,,
http://im87.gulfup.com/NzvaqD.jpg
"سيدنا عمر كان بيقول .. لست بخب ولا يغلبني الخب" ,,
الخب ده اللئيم اللبط إبن الكذا ..
مش لازم تبقى بلطجي .. بس تعرف تجيب حقك إزاي ,,
و دي تعرفها من العالم إلي هيه نفس عجينه إلي جيين يبلطجو عليك ,,
من دول تعرف الحل و ممكن يجبولك الحل لحد عندك .. بس تكيش ,,
غير تسئل الناس الكبره الناس الكبيره إلي فيعلتك و غير علتك ..
دول ياما مر عليهم من ده كتتتتير .. و شافو ناس عرفت تتصرف ,,
ده كله مع سكة القانون ..
و إلي أهم من ده "الدعااااااء" ,,
صلي و إدعي على بن ال** .. أن ربنا يشغله عنك بشاغل لا يقوى عليه ,,
و روح بص على أرضك كل شويه .. و خد إصحابك معاك ,,
و في حقك .. أنسى وضعك الأجتماعي و أخلائي ماتسمحليش و ما ينفعش و الهري ده ,,
إلي يكلمك في التلفون .. مش تقوله حضرتك سبله ميت *** ,,
إلي هيلاقيك متراخي عن حقك .. "إن ماكلاكش في بطنه يبقى حرام عليه" ,,
و ربنا سبحانه و تعالى قال : ((لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَن ظُلِمَ ۚ وَكَانَ اللَّهُ سَمِيعًا عَلِيمًا ))
يعني مع العالم الوسخه ربنا مايحسبكش ..
لما تعاملهم بنفس وساختهم .. مادمت مظلوم ,,
ربنا معاك ,,
بلد تقرف والله العظيم
ابسط الحقوق مفيش حماية ليها
والله العظيم دلوقتى فكرة شرا ارض او شقة بقى هم على القلب
الواحد بيبقى نفسه يجيب حاجة يحط فيها فلوسه عشان يحافظ على قيمتها بس بقى حاسس انه لو جاب ارض ولا شقة ممكن فى يوم وليلة يلاقى فلوسه راحت ولا بقى محاكم ولا يحزنون بلد وسخة بجد
قانون بلدنا عايز يتغير اذا كانو بيحتلو اراض الدوله مش عايزهم يحتلو ارضك
حافظ علي ارضك بكل الطرق قانونيا او غير قانوني
المشكلة انه للاسف فيه ناس غلابة ملهومش لا فى بلطجة ولا غيره وممكن يكونوا ناس غلابة واحد على قد حاله ولا عنده قرايب يخدموه ولا يحزنون
بلد تقرف
طلعلها رخصة مباني فورا واعمل اول دور جراشات واجر الجراشات
منها هتستفاد دخل ومنها هيكون في ناس مستأجرة ومنها معاك ترخيص باسمك في الحي
ملاحظة خارجية :::
انا معرفش في القانون ...بس انتا ممكن تقدم بلاغ للنائب العام في الشهر العقاري نفسه ان بيقبل طلب تسجيل وانتا الارض مسجلة باسمك
اشكرك لردك
بس هوا انذار واحد مش كفايه؟ والطلب بتاعهم لسه بدرى على ما ينتهى و ممكن يجددوه هما و مزاجهم بقى ماهو القانون حاططنى تحت ضرسهم , الغريب ان القانون بيفترض كل الافتراضات الى بتحميه بالرغم انه رمى الطلب و مش بيظهر تانى و ما افترضش انه مزور و انه المفروض يحمينى انا كمان
حاجه كمان بالنسبه لكشف المساحه الى باسمى ده انا مش فاهمه لو حضرتك قصدك ان احنا كمان حد مننا يقدم طلب فده حصل فعلا ياريت حضرتك توضح اكتر لو سمحت
بجد اشكرك على كلامك و شعورك النبيل
بس سكة القانون انا فعلا ماشى فيها و ياريت لو حد عنده نصيحه لى فى الموضوع القانونى ده يدلنى او ينصحنى خصوصا لو شاف موقف مشابه
اما سكة انك تاخد حقك بالطرق الاخرى ففعلا ناس قالولى هات بلطجيه و قعدهم هناك و خرج اى حد يدخل بس فى مشكلتين اول مشكله ان التعامل مع البلطجيه حتى لو هم فى صفك ده شئ غير مضمون ثانيا لو حد حصله حاجه فى اى طرف من الطرفين هيبقى علينا احنا المسؤوليه الجنائيه لان احنا اصحاب الارض ساعتها بقى هنطلع اصحاب الارض
والله انا من مضايقتى فكرت فى وقت من الاوقات انى اشيل سلاح و اتعامل بيه ضد اى تهديد لى او لاسرتى مش البلد كده كده مافيهاش قانون طب ليه يبقى على انا بس؟
دول مافيا الاراضي وهو موضوع منتشر للاسف الشديد , بيراقبوا اي ارض لفترة .. لاقوا العملية هادية ومفيش رجل عليها بيعملوا الاجراءات الاتية :-
1- عقد مضروب بين اتنين وبعدين صحة توقيع وينصبوا على اي حد ويبيعوها وفص ملح وداب
أو
2- عقد مضروب وطلب في الشهر العقاري ويحاولوا ياخدوا حكم بصحة ونفاذ , لكن ده هيصطدم بأنه مطلوب منهم في المحكمة تسلسل الملكية وشهادة عقارية والاكيد بيبقى فيها المالك الأصلي , ولو فيه حد في الشهر العقاري بدون ضمير ممكن يخدمهم
ويبيعوا الارض .
أو
3- كام عقد مضروب من فلان لعلان ويافطة على الارض وقرار تمكين من المحامي العام عن نزاع اونطة ويبيعوها او يساوموا صاحبها لو ظهر
بالنهاية ما تقلقش طالما الملكية مسجلة بس حاول تاخد عليها كام اجراء زي تثبيت ملكية او تؤجرها لاي شركة او تبنيها بنظام المشاركة او تعلق يافطة موضح فيها ملكية الارض وانها مش للبيع وتحظر الناس من عمليات النصب
لا حول ولا قوة إلا بالله
انت فى مصر بلد السبهلله والحقوق الضائعة
وبيضحكوا علينا فى الاعلام عن دولة المؤسسات والقانون والأمن والأمان
ربنا معاكم
ويارب تخلص على خير